Tag: 梁偉家

《我和殭屍有個約會》創刊 梁偉家出圖宣傳

《我和殭屍有個約會》創刊 梁偉家出圖宣傳

買咗喇,今日《我和殭屍有個約會》創刊,唔貼內文圖費事劇透,只可以講成本書有幾分和仔大人味道,係鄭健和Fans不容錯過。至於整體質素,不過不失喇,唔算甚麼曠世巨著,都係嗰啲你估得到嘅套路,製作尚算嚴謹,睇完唔會呻笨,$25合格有餘⋯⋯

Read more ›

聽歌+睇漫畫 梁偉家 x ZolarWind 2.0《我和成長了的我對話》

聽歌+睇漫畫 梁偉家 x ZolarWind 2.0《我和成長了的我對話》

睇YouTube,聽歌……「我將來一定要做音樂漫畫!」、「十八歲講做人,清高的口吻,當天你笑得多心。」、「再多的身家難親手擁抱,再高的職級難驅走惡夢,確信你世界觀不要被這時代壓縮。」……呢啲係樂隊ZolarWind 2.0歌曲《我和成長了的我對話》嘅歌詞,對於我呢亭中坑嚟講,唔知點解真係好中,咁講真聽到喊就呃你嘅,但真心越聽越有共鳴囉。歌詞係我杯茶,MV仲要邀請到梁偉家畫海量插畫,畫風係我最鍾意嗰隻港漫風,成個古仔個main theme出晒嚟,誇張啲講,簡直係聽歌加睇漫畫二合一享受。從今起,我既支持家家,亦會支持埋呢隊ZolarWind 2.0。

Read more ›
梁偉家加入《天妖玄奇》 孖徐大寶做美術主筆

梁偉家加入《天妖玄奇》 孖徐大寶做美術主筆

剛喺茶餐廳坐咗兩粒鐘,啜住凍檸茶一口氣睇晒本周港漫,好爽皮。睇今期第30期《天妖玄奇》,姬發入魔問天死完又死,故事進度繼續緩慢,驚喜位卻在書末,不見了徐大寶卻換上梁偉家新專欄「家油站!」,原來佢已經孖住徐大寶一齊擔任「美術主筆」一職。家家咁寫:「……首先特別多謝黃生同家寶兄邀請我加入黃玉郎集團呢個大家庭,諗唔到又可以投入香港漫畫嘅懷抱……」我有追開家家面書的,不嬲都好鍾意佢滿滿港漫味嘅畫風,加油呀,有家家加盟,希望《天妖玄奇》可以越做越好喇喂。

Read more ›
梁偉家畫新故事《奇人異事》 肥鬼母女好Cutie

梁偉家畫新故事《奇人異事》 肥鬼母女好Cutie

雖然甩晒皮爆晒手指咁,但梁偉家筆下呢對肥鬼母女確實係Cutie。肥鬼母女係佢新故事《奇人異事》角色之一,咁本書幾時推出呢?未有咁快,事關家陣尚在圈稿階段,設定中嘅故事只係寫到一半,人設亦只完成咗八個,即係一句講晒,大家慢慢等喇。等你呀家家,一於撚到靚一靚先推出,加油。

Read more ›
梁偉家畫曲奇包裝盒 有得睇無得買

梁偉家畫曲奇包裝盒 有得睇無得買

梁偉家手畫有幾掂,唔使多介紹喇。話說佢幫哆寶賀年曲奇禮盒畫包裝盒封面,雖然經修改後同原圖有出入,但無損整體構圖嘅過年氣氛,我就覺得好正嘞。你都覺得正,想買?Sorry,不作公開售的,只For餐廳私底下送畀客戶之用,得個睇字Only。

Read more ›
為家人而手痕 梁偉家私伙Sticker

為家人而手痕 梁偉家私伙Sticker

係愛呀,係對家人的愛,梁偉家因愛而手痕,因手痕而畫咗幾個Sticker畀家人用,「THX!」、「努力!奮鬥!」、「好眼訓呀!」、「唔該晒!」四個Sticker,唔知點解,我覺得呢種畫風好溫暖。

