Post Tagged with: "林祥焜"

網圖分享:林祥焜x二弧眼鏡娘
by / on 04/04/2020 at 9:30 am

網圖分享:林祥焜x二弧眼鏡娘

Please畀啲掌聲,林祥焜畫女真係無得輸的,畫眼鏡娘尤其有一手,呢三幅係佢幫眼鏡品牌二弧畫嘅宣傳畫,齋黑白都靚到犯規。唔知成品會唔會著色呢?非常期待。

Read more ›

林祥焜搖滾骷髏Figure 西九龍中心發佈
by / on 13/12/2019 at 8:14 pm

林祥焜搖滾骷髏Figure 西九龍中心發佈

Rock Skull Elphonso,期待久矣,林祥焜隻搖滾骷髏Figure終於正式發佈,聽日會喺西九龍中心舉行發佈會,林祥焜Fans萬勿錯過,朝聖兼合照係時候。另,屆時會由Cherry做嘉賓司儀,我上過佢facebook,望過吓啲相,幾靚女的,身材都幾出眾的,值得大家影多張相的。

Read more ›
包場睇《星球大戰:天行者崛起》 送Felix Ip+林祥焜Postcard
by / on 10/12/2019 at 8:00 pm

包場睇《星球大戰:天行者崛起》 送Felix Ip+林祥焜Postcard

「帝國軍第伍零壹旅香港駐軍」同「星戰基地」搞嘅包場睇《星球大戰:天行者崛起》活動,當真越搞越熱鬧。最新消息,林祥焜同Felix Ip都有份送Postcard畀影迷。Wow,數吓手指,白水、甘小文、Cuson、塵阿力再加埋林祥焜同Felix Ip,儲齊一套6張,都咪話唔開心。

Read more ›
九龍城廣場搞展覽 李健良+林祥焜+甘小文+黃水斌獻畫
by / on 09/12/2019 at 9:15 pm

九龍城廣場搞展覽 李健良+林祥焜+甘小文+黃水斌獻畫

即係咁,如果你係影迷的話,咁有必要睇睇呢個名為《KCP九龍城廣場全齡傳承擁抱愛光影聖誕城》展覽,有大量懷舊戲院場景、攤位、小食攤等供大家打卡,好多珍貴原聲唱片同海報滿足你眼球。如果你係漫畫迷的話,都有藉口撐吓場,因為李健良、林祥焜、甘小文同黃水斌都有以電影為題材嘅靚畫展覽,朝聖係時候啦喂。

Read more ›
林祥焜 x Iron Thai Boxing Studio黑熊Tee
by / on 02/12/2019 at 9:30 pm

林祥焜 x Iron Thai Boxing Studio黑熊Tee

久違了的林祥焜有新作出,佢幫「Iron Thai Boxing Studio」創作咗件10週年別注紀念Tee,走復古Feel,有Tattoo元素,主調色係黑紅二色,黑熊打Boxing個Print好靚。佢仲做埋Model影埋靚相掟上網公諸同好添,唔知有無得公開發售?

Read more ›
網圖分享:應份露毛 林祥焜筆下的森田望智
by / on 26/08/2019 at 2:41 pm

網圖分享:應份露毛 林祥焜筆下的森田望智

呢期人人都講《全裸監督》,話山田孝之飾演AV大導村西透好激鬥,話森田望智扮一代女優黑木香好神似,總之就講到唔睇呢套神劇驚你無話題嗰款。話題嘢,林祥焜都畫番幅畫贈吓慶,呢幅擺經典露格肋底毛Pose嘅森田望智畫作,係咪好正?我就覺得係嘞。

Read more ›

林祥焜x台北大茶飯餐廳 索女海報靚到犯規
by / on 22/07/2019 at 9:24 pm

林祥焜x台北大茶飯餐廳 索女海報靚到犯規

呢期無打算去台灣旅行,所以無得親自打卡,甚可惜,咁惟有睇咗相當朝咗聖喇。講緊係林祥焜幫台灣「台北大茶飯餐廳」畫嘅系列海報畫。一套八幅,個Form好簡單──靚女+食物+食物名字,我最鍾意「砵仔糕」同「火腿通粉」呢兩幅,女靚,構圖靚,顏色撞得靚。林祥焜畫女,真係得無得輸,又一鐵證也。

Read more ›
林祥焜x麥人杰開Talk 談《我們都是好色漫畫家》
by / on 24/07/2018 at 8:45 pm

林祥焜x麥人杰開Talk 談《我們都是好色漫畫家》

有理由相信,淫審處嘅人本身先係最淫嘅人,喺佢哋眼中乜都係淫嘅,堂堂日本國寶級作家村上春樹新作《刺殺騎士團長》,都可以標籤為第二類不雅物品,禁止喺書展發售,無嘢好講喇。Fine,性呢樣嘢,越禁吖嘛,啲人就越想知,所以我決定撐《我們都是好色漫畫家》講座,講者係畫女高手高手高高手嘅《Super Good Good Girl》作者林祥焜同《現代狎客行》作者麥人杰,且聽兩位大師對色情漫畫有何看法,有乜計將色情漫畫提升至藝術層次,呢樣嘢係我最想知嘅。

