Tag: 格子

《你還有看漫畫嗎——看漫畫》展覽 買Art Print+似顏繪+簽名會

《你還有看漫畫嗎——看漫畫》展覽 買Art Print+似顏繪+簽名會

Hot呀,天口咁熱,喺街企一陣都全身濕晒,唔行街就不如行商場喇,唔係叫你Shopping,係睇展覽呀。即日起至6月25日,又一城有個《你還有看漫畫嗎——看漫畫》展覽,有售路邊攤、Stella So、Debi Ng同Man僧共5款全新連畫框Art Print,各附親筆簽名同手寫號碼,限量品嚟㗎,有買趁手。同場加映,展覽期間,消費滿$300,即可參加Stella So同Man僧A5似顏繪活動。另,Man僧會舉辦《0課特工》簽名會、廖光祖會舉辦《貓面具少年》同《She Remembers》簽名會,係咪好節目先?

Read more ›

廖光祖畫集《She Remembers》 格子搞簽名會

廖光祖畫集《She Remembers》 格子搞簽名會

「她記得」?我都疑似記得,廖光祖對上一本畫集好似叫《She》,睇番佢面書講原來已經係七年前嘅事,時間過得真係快。七年後嘅今天,佢推出第二本個人畫集《She Remembers》,牛油紙封面套,內有388張彩色同黑白畫稿,保證重女。售價方面,標準版$300、黑白手繪版$1,200、彩色手繪版$2,500。為隆重其事,嚟緊5月13日會喺「格子」搞埋新書首賣簽名會,大家記得捧場。

Read more ›
周六日好節目 格子搞《癸卯年格子畫揮春大會》

周六日好節目 格子搞《癸卯年格子畫揮春大會》

時間過得好快,望吓月曆,原來仲有唔夠廿日就到農曆新年。「格子」搞咗個《癸卯年格子畫揮春大會》,邀請到草日、黎達達榮、馮展鵬、Man僧、faminik、阿柱、文地、路邊攤、卡奇等漫畫家或插畫家幫大家畫揮春,講明先呀,係收費活動呀。入場費$20,送明信片一張。係咪前年呢?無記錯應該係2021年,2021年「格子」都有搞過類似活動,仲記得我有搵Man僧即席畫咗幅揮春,嗰日好多人,熱熱鬧鬧吹吓水,成件事係好開心好Funny嘅。同場加映,香港插畫年鑑創刊號《ILLUSMONTAGE 2023》屆時亦喺現場上架,I decide呢本書必買喇,咁馮展鵬又喺現場,唔爭在搵佢簽埋名喇。

Read more ›
栢迪搞簽名會 《栢迪手記》8月19日見街

栢迪搞簽名會 《栢迪手記》8月19日見街

睇《新著龍虎門》,一定用心撈埋栢迪專欄「龍虎門GO」,係逐粒字詳細睇加幅幅公仔慢慢欣賞嗰隻,事關主題啱我呢啲70後老鬼嘛!如果你都係栢迪Fans的話,咁8月19日有必要走一趟「格子」喇,事關當日新作《栢迪手記》正式出版兼搞簽名會,12吋黑膠雙封套式套裝,內附48頁彩頁,標準版$350,手繪版$2800,希望大家多多支持喇。

Read more ›
有貼紙送!格子《疊埋深水睇歷史──地圖插畫展》!

有貼紙送!格子《疊埋深水睇歷史──地圖插畫展》!

呢個禮拜六有無節目?無就不如疊埋心水去「格子」走一趟,睇一睇《疊埋深水睇歷史──地圖插畫展》。是次展覽由Faminik、馮展鵬、木田東同草日扯頭纜,透過畫作同文字介紹深水埗海岸線變化、歷史建築、娛樂設施同宗教設施,入場即送深水埗歷史建築插畫貼紙一套,限量架,送完即止。

Read more ›
格子推出11款Art Print 有辦你睇

格子推出11款Art Print 有辦你睇

Remind多一次,呢個禮拜六「格子」會舉辦Art Print首發簽繪會,而五個插畫家推出嘅11款Art Print都有辦你睇嘞,黎達達榮、阿柱同草日嘅作品就玩大堆頭,文地貓Manycat就一貫地可愛,馮展鵬作品就型得嚟性感而不令人反感,我最Like。大家有乜心頭好?記住,各限量100張呀。

Read more ›

格子推出11款Art Print 周六有簽繪會

格子推出11款Art Print 周六有簽繪會

呢個禮拜六又有好節目,「格子」搵來五個插畫家推出總共11款Art Print,各限量100張。邊五位?黎達達榮、馮展鵬、OIC親子丼、草日、文地貓Manycat是也。禮拜六會搞簽繪會,屆時會提供埋Art of faminik特別設計嘅Art Print信封,方便簽繪,即係又係獨一無二更加珍貴咁囉。

