Tag: 杜拜

【有錢就是任性】有片 杜拜起全球最長室內滑雪道 長1.2km駛$86億

【有錢就是任性】有片 杜拜起全球最長室內滑雪道 長1.2km駛$86億

杜拜熱辣辣,45度都係等閒事,咁如果班有錢人想滑雪點算?之前都有室內滑雪場喇,但唔夠長喎。於是,嚟緊就會起一條全長1.2公里嘅滑雪道,比起o依家最長嘅德國室內滑雪場長兩倍!而呢個滑雪場連埋嘅「Meydan One」,仲有全球最高嘅360度觀景台(711米),仲有全球最高嘅餐廳(675米),最大嘅音樂噴泉(長420米),全個設施造價高達86億美元,諗住趕起2020年萬國博覽會舉行前完工,健次,一齊嚟玩啦。

Read more ›

睇獸醫驚見獵豹BB 網民鬧爆唔應該亂養

呢單新聞好爆,喺外國討論區Reddit好多人爭論。事緣有人喺杜拜帶隻狗睇獸醫,點知見倒隔籬有位女士抱住隻獵豹bb等睇醫生!佢朋友就將張相放上網,網民發現呢隻應該係獵豹(Cheetah),又稱為印度豹,係貓科動物,亦係獵豹屬下唯一存活嘅品種,好多人鬧爆話佢係野生動物,唔應該喺屋企飼養,而拗拗吓仲演變成種族歧視嘅激烈討論。其實無論咩種族,都唔應該咁自我中心以為所有動物都可以成為人類嘅寵物。BTW,獵豹係陸上奔跑最快嘅動物,時速可以超過110公里,如果真係比人困住就搵方法走佬啦。但係走咗去民居都係麻煩,唉。

Read more ›

新片速報 老鷹俯瞰片YouTube大熱 居高臨下望杜拜

呢類型嘅鳥瞰圖,通常打《刺客教條》先睇得倒,最近網上呢段老鷹Darshan嘅第一身視點短片就吸引好多人睇。片中嘅老鷹以第一身視點喺全球最高嘅建築物 ─ 杜拜塔附近徘徊,透過裝喺佢身上嘅Sony Action Cam Mini,居高臨下睇晒成個杜拜嘅景色,好震憾,最後俯衝嗰吓仲好刺激。

Read more ›

$6300一杯雪糕! 全球最貴 杜拜首創

食杯雪糕唧,駛唔駛咁浮誇?呢杯價值美金$816,即係港幣$6300左右嘅黑鑽石雪糕,全球最貴,由杜拜嘅Scoopi Café首創!面層有23K可食用嘅金箔,隻杯同埋匙羹就係出名浮誇嘅Versace品牌設計,至於雪糕呢,就用咗意大利嘅黑松露菌、伊朗嘅藏紅花同埋馬達加斯加嘅雲呢拿等等貴到飛起嘅成份做材料。睇完我只係想講,比返杯麥當勞雪糕新地我啦!

Read more ›

世界除夕迎2014相集 日本/南韓/俄羅斯/南非

2014年,噚晚你去咗邊度倒數?無論你出街定喺屋企,今日睇咗新聞或未睇新聞,我哋都一次過搵齊世界各地嘅除夕倒數相比大家重溫,感受吓世界各地慶祝2014嘅熱烈氣氛。有齊日本、南韓、馬來西亞、印尼、緬甸等東南亞國家,當中唔少得仲有挑戰健力士世界紀綠嘅土豪杜拜放煙花、戰鬥民族俄羅斯、南非紀念前總統曼德拉嘅複雜新年‥‥‥

Read more ›

爬金字塔+企橋頂+擒天台 俄國仔影相搵命博

睇完呢輯相,我心底裡不期然湧起四個字:「使唔使呀?」使唔使乜?使唔使咁搵命博囉,呢個俄國仔Vadim Mahorov玩嘅唔只係攝影,直頭係玩命,張張相都睇到人心驚膽又跳。

Read more ›

杜拜24K包金iPad 七星酒店免費任用

除咗強國,杜拜都係另一個有錢到嚇死你嘅地方,所以經常會出現窮奢極侈嘅情況,例如全球唯一一間七星酒店,位於杜拜嘅帆船酒店(Buj AI Arab),最近就推出24k包金iPad任借服務,每個房客check-in時都會收倒一部包金iPad,包金上印埋酒店Logo,功能都係一般check吓酒店服務、餐廳位置之類可有可無嘅資訊同埋最主要嘅上網解悶。換句話講,即係隨租房跟一個24K包金虛擬服務員比你,不過呢個服務員就出名無品味嘅。

Read more ›