Read more ›
銅鑼灣打卡 林祥焜 x SOLO超大Billboard
by / on 17/07/2018 at 9:30 pm

銅鑼灣打卡 林祥焜 x SOLO超大Billboard

大家行開銅鑼灣希慎道嗰頭,不妨專登去SOLO迷你工作坊打個轉,事關有個林祥焜 x SOLO超巨大Billboard展出。齋睇相都覺得好巨型,親臨現場應該更震憾,有必要去朝聖打卡,我話嘅。

Read more ›
林祥焜x西九龍中心 出Goodgirl Toy Bus巴士模型
by / on 14/05/2018 at 6:00 pm

林祥焜x西九龍中心 出Goodgirl Toy Bus巴士模型

林祥焜畫女靚到啪啪聲,呢點唔使多介紹喇。佢本《Super Good Good Girls》畫集,我有買;西九龍中心大Billboard靚畫,我有去打卡;印咗Super Good Girls嘅巴士車身,我喺街見過幾次但次次都影唔切相。Fine,家陣佢打算推出巴士模型Goodgirl Toy Bus,我真係不知幾開心,好難唔撐。學佢話齋,呢鋪正式「玩到入埋屋」,可以當精品儲,十個正。不過唔知賣幾多錢同量產幾多呢?

Read more ›
港漫x電影《悟空傳》 林祥焜創作漫畫版電影海報
by / on 09/08/2017 at 5:00 pm

港漫x電影《悟空傳》 林祥焜創作漫畫版電影海報

原來林祥焜同《悟空傳》導演郭子健好Friend,Friend到可以玩一趟港漫聯乘電影,除邀請睇戲外,郭子健更力邀林祥焜作漫畫版電影海報一幅,齊齊出席首映禮影相留念。呢幅海報係咪正先?我已經Save起咗。

Read more ›

步驚雲不敵風吹雨打 絕世好劍斷開兩截
by / on 25/07/2017 at 9:30 pm

步驚雲不敵風吹雨打 絕世好劍斷開兩截

幾鋒利嘅刀都有生銹嘅一日,絕世好劍也不例外。瀏覽馬榮成面書,得悉擺喺九龍公園香港漫畫星光大道嘅步驚雲塑像,因抵受唔住日曬雨淋And風吹雨打,插喺地下嘅絕世好劍斷成兩截,劍身仲出現爆邊情況。唉,此一斷劍,令我諗番起N年前訪問過有嗰句講嗰句嘅林祥焜,佢大鬧政府唔尊重港漫,將啲塑像置放露天地方,無瓦遮頭,不出三兩年一定又殘又爛又污糟,好應該認認真真起個永久性港漫博物館,落力宣傳發展成為旅遊點云云。唏噓呀,真係俾林祥焜不幸言中喇,希望有關方面做多啲保養工夫喇。

Read more ›
網圖分享:港漫人出圖 賀阮大勇奪專業精神獎
by / on 10/04/2017 at 9:32 pm

網圖分享:港漫人出圖 賀阮大勇奪專業精神獎

好耐無試過仆番屋企睇電視,擒晚我就雞咁腳仆番屋企睇第36屆香港電影金像獎直播,好彩,仲趕得切睇到阮大勇喺許冠文手上接過專業精神獎。阮大勇致詞嗰陣有少少口窒窒,好可愛呀,睇到我笑咗出嚟,哈哈,佢話寧願畫多兩張畫都唔想講咁多嘢,呢點我信呀!點都好,阮大勇攞呢個獎係實至名歸嘅,依家我哋一齊睇賀圖,順便畀多幾聲掌聲喇。

Read more ›
跟進:林祥焜《Les 100 Filles》不公開發售 出悼圖向上官小強致敬
by / on 26/01/2017 at 10:15 pm

跟進:林祥焜《Les 100 Filles》不公開發售 出悼圖向上官小強致敬

之前提過嘅《Les 100 Filles》,林祥焜只不過喺面書登吓封面,已經有大把讀者留言話想要。好喇,依家有最新消息喇,不過係壞消息,事關林祥焜已經喺面書交代曰:「安古蘭漫畫節2017會場準備中!新作《Les 100 Filles》正式在法國開售。(由於《Les 100 Filles》屬於限量印刷,只限在法國安古蘭漫畫節發售,香港不會安排作任何發售,亦不設留書,多謝支持!)」嗚,慘,香港讀者無份!另,收到上官小強死訊,佢百忙之中都作悼圖一張,留言曰:「出發去安古蘭漫畫節前一刻!收到你離開了大家的消息!…這是個無法接受的事實!懷念官仔骨骨又大細路的你,師父──上官小強!」呢句「師父──上官小強!」好鬼洋蔥!

Read more ›
很想要吧?林祥焜《Les 100 Filles》係乜玩法?
by / on 24/01/2017 at 11:00 am

很想要吧?林祥焜《Les 100 Filles》係乜玩法?

有時啲嘢,唔使多,齋封面可以定輸贏,究竟林祥焜呢本「印製中的超限定新作」《Les 100 Filles》係乜玩法?繪本?畫集?小說?唔知,我淨係知封面個女仔靚到一個點。唔係講笑,靚就得架嘞,靚就自然有超強吸引力,唔淨只我一個咁諗架,網民留言足以反映一切──Edward Loi:「留本比我呀~」、Bennyboy Ng:「買買買~~~~~~」、Mo Tsang:「封面好吸引。」、Cody Chow Chung Yin:「留!」、Leo Lau:「要!」林祥焜畫女有一手,贏呀。

Read more ›