Post Tagged with: "東京"

日本插畫師卡通速畫     真人素描快夾靚
by / on 15/02/2014 at 1:17 pm

日本插畫師卡通速畫 真人素描快夾靚

掃描寫生需要有閒情時間,再加上畫得一手好畫先得,呢位東京插畫師Hama House兩樣都有,而且畫得快夾靚,佢好鐘意將見倒嘅情景,用漫畫風格畫出,再同真人對比合照,喺佢嘅webstagram戶口,收錄咗東京街頭賣唱、地鐵瞓覺、cafe hea坐嘅人群面貌,水準好高。睇返介紹,原來佢平日幫雜誌、書、網站畫開插圖,專業人士,難怪畫得咁好,相信好多人都想比佢畫兩筆。

Read more ›

聖誕老人玩鯊魚    東京水族館有新意
by / on 25/12/2013 at 1:45 pm

聖誕老人玩鯊魚 東京水族館有新意

又嚟聖誕老人!今次呢個有新意,出沒地點係東京池袋嘅「サンシャイン水族館」(Sunshine Aquarium),人哋聖誕老人騎雪鹿佢就騎鯊魚,好有霸氣!呢個水族館12月份嘅特備節目,參觀者可以睇倒著蛙鞋戴潛水鏡嘅聖誕老人,點樣喺水底餵魚餵烏龜。咁好睇,自然吸引咗大量日本網民影相放上Twitter分享。不過我最想知係聖誕老人嘅白鬍鬚點解可以黏得咁實‥‥‥

Read more ›
東京地鐵新海報     教搭車禮儀
by / on 17/12/2013 at 6:36 pm

東京地鐵新海報 教搭車禮儀

日本人搭地鐵好守規矩,最欣賞係大家唔會傾電話。最近東京地鐵就出咗一系列海報,用插畫形式教大家地鐵禮儀,我認我多心,點解有咁嘅安排呢?係咪因為多咗人唔守規矩?老實講啲海報色彩繽紛都幾靚,教嘅嘢都係不外乎不准飲食、讓座比孕婦之類嘅基本嘢,比較特別係提醒大家濕淋淋嘅雨傘記住扣實以免整倒人,呢樣我buy,因為最近喺地鐵成日中招。

Read more ›
世界聖誕燈飾巡禮    倫敦東京最浪漫
by / on 08/12/2013 at 3:36 pm

世界聖誕燈飾巡禮 倫敦東京最浪漫

作為香港人,你去咗尖東迫住睇燈飾未?有無陪BB去商場影聖誕裝飾?作為日日匿喺屋企上網嘅新世代,我選擇喺屋企睇聖誕燈飾,仲可以睇晒世界各地嘅唔同佈置。外國網Mashable精選咗世界各地23個地方嘅聖誕燈飾比網民欣賞,東京、法國呢啲浪漫大城市固然之靚,印度、南非都一樣好有特色,不過我最鐘意都係倫敦,唔係佢特別靚,而係因為我鐘意呢個地方,可惜要搭十幾個鐘頭飛機,唯有睇咗當去咗。

Read more ›
有片   米蘭地鐵站變東京涉谷   網絡供應商出位宣傳
by / on 08/11/2013 at 3:11 pm

有片 米蘭地鐵站變東京涉谷 網絡供應商出位宣傳

打定底,唔係新嘢,但好正。意大利網絡供應商Fastweb為咗宣傳自己上網速度快過登天,之前搞咗個活動,居然將地鐵嘅Moscova站變成東京涉谷站!乘客一落車見倒月台變咗涉谷站,仲有著晒和服嘅女子、一班cosplayer等緊車,連貼喺車站嘅廣告都變晒日本海報,仲有月台報紙檔都賣緊日本報紙,乘客都嚇到呆咗。玩到咁大,堅係有創意,如果金鐘站一出就係涉谷,全部變晒日本型男OL,我轉車時會更加開心。

