Post Tagged with: "梁偉家"

網圖分享:梁偉家畫張道陵
by / on 01/08/2020 at 9:30 am

網圖分享:梁偉家畫張道陵

留家抗疫,人人有責,梁偉家被困屋企,選擇作畫解悶,今次仲嘗試用新紙作畫。乜新紙?仿古半生熟宣紙喎,好深,唔識,我淨係知畫中張道陵好有霸氣。

Read more ›

梁偉家又來牛皮紙作畫 祖兒登場
by / on 03/07/2020 at 7:45 pm

梁偉家又來牛皮紙作畫 祖兒登場

梁偉家呢排畫興大發,繼天師後,又用牛皮紙畫多幅祖兒,咁當然一樣高質喇,我哋一於畀啲掌聲以示鼓勵,啪啪啪啪啪。家家,繼續畫,唔好停。

Read more ›
網圖分享:梁偉家舊稿《魔域先鋒》+新作牛皮紙天師
by / on 30/06/2020 at 9:30 pm

網圖分享:梁偉家舊稿《魔域先鋒》+新作牛皮紙天師

梁偉家喺面書登咗兩幅靚畫,一幅係1987年舊稿《魔域先鋒》其中一頁,佢好謙咁話:「而家睇返只屬一般質素,不過心機搭夠。」都唔係吖,線條咁細緻,構圖咁精采,頭髮填得咁有水準,絕對唔止「一般質素」喇。另一幅係新作,畫嘅係天師,梁偉家話首次用牛皮紙畫畫,試吓新紙咁話喎,又係高質啫。

Read more ›
網圖分享:梁偉家的天師與祖兒
by / on 14/05/2020 at 9:30 pm

網圖分享:梁偉家的天師與祖兒

好明顯係手痕,但我希望梁偉家多啲手痕,久唔久就掟幅作品上網公諸同好,豈不快哉。今次佢「隨心隨意畫」嘅係天師與祖兒,係咪好靚呢?話時話,家家幾時會有新書或畫集推出?

Read more ›
索取港漫畫家簽名畫板加海洋明信片 手快有手慢無
by / on 01/01/2020 at 7:15 pm

索取港漫畫家簽名畫板加海洋明信片 手快有手慢無

喺馬來西亞舉辦嘅Comic Fiesta 2019圓滿結束,咁關香港動漫Fans乜事?都關架,事關鄺志德、曹志豪、葉偉青、謝森龍異、梁偉家同Nekori為是次交流活動,各自畫咗一幅簽名畫板,另加海洋出版社製作嘅明信片,依家統統都可以送畀大家。很想要吧?老例都係要幫手開心Share帖子、寫低點解想得到獎品嘅原因之類大路嘢,手快有手慢無,大家識做喇。

Read more ›
《亞洲漫畫家聯展》 過大海探梁偉家
by / on 26/09/2019 at 7:30 pm

《亞洲漫畫家聯展》 過大海探梁偉家

澳門都有好多有心人推動漫畫事業,嚟緊10月,「澳門動漫文流促進會」會舉辦《亞洲漫畫家聯展》,參展漫畫家有日本代表金谷裕、新加坡代表黃展鳴、台灣代表黃俊維、泰國代表Kiattisak Phiokao、澳門代表湖水藍同埋……我們熟識的香港代表梁偉家。係家家Fans的話,過大海呢程船無得慳喇,仲有樣嘢我都好Concern,就係睇完畫展,唔知仲有無精品買呢?

Read more ›

梁偉家《滅絕遊戲‧非洲篇》有得補購
by / on 14/08/2019 at 10:00 pm

梁偉家《滅絕遊戲‧非洲篇》有得補購

剛過去嘅動漫節2019,梁偉家推出彩圖集《滅絕遊戲‧非洲篇》,我有買。如果大家想補購的話,可以去MK走一轉,「收藏家港漫專區」獨家發售,每套$220。無呃你,彩圖集有12幅複製原畫,幅幅都好高質,係值得一儲的。

Read more ›
梁偉家《滅絕遊戲非洲篇彩圖集》$220 同場加映原畫展銷
by / on 25/07/2019 at 8:33 pm

梁偉家《滅絕遊戲非洲篇彩圖集》$220 同場加映原畫展銷

梁偉家無疑係香港資深漫畫家,畫功出色,但講到動漫節擺Booth呢瓣,佢係新手一名。好喇,我哋畀啲實際支持呢位新手喇,動漫節期間佢會喺「漫漫行專區」(C23(10))打躉,大家記得搵佢影相簽名吹吹水咯喎。Product方面,佢會推出《滅絕遊戲非洲篇彩圖集》,每本$220,仲有原畫展覽同展銷,鍾意邊幅就邊幅,唔好怕醜,歡迎問價。其他如滑鼠墊、Postcard、《滅絕遊戲》漫畫等等舊作,都可以補購。

