fbpx

Tag: 杯墊

CK Keung動漫節出森巴杯墊 歡迎留貨

CK Keung動漫節出森巴杯墊 歡迎留貨

有用資訊,CK Keung會喺動漫節擺檔兼畫公仔,屆時會出售森巴陶瓷杯墊,不過佢話明印製咗好少量,有興趣者可以依家PM佢留定貨。睇相,杯墊幾靚仔吓,當精品儲唔錯,值得入手。

Read more ›

日本奇妙生日禮物 送個「腦」比人 層層叠杯墊

日本奇妙生日禮物 送個「腦」比人 層層叠杯墊

首先生日送呢位禮物俾人好特別,係個腦呀,係咪暗串人無腦先?不過日本呢位壽星仔就唔介意仲好鍾意,呢份禮物其實係杯墊嚟嘅,不過分一層層,叠起之後好有立體感,仲有少少恐怖添。

Read more ›
買齊李健良海報+Postcard+杯墊 $440繼續抵到唔信

買齊李健良海報+Postcard+杯墊 $440繼續抵到唔信

今年書展李健良好進取,除《古生命III》同水晶畫板外,仲推出一系列靚爆精品,但價錢就Set得極唔進取。唔係咩?唔該留意價錢──小熊貓Postcard一套六款每款$10、古生命Postcard一套兩款每款$10、小熊貓杯墊一套六塊每套$60、古生命杯墊一套六塊每套$60、兩款全新繪製80x55cm古生命海報會場各售$120。又係計算時間,買齊全部都不過係$440,我好懷疑李健良定錯價,可以想像,到時嗰種滿載而歸嘅滿足感,真係要幾興奮有幾興奮。(攤位1AE-36)

Read more ›
Keyboard杯墊平衡心理   唔怕倒瀉水

Keyboard杯墊平衡心理 唔怕倒瀉水

平日喺書枱前用keyboard打稿,最怕就係杯嘢飲唔覺意倒瀉落個keybaord度,無論點抹都救唔返,即倒即報銷。所以呢個keyboard杯墊用起上嚟令人感覺特別爽。無論杯嘢幾凍都好,甚至唔小心倒瀉都好,都唔駛再心驚膽跳。佢有一式四款任揀,四款keyboard駁埋一齊就係一個完整嘅長形keyboard,有齊黑白兩色任揀,有隔熱功能,台灣書網博客來有得買,開價台幣$299。

Read more ›
龍貓大吟釀     大堆頭精品偏偏無酒

龍貓大吟釀 大堆頭精品偏偏無酒

當年睇龍貓嘅,今日應該大個仔大個女夠18歲可以飲酒,所以呢個卜卜口龍貓大吟釀廣告,有無勾起你嘅回憶,令你好想買返支飲吓回味那些年?其實以上都係我嘅推測,今次創作單位叫Ruwah,外國人,設計咗呢款龍貓大吟釀,有iPhone套、T恤、杯墊同埋外套,可以網上訂購,但就係偏偏無大吟釀,喂,擺明玩我哋喎。

Read more ›
Star Wars杯墊    古惑視點有諗頭

Star Wars杯墊 古惑視點有諗頭

普通Star Wars杯墊,就算你哋唔鬧我,我都唔想介紹。不過呢款玻璃杯墊,設計上有誠意,真心推介。由著名Star Wars藝術家Christian Wagoner設計,一式四款,重現電影內幾幕經典場面,而且表達上係透過幾個主要角色雙眼重現。例如黑武士對眼睇倒同Obi-Wan開戰、R2-D2對眼睇倒公主Leia求救,有概念有諗頭,包裝盒仲幾靚仔。開價大約港幣$70,唔貴,諗得過。

Read more ›

有片  杯墊尿袋  擺放冷熱即插即用

有片 杯墊尿袋 擺放冷熱即插即用

今時今日,基本上每個智能手機用家,出街都會帶定個手提充電器,即係大家俗稱嘅尿袋。不過呢個Epiphany onE Puck充電器犀利在唔需要叉電,只需要放杯凍飲或熱飲上呢個好似杯墊嘅充電器,駁條線去手機就可以充電。可以輸出相當於一般手機叉電器嘅5 watts電力,至於叉得快唔快,就要視乎杯飲品夠唔夠熱或凍。Kickstarter網站集資緊,開價美金$115,咁嘅價錢,真係純粹當支持吓科學發明先會入手。

Read more ›