Read more ›
Man僧 x ONLLY CASE手機殼$238 格子Pop-up Store有實物睇

Man僧 x ONLLY CASE手機殼$238 格子Pop-up Store有實物睇

Man僧有新產品推出,聯乘ONLLY CASE推出Samurai手機保護殼,售$238。齋睇相都覺得靚,想睇實物亦得,格子有Pop-up Store,大家拎上手秤過先入手亦可。

Read more ›
格子5本新書登場 購物滿$200送黎達達榮明信片

格子5本新書登場 購物滿$200送黎達達榮明信片

請大家記住,除咗書展,「格子」工作室都有新書開賣呀,五本新書分別係──文地《已X及掌摑》、卡奇《軟綿綿一族》、草日《惡疫退散吧!》、《小小怪異集2》同《大食貓王爭霸戰 (下)》,場地已經佈置好,有大把Backdrop打卡,簽書時間表大家亦可以慢慢睇。另外,購物滿$200即送黎達達榮繪畫嘅宣傳明信片一張,大家識做喇?

Read more ›
格子 x ChaCha Fans要睇Ian水彩畫展覽

格子 x ChaCha Fans要睇Ian水彩畫展覽

又確係幾靚仔嘅,又大隻,笑容又Sweet,抵Mirror成員Ian紅嘅。因為紅,所以畫師Cha Cha聯乘格子舉辦《賢日子Ian Chan Fanart Show》,展出多幅水彩畫,有寫實風有Q版。同場有水彩繪畫示範,仲有明信片同文件夾派發,相信Ian嘅Fans應該好好好好好Like。

Read more ›
5月29日格子首發 重金屬+油占哥Mini Figure

5月29日格子首發 重金屬+油占哥Mini Figure

5月29日大家會去格子買《火伙》畫集架呵?最新消息係,當日會首發兩隻Mini Figure──重金屬同油占哥,重金屬有紅黑二色,油占哥則有黑金二色,各以盲盒形式出售,散抽$200;如果孖埋畫集購買呢,就$400。唔只Figure本身,我覺得連個包裝盒都靚,大家識做喇?

Read more ›

網圖分享:賀格子成立三週年

網圖分享:賀格子成立三週年

格子舉辦嘅展覽、市集、新書發佈會等等等等,我參加過好多次了,唔可以話次次都精采萬分,但無一次係失望而回卻係事實。格子成立三週年了,畫師們紛紛送上賀圖,希望格子可以長做長有,加油。

Read more ›
格子市集 張君豪首賣景搜Postcard每張$20

格子市集 張君豪首賣景搜Postcard每張$20

嚟緊禮拜尾舉行嘅「辛丑年畫揮春賀年市集」,張君豪都會出席,屆時會首賣景搜Postcard,每張$20,一套5張$100加送1張蛋散集結限定卡。And,到時見到佢本尊的話,記得問佢攞番張馨雅遇著油占哥賀年卡,大家開開心心。

Read more ›
格子「辛丑年賀年市集」 入場送精美Postcard

格子「辛丑年賀年市集」 入場送精美Postcard

呢個禮拜尾有節目了,事關「格子」搞「辛丑年畫揮春賀年市集」,仲一連搞兩日添。周六出席插畫家有草日;黎達達榮、鵝王、阿柱、Man僧、柳廣成、Yanai同陳蔚;周日就有文地、鵝王、Man僧、Jack Lee、小豆丁花園、Bonnie Pang、職人阿港、張君豪、柳廣成、姚希麟、Yanai、陳蔚、Haru & Furi。入場費$20,入場即送限定明信片,明信片出自Man僧同Jack Lee之手,極高質。誇張啲講句,畀$20買Postcard都已經值回票價呀。

Read more ›
周五啟播 撐格子Podcast《漫畫家睇啲乜》

周五啟播 撐格子Podcast《漫畫家睇啲乜》

記得牛佬講過除咗《古惑仔》外就唔多睇其他漫畫,咁呢一輩漫畫家又睇唔睇嘅呢?如果睇,又睇邊類型漫畫多呢?想知,可以留意面書專頁「格子」即將推出嘅Podcast《漫畫家睇啲乜》。暫定連續四個禮拜五開Band,1月15日嘉賓有葉偉青、Jack Lee、Man僧;1月22日嘉賓有姚希麟、YANAI、周小某、柳廣成;1月29日嘉賓有草日、江記、黎達達榮;2月5日嘉賓有阿柱、肥佬、Walter from童創文化,請大家多多捧場。

Read more ›