Tag: 栢迪

唔好停 栢迪《龍虎門GO》連載一周年

唔好停 栢迪《龍虎門GO》連載一周年

唉,甚麼天網,甚麼武當罪人,跟住來個纖纖玉手刀魂,再跟住來個九唔搭八嘅乜鬼氣霸寰宇吞天,阿馬小靈小姐仲要學埋萬毒心經跟天下無敵唔知飛去邊添⋯⋯《龍虎門》劇情大暴走到⋯⋯都唔知講緊乜。有時,雖則作為底線放到好低好低甚至係虛線嘅死忠,我睇書末專欄《龍虎門GO》仲有心機過睇正文。早兩日,栢迪面書出咗張賀圖,話唔經唔覺呢個專欄已經連載咗一年,劇情亦講到舊著186期,而我亦逐粒字逐粒字咁睇足一年,公仔係幾cutie嘅,有追看性,希望呢個專欄唔好停之餘,鄺彬強都可以將呢本書皇盡快納回正軌啦。栢迪加油!鄺彬強更加要加油呀!

Read more ›

栢迪搞簽名會 《栢迪手記》8月19日見街

栢迪搞簽名會 《栢迪手記》8月19日見街

睇《新著龍虎門》,一定用心撈埋栢迪專欄「龍虎門GO」,係逐粒字詳細睇加幅幅公仔慢慢欣賞嗰隻,事關主題啱我呢啲70後老鬼嘛!如果你都係栢迪Fans的話,咁8月19日有必要走一趟「格子」喇,事關當日新作《栢迪手記》正式出版兼搞簽名會,12吋黑膠雙封套式套裝,內附48頁彩頁,標準版$350,手繪版$2800,希望大家多多支持喇。

Read more ›
栢迪入行35周年 紀念畫集今夏推出

栢迪入行35周年 紀念畫集今夏推出

今日係2021年3月24日,對於栢迪嚟講,係一個非常值得紀念嘅日子。佢喺面書留言曰:「35年前嘅324,係我踏入漫畫行嘅第一日,所以特意喺今日向大家發佈呢項計劃……」計劃係──推出栢迪35年紀念畫集,仲話今年夏天咁上下時間會推出,大家係咪好應該畀掌聲先?

Read more ›
網圖分享:栢迪的龍虎群英

網圖分享:栢迪的龍虎群英

越畫越有癮,越有癮就越要繼續畫,一切只因手痕。栢迪將一幅王小龍賀圖「舊圖新繪」,跟住手痕,畫埋王小虎;跟住又手痕,又畫埋石黑龍;跟住都係手痕,所以畫埋王風雷。Fine,希望佢繼續手痕,畫多啲靚圖公諸同好喇。

Read more ›
網圖分享:栢迪《特撮流氓-鹹蛋十八腿》Part 2&3

網圖分享:栢迪《特撮流氓-鹹蛋十八腿》Part 2&3

很勤力,都好快手吓,繼Part 1後,栢迪繪畫嘅《特撮流氓-鹹蛋十八腿》系列畫作有埋Part 2同Part 3了,全套降龍十八腿有齊,大家慢慢聞畫啦。

Read more ›
網圖分享:栢迪的《特撮流氓-鹹蛋十八腿》Part 1

網圖分享:栢迪的《特撮流氓-鹹蛋十八腿》Part 1

或者呢期《龍虎門》真係好Hit嘅關係,所以柏迪都忍唔住整番輯《特撮流氓-鹹蛋十八腿》系列畫,即係鹹蛋超人化嘅王小虎出Q版降龍十八腿呀喂。暫時只畫咗Part 1,共龍在九天、青龍出洞、左右神龍、神龍擺尾、雙龍出海同縮龍成寸六式,非常期待之後嗰十二式。

Read more ›

「栢迪手記」出場 80’s美好回憶返晒嚟

「栢迪手記」出場 80’s美好回憶返晒嚟

有畫有字有懷緬,加埋就等於集體美好回憶。栢迪喺面書重啟「栢迪手記」,專記佢心目中嘅「芝麻綠豆嘢」,作用係「純粹從中自我治癒」。Good old days吖嘛,我作為七十後,呢類80’s手記最有共鳴。第一篇寫嘅係中森明菜,睇完手記,大家有無衝動聽番佢啲歌?栢迪話希望每週出到一篇喎,我哋一於畀多啲Like佢,以示支持。