Read more ›
萌在寺廟裡      日本了法寺開Maid Cafe
by / on 27/10/2013 at 7:23 pm

萌在寺廟裡 日本了法寺開Maid Cafe

真心佩服日本人對動漫嘅熱情,呢股熱情仲滲入埋寺廟內。日本東京都八王子有間500年歷史嘅「了法寺」,為咗吸引更多年青善信,近年設計咗一個超萌動漫女角色名物「萌え看板」,仲出咗妖怪養成類嘅手機遊戲,好大膽!嚟緊11月16日至17日佢哋再下一城舉行開放日,今次期間限定開設一間女僕Cafe,寺廟?Maid Cafe?除咗「前衞」我都諗唔倒第二個形容詞。除咗Cafe,梗係唔少得有食物同日本人最拿手嘅紀念品賣,好彩的話,仲可以同呢位娘娘影張合照留念!

Read more ›

新片速報   東京迴轉壽司   零職員全自動
by / on 18/10/2013 at 10:39 pm

新片速報 東京迴轉壽司 零職員全自動

迴轉壽司興咗好耐,仲有咩新嘢玩?東京一間壽司店最近實行全自動化零服務員計劃,英國媒體BBC親自去試過仲拍埋片,首先落柯打只需要篤吓旁邊部Tablet就得,好快手碟壽司就會經迴轉帶直接送到面前。食完之後將隻空碟放入旁邊嘅回收筒,就會自動計算價格,兼且經輸送帶送埋去清洗,每食夠五碟仲有一次抽獎機會,當然都係按tablet上面嘅幸運輪盤啦。好彩,食完埋單終於見到職員,收銀姐姐係真人嚟嘅,都啱嘅,錢銀方面都係當面點算好啲,唔通同部電腦拗收錯錢咩?

Read more ›
東京《愛麗斯夢遊仙境》主題餐廳  巨型啤牌Lolita有睇頭
by / on 10/10/2013 at 7:45 am

東京《愛麗斯夢遊仙境》主題餐廳 巨型啤牌Lolita有睇頭

男仔去東京可以去秋葉原Maid Cafe,又可以去台場睇高達,咁女仔呢?最近東京新宿開咗間以《愛麗斯夢遊仙境》為主題嘅餐廳「魔法の国のアリス」,裝修方面落重本,電影內嘅經典場景例如巨型啤牌、大紅心、迴旋木馬等全部有齊,女仔入到去好似置身仙境一樣,即刻公主上身。至於陪女朋友去嘅都唔駛怕悶,因為全部女侍應都會著住愛麗斯招牌藍白色Lolita服裝,分分鐘你仲樂而忘返。

Read more ›
日本膠囊大廈    奇特外形一窺內貌
by / on 28/09/2013 at 1:14 pm

日本膠囊大廈 奇特外形一窺內貌

你有無住過日本嘅膠囊酒店(Capsule Hotel)?我覺得人一世物一世,去旅行點都要試吓。 不過今次介紹嘅,係日本東京銀座好出名嘅「中銀膠囊大廈」,由日本建築師黑川紀章設計,1972年完工,每次經過都會比佢奇特嘅外形吸引。最近有外國攝影師Noritaka Minami親身入去視察,仲發佈咗名為1972嘅相集。原來每間房都唔算好細,睇落仲好似一個個洗衣機咁。據講,而家大部份租戶都係商業用途,如果改建成膠囊酒店,你又想唔想住?