Read more ›

網圖分享:梁偉家的龍虎三皇

網圖分享:梁偉家的龍虎三皇

呢期一街都係《龍虎門》,梁偉家都唔執輸,拎番N年前舊作出嚟,掟上面書公諸同好。我覺得呢幅龍虎三皇幾特別,罕有地以王小龍做主角,王小虎同石黑龍靠邊站;And,三皇用黑線,龍、虎同蠍子用紅線,原來紅色撞黑色可以咁搶眼,讚。

Read more ›
梁偉家報料 A4畫板不日發售

梁偉家報料 A4畫板不日發售

久違了的梁偉家面書報料,兼登相一幅,話已經印製好一批精美A4畫板,遲啲會作公開發售。依相中所見,有天師、金毛獅王、銀霹靂等為數總共11幅,唔知賣幾多幾呢?此Post一出,即有讀者留言:「全排」,果然識貨。

Read more ›
網圖分享:梁偉家畫港漫界前輩

網圖分享:梁偉家畫港漫界前輩

梁偉家又畫興大發了,喺面書登咗五幅畫作,畫嘅係港漫界五位前輩──上官小強、上官小寶、邱福龍、馮志明同馬榮成。雖然只係黑白稿,但人像大頭素描極神似,壽星仔、鐵縱橫、聶風、李小龍同橫刀等漫畫角色嘅神髓亦出晒嚟,值得畀掌聲,啪啪啪啪啪。

Read more ›
幫襯吓 梁偉家畫口罩包裝盒

幫襯吓 梁偉家畫口罩包裝盒

幫襯吓呀喂,原來梁偉家幫同同口罩畫包裝盒,此口罩標榜原材料係日本熔噴布加台灣無紡布,不含甲醛,仲要色彩繽紛,戴上口都Sharp醒啲。最重要係──香港製造!Made in Hong Kong呀,遲啲好難見到呢四個字架喇,要珍惜呀。

Read more ›
網圖分享:梁偉家畫張道陵

網圖分享:梁偉家畫張道陵

留家抗疫,人人有責,梁偉家被困屋企,選擇作畫解悶,今次仲嘗試用新紙作畫。乜新紙?仿古半生熟宣紙喎,好深,唔識,我淨係知畫中張道陵好有霸氣。

Read more ›

梁偉家又來牛皮紙作畫 祖兒登場

梁偉家又來牛皮紙作畫 祖兒登場

梁偉家呢排畫興大發,繼天師後,又用牛皮紙畫多幅祖兒,咁當然一樣高質喇,我哋一於畀啲掌聲以示鼓勵,啪啪啪啪啪。家家,繼續畫,唔好停。

Read more ›
網圖分享:梁偉家舊稿《魔域先鋒》+新作牛皮紙天師

網圖分享:梁偉家舊稿《魔域先鋒》+新作牛皮紙天師

梁偉家喺面書登咗兩幅靚畫,一幅係1987年舊稿《魔域先鋒》其中一頁,佢好謙咁話:「而家睇返只屬一般質素,不過心機搭夠。」都唔係吖,線條咁細緻,構圖咁精采,頭髮填得咁有水準,絕對唔止「一般質素」喇。另一幅係新作,畫嘅係天師,梁偉家話首次用牛皮紙畫畫,試吓新紙咁話喎,又係高質啫。

Read more ›
網圖分享:梁偉家的天師與祖兒

網圖分享:梁偉家的天師與祖兒

好明顯係手痕,但我希望梁偉家多啲手痕,久唔久就掟幅作品上網公諸同好,豈不快哉。今次佢「隨心隨意畫」嘅係天師與祖兒,係咪好靚呢?話時話,家家幾時會有新書或畫集推出?

Read more ›
索取港漫畫家簽名畫板加海洋明信片 手快有手慢無

索取港漫畫家簽名畫板加海洋明信片 手快有手慢無

喺馬來西亞舉辦嘅Comic Fiesta 2019圓滿結束,咁關香港動漫Fans乜事?都關架,事關鄺志德、曹志豪、葉偉青、謝森龍異、梁偉家同Nekori為是次交流活動,各自畫咗一幅簽名畫板,另加海洋出版社製作嘅明信片,依家統統都可以送畀大家。很想要吧?老例都係要幫手開心Share帖子、寫低點解想得到獎品嘅原因之類大路嘢,手快有手慢無,大家識做喇。

Read more ›