Read more ›
朱飛揚x梁偉家《地藏》特別版$80
by / on 23/07/2019 at 10:00 pm

朱飛揚x梁偉家《地藏》特別版$80

Fine,書展已過,動漫節2019緊接上場,之前介紹過嘅小說《地藏》有詳細資料嘞,作者朱飛揚,故事講天才科學家如何拯救地球、通靈少女煉性化空而得道,估計都係末日、災難、科幻、神怪一類題材,而封面同插畫,則由梁偉家負責。全書104頁,封面彩色,內文黑白,Size係125x184mm。老例,分普通版同特別版,前者小說+畫籤三張,$50;後者小說+書籤三張+過膠海報+3D立體卡,$80。故事如何要睇過至知,但封面真係好靚,請大家多多支持,報告完畢。

Read more ›
戴慶賢+Fai Cheng=《地藏》海報
by / on 16/07/2019 at 11:15 pm

戴慶賢+Fai Cheng=《地藏》海報

之前報導過朱飛揚將會喺今年動漫節推出小說《地藏》,由梁偉家繪畫封面同插圖,小說暫時就未有得睇住,但靚靚海報卻可以先睹為快。好高質架,直達港漫封面水準,海報由戴慶賢繪畫,Fai Cheng負責書名Logo,話霸氣十足都不為過。

Read more ›
梁偉家動漫節新作 操刀《地藏》封面+插畫
by / on 06/07/2019 at 9:00 am

梁偉家動漫節新作 操刀《地藏》封面+插畫

很開心,今年動漫節,久違了的梁偉家都會有新作《地藏》出。佢剛剛喺面書開Post並附上一幅畫作,據初部資料,《地藏》屬插畫式小說,小說部份由朱飛揚負責,封面同插圖當然由家家操刀喇,拭目以待,到時請大家多多支持。

Read more ›

《詭探前傳》啟播 梁偉家漫畫草圖公諸同好
by / on 29/04/2019 at 9:30 pm

《詭探前傳》啟播 梁偉家漫畫草圖公諸同好

我有追睇《詭探》架,大佬孝飾演嘅司馬至全、蔣祖曼飾演嘅方怡、楊偲泳飾演嘅神婆,到加陣尚印象深刻。記得最尾劇情只講到「第七行動組」阿頭忠Sir由忠變奸,殺死八爺,但未有真正結局,估唔到續集未拍,先拍《詭探前傳》,4月29日啟播,Cast則有鄭少秋、游學修、陶大宇等好戲之人。而之前有份幫《詭探》畫漫畫嘅梁偉家,今次都有為《詭探前傳》畫咗兩幅草圖,掟咗上面書公諸同好,大家一於睇完靚畫睇好戲喇喂。

Read more ›
梁偉家賀聖誕出條漫 《滅絕遊戲2018之無限結印》高質
by / on 24/12/2018 at 9:30 pm

梁偉家賀聖誕出條漫 《滅絕遊戲2018之無限結印》高質

過時過節出賀圖已成港漫人老例,大家睇畫開心吓,何樂而不為?梁偉家更加有誠意,今次唔只出「圖」,直頭出「漫畫」,喺面書公開條漫《滅絕遊戲2018之無限結印》。一貫畫風,一貫高質,一貫出色分鏡,佢話辛辛苦苦畫咗十幾日,作為聖誕禮物送畀大家喎。大家記得畀Like,家家,加油呀。

Read more ›
手藝新嘗試 梁偉家捏出個著色版祖兒來
by / on 26/11/2018 at 9:30 pm

手藝新嘗試 梁偉家捏出個著色版祖兒來

捏完張道陵天師,點可以少咗《滅絕遊戲》主角祖兒?無記錯的話,漫畫裡面嘅祖兒係驚驚青青論論盡盡嘅,今次呢個著色版泥塑祖兒卻予人異常醒目嘅感覺,眼仔睩睩好鬼精靈。唔好停呀家家,掌聲鼓勵,繼續捏呀喂。

Read more ›
手藝新嘗試 梁偉家捏出個著色版天師來
by / on 23/11/2018 at 9:45 pm

手藝新嘗試 梁偉家捏出個著色版天師來

叻叻呀!梁偉家唔只畫畫叻,做泥塑一樣咁掂呀。佢又捏出個Q版天師來,今次有長足進步,因為係上色版,顏色配搭好搶眼,連配劍都有埋,正!

Read more ›