Read more ›
新奇壽司東京有得學     名畫吶喊Facebook手指即製即食
by / on 15/09/2013 at 3:12 pm

新奇壽司東京有得學 名畫吶喊Facebook手指即製即食

日本壽司食得多,咁古靈精怪嘅壽司都係第一次見,呢堆有圖案嘅壽司出自日本師傅Tama Chan手,除咗有名畫吶喊,仲有貓呀、富士山呀,啤酒呀,連地球同埋facebook嘅經典like手指都有份,靚唔靚見仁見智啦,不過手工唔錯,佢仲喺東京表參道開班授徒,有日本記者親身上堂,仲成功整咗吶喊壽司同埋壽司三文治,睇落幾好味。

Read more ›
東京版《衝上雲霄》    展覽腳踏浮雲
by / on 17/08/2013 at 7:35 am

東京版《衝上雲霄》 展覽腳踏浮雲

今次真係「雲外看,新生趣」,不過唔係飛上天,而係飛去東京都現代美術館。日本建築師近藤哲雄最近同工程公司Transsolar再度合作,喺東京美術館外搭建咗一間玻璃屋,屋入面仿製咗一堆雲層,參觀者可以走上梯級體驗被雲層包圍嘅感覺,要造到雲霧效果,原來需要三層不同狀態嘅空氣合成,包括底層乾而冷嘅空氣、中層熱而濕,再加頂層乾而熱嘅空氣,溫度同濕度亦要經過嚴密計算。至於話係「再次」合作,因為呢個雲層裝置2010年已經喺威尼斯展覽過,當時更加大陣仗,範圍更大,入嚟有得一次過重溫。

Read more ›

日本推出全球最長雞肉串 1米長1,980円
by / on 07/07/2013 at 5:51 pm

日本推出全球最長雞肉串 1米長1,980円

日本雞串,本人都幾鍾意食,正所謂一寸長一寸強,我深信呢條雞肉串嘅吸引力亦都會X咗7倍。呢間「全や連総本店 東京」最近推出咗一款比平常長7倍嘅雞肉串,用上嚟自北海道、九州嘅7種雞肉,長1米,重1.2kg,可以供4至5人食。咁大寸都幾難整,所以每日限定4串,1,980円,都唔係好貴。

Read more ›
超靚東京全景網   3分鐘作曲加燈效
by / on 25/04/2013 at 8:24 am

超靚東京全景網 3分鐘作曲加燈效

慶生我最多喺facebook留個言,不過日本六本木Hills慶祝10歲生日就勁得多,專登開咗個紀念網站TOKYO CITY SYMPHONY,以1:1000比例砌咗個東京模型出嚟,入到網站按不同keyboard掣就可以作曲,最厲害係每按一粒音(keyboard),城市會出現不同燈光效果,試完你都會嘆為觀企,作完嘅歌仲可以喺facebook/twitter分享,真係要入去開吓眼界。

Read more ›
東京Hooters女侍應選舉 「Miss Hooters Japan」網上睇女投一票
by / on 13/02/2013 at 8:50 pm

東京Hooters女侍應選舉 「Miss Hooters Japan」網上睇女投一票

你有冇去過Hooters呢間餐廳?裏頭啲正妹除咗正之外,色彩鮮艷又有迫爆感覺嘅背心短褲制服都係標記。東京兩間Hooters就集合55位女侍應搞咗個「Miss Hooters Japan」選擇,未去過唔緊要,網上有佢哋啲靚相同資料,第1階段投票到聽日(14日),16號就會有第2階段。選出15位侍應參加3月3日嘅決賽,睇女之餘,你仲可以投埋一份票!好民主呀!

Read more ›
東京雪中作樂 雪人初音 索柏 Kitty現身
by / on 15/01/2013 at 5:54 pm

東京雪中作樂 雪人初音 索柏 Kitty現身

東京噚日落大雪,好多人都唔使返學返工,咁佢哋就發揮無窮創意,利用積雪整咗好多嘢出嚟。日本人即係日本人,有創意之餘仲有手工。當中有大路嘅初音、Hello Kitty,簡單但好笑嘅有《勇者鬥惡龍》嘅史萊姆,再勁啲就有《JoJo奇妙冒險》嘅石鬼面!仲有,赤裸嘅雕雪,好仔細……應該係藝術家整嘅。

Read more ›