Read more ›
網圖分享:栢迪再出圖 同香港人打氣

網圖分享:栢迪再出圖 同香港人打氣

栢迪畫興大發呀,繼續出圖替香港人打氣。今次輪到洛濼、斷神、傲魂、無朋同紫月接力,相信、榮光、信念、黑白、良知……收到晒。多謝栢迪,祝栢迪中秋節快樂。

Read more ›
網圖分享:栢迪再出圖 繼續同香港人打氣

網圖分享:栢迪再出圖 繼續同香港人打氣

多謝有良心的栢迪,繼續出圖同香港人打氣。仇少傑愛香港,斯莉亞愛香港,龍之首領都愛香港。齊上齊落、同憤同心、大是大非,幾大都要頂住呀,收到晒。香港人,加油。

Read more ›
網圖分享:栢迪《劍魂》出場 同香港人打氣

網圖分享:栢迪《劍魂》出場 同香港人打氣

《劍魂》角色出場,飛燕樂愛香港,無朋愛香港,傲魂都愛香港……栢迪話畫上癮,所以繼續作畫同香港人打氣喎。無畏無懼、不離不棄、敢怒敢言,OK,收到晒。香港人,加油。

Read more ›
栢迪操刀《古惑仔》封面 下期新增專欄「和平連儂牆」

栢迪操刀《古惑仔》封面 下期新增專欄「和平連儂牆」

牛佬繼續邀請港漫主筆幫手畫《古惑仔》封面,今期第2262期輪到栢迪出手,感覺非常煥然一新,係好養眼嘅,絕讚。另,今期《古惑仔》預告小改革,下期開始推出新專欄「和平連儂牆」,牛佬講到明:「歡迎廣大不同意見包括中立、和理非、撐警、藍絲與黃絲等等人士,把心中所想盡情抒發,我們會將你的心聲刊登於『和平連儂牆』,讓大家一起分享。」Very good,大家有乜想爆想發洩,一於打幾隻字畀牛佬喇,不過記得唔好長篇大論,限50字OK?

Read more ›

網圖分享:謝!栢迪「背心小流氓」為香港人打氣!

網圖分享:謝!栢迪「背心小流氓」為香港人打氣!

多謝栢迪為香港人打氣,我多麼希望佢筆下嘅「背心小流氓」including「公義」小晨、「守護」小楓、「勇氣」小韋、「責任」小儂、「堅持」小石、「希望」小苦,可以喺現實世界出現,為民請命,撥亂反正。我信呢個世界係有報應嘅,天地有正氣,香港人加油。

Read more ›
風塵三俠漫畫原稿展 馮志明+司徒劍僑+栢迪開分享會

風塵三俠漫畫原稿展 馮志明+司徒劍僑+栢迪開分享會

之前咪介紹過「風塵三俠漫畫原稿展」嘅,嚟緊周六我會補飛睇番。卻原來,聞畫之外,馮志明、司徒劍僑同栢迪仲會搞番個分享會,主旨言簡意賅,就係「如何將藝術愛好觀賞者帶到漫畫領域」。Very good,因為家陣仲有唔少人將漫畫定性為次一等嘅公仔書、連環圖,屏之於藝術門檻之外,家陣由三位資深港漫主筆主講呢個題目,一定有說服力,我好有興趣聽吓佢哋點講。

Read more ›
風塵三俠漫畫原稿展 首展橫刀雕像打卡

風塵三俠漫畫原稿展 首展橫刀雕像打卡

死火!上個禮拜Miss咗「風塵三俠漫畫原稿展」添,好彩嚟緊禮拜六日仲可以補飛。風塵三俠者,馮志明、司徒劍僑同栢迪是也,三位香港漫畫家手畫有幾掂,相信唔使多介紹,家陣仲要係原稿展,真跡呀喂,並唔係複製印畫,大家更加要撐。另,同場會首次展出太歲傑作新版橫刀雕像,到時記得打卡,報告完畢。

Read more ›
網圖分享:栢迪的《龍虎門》Q版角色

網圖分享:栢迪的《龍虎門》Q版角色

萌!萌得嚟有好有特色,一眼就睇得出畫邊個,真心覺得栢迪呢系列《龍虎門》特撮流氓Q版角色好正。三皇、四小將、火雲邪神、韋陀、王風雷固然無得頂,但個人認為「最強‧強惡」嘅奪命老妖先係the best。順理成章地,老妖已經霸咗我桌布。

Read more ›