Tag: 林采緹

本周Coser第2回 專訪台灣女帝 林采緹(足本)

台灣嚟嘅Coser,今年有兩位,DenKa玩埋今日就飛番台灣,另一位林采緹呢?喺會場現身咗1日,就要飛返台灣頒咩女神獎,因為佢上年係第1位喎。所以,機迷們呢兩日見唔到佢,冇機會近距離接觸到呢位台灣女帝,不過GameoverHk都把握時間同佢做咗個專訪,有片,原來佢識講廣東話,同埋嚴格嚟講佢o依家唔係一個Coser,因為佢第一次Cos完女帝之後就紅咗,次次Cosplay都係工作,嗰啲叫代言。

Read more ›

新片速報 本周Coser DenKa + 林采緹專訪(預告篇)

講咗話今晚出片,唔會走數,我o依家就出兩條片!知道大家同我一樣咁心急出晒汗,所以我先火速出兩段預告片加靚相……其實,係,我係手頭有啲緊,還住個預告篇先!我保證,聽晚有足本訪問片加專訪文睇!預告話咗你知先,兩大女神會講對香港男仔點睇,喜歡嘅對像要具備咩條件,仲有鍾意咩遊戲同動漫作品!俾多一晚時間我,有拖冇欠!

Read more ›

遊戲展前傳 之 女神現身

就算有末日,都係計美國時間,聽日冇嘢嘅。所以,我哋可以去會展個亞洲遊戲展,之後同屋企人做埋個冬,再打番晚通宵機先講嘢。今日(20日)Playstation搞咗個「PlayStation®港台女神挑機戰」活動。香港代表龔嘉欣扮《三國無雙》貂嬋;台灣女神DenKa同林采緹更分別以《One Piece》女帝同奈美出場,加埋安小蕎,好強大呀,個陣容。嗚!出面10幾度,點解個會場咁暖嘅?入嚟睇相之前賣多個廣告,聽日GameoverHK會同DenKa、林采緹做訪問影相拍片,你睇我揀開版相都知我鍾意企中間嘅DenKa多啲,你哋又點睇,留言俾啲意見,等我聽日順應民意,睇吓影邊個多啲!

Read more ›

本周Coser 台灣女帝林采緹 周五遊戲展見

21日遊戲展,之前都講過,SCEH請嚟兩個台灣Cosplayer到場,其中一個DenKa介紹過啦(面有Link),個樣甜得嚟唔漏,又有好身材,Cosplay得又認真,掂o架!咁另一位呢?冇理由唔介紹嘅,就係扮女帝蛇姬扮到喺台灣出晒位嘅林采緹。22歲,嚴格嚟講,佢唔算係Coser,因為女帝之後,佢扮親動漫遊戲人物例如《雷朋三世》嘅峰不二子都係代言產品或活動,工作嚟,所以佢都有藝人特質—就係俾傳媒揭身世,原來18歲被騙拍過露點照(裏面冇),仲有租借過22本《One Piece》漫畫遲咗半年未還,被罰8千蚊台幣,真係離譜!

Read more ›