Tag: 枱燈

日本玩具迷新擺設 IKEA枱燈變發光裝置

日本玩具迷新擺設 IKEA枱燈變發光裝置

一盞IKEA買嘅枱燈估唔到咁好玩!日本有專製作紙皮模型嘅高手買咗支燈,之後嘗試放唔同嘅紙皮頭上去試吓發光效果,除咗高達之外,仲有Iron Man同埋LEGO(!),啲眼全部識發光好正,LEGO嘅效果仲好瘋狂,入嚟有得慢慢睇,唔知會唔會帶動到盞燈嘅銷量大增?

Read more ›

【超型DIY】善用細細隻figure 噴金變《復仇者聯盟》枱燈

唔係最新不過啱啱先睇到,好啱玩具迷星期六日慢慢DIY。大家間中都會唔覺意買咗啲細細隻嘅figure返屋企,之後發覺無乜用,外國就有網民諗到將佢哋噴金再圍住枱燈邊做裝飾,效果好型。首選梗係Marvel超級英雄,成班復仇者聯盟出齊晒,想小朋友開心嘅,可以整迪士尼公仔例如冰雪奇緣,花費唔多又可以玩成日,正。

Read more ›

iPhone專用迷你小枱燈 電筒燈光變柔和

平時搵嘢都會開著手機嘅小電筒,即係閃燈模式,有公司就藉此發明咗盞小枱燈Luma,開著iPhone嘅電筒模式,再將盞迷你枱燈夾喺上面,照出嚟嘅燈光就柔和好多嘞!呢個設計由Peleg Design Studio嘅設計師同Holon Institute of Technology共同合作研發。價錢唔貴,賣美金$10,不過淘寶應該好快有。BTW,開著咗佢我咪無得瞓覺前玩手機?

Read more ›

RPG迷必備藥水枱燈 4種經典色自動轉色

外國網ThinkGeek又有新嘢出,呢盞LED枱燈造型似足RPG遊戲入面嘅藥水,開著佢仲可以自動變紅、藍、黃,綠4種色,好有魔幻感。不過唔駛驚佢會不停轉色睇到眼都花,因為仲有一個功能可以調校至停定一種顏色。盞燈而家網上有得買,開價美金$39.99,即係港幣300蚊左右,唔算貴,RPG迷買咗佢夜晚開住打機,氣氛一流。

Read more ›

迷你太空人枱燈 純裝飾用途

有啲嘢其實無實際用途,不過靚同埋得意已經係購買理由。好似呢隻太空人USB燈,迷你太空人一插電頭頂即刻會射出一道光。老實,當枱燈用應該唔係幾夠光,但得意喎!又吸引倒我令我好想買。售價美金$19.99,港幣$150有找,作為書枱上嘅小裝飾,買得過吖。

Read more ›
20吋長腿枱燈   Superman蝙蝠俠忽然變性?

20吋長腿枱燈 Superman蝙蝠俠忽然變性?

一間房最多只可以裝一盞枱燈,偏偏我上網見倒最多嘅得意產品就係枱燈,點算?今次呢款重點放喺隻20吋嘅長腿度,有Superman同埋Batman兩款,大約賣港幣$240左右,但係相信你同我有同一個疑問,橫睇掂睇,呢隻都係一對女人腳,我唔信Superman隻腳可以咁幼,不如下次出埋Catwoman、Wonder Woman或者黑寡婦啦。

Read more ›

手機當枱燈 慳錢發明閃燈好快燒?

手機當電筒唔係新奇事,市面上都有好多相關app,但係將部電話嘅閃燈變成枱燈呢個構思,聽落好似幾得意,仲慳倒錢。方法好簡單,加個燈罩同木托,上面放部電話就搞掂,自己DIY都得,當然,仲要先裝咗個可以令閃光燈長開嘅app先。不過有網民話咁搞法閃光燈好快會燒,分分鐘得不償失。

Read more ›

我的80年代 任天堂R.O.B.機械人枱燈Etsy有得賣

如果你認得呢隻任天堂80年代推出嘅R.O.B.機械人,你應該係一個好資深嘅機迷。呢隻當年隨FC豪華版推出嘅贈品,日本人稱呼佢為FC機械人,同步仲推出咗《Gyromite》同埋《Stack-Up》兩款對應遊戲,我懷疑彼思嘅Wall-E造型都係參考佢。最近有外國有玩家將R.O.B.改裝成枱燈,雙手可以擺左擺右,仲可以夾住支筆,好有童年回憶。枱燈喺外國網Etsy有得賣,港幣一千蚊唔駛,不過得一千零一隻,手快有手慢無。

Read more ›

自製NES手掣枱燈 PS3、Xbox360手掣都得

屋企個任天堂NES手掣齋擺無用,唔捨得掉,但係部機又唔再開,不如用佢嚟自製枱燈啦。外國有網友將屋企嘅NES手掣加上LED燈當枱燈用,手掣上嘅燈除咗長著,仲識走馬燈輪住著,表面透明膠係樹脂質料,咁點樣發電?原來內置太陽能發電,夠晒環保,網上有DIY自製教學,即係話除咗NES手掣,PS3、Xbox360都整得,計返條數,新機就嚟出,學定到時將啲舊手掣循環再用啦。

Read more ›