Tag: 李逸朗

林祥焜《男極探射燈》紙板公仔 十大瘋暈人物

記唔記得《男極探射燈》呀?無印象?陣容有李逸朗、陳惠敏、樓南光同曹查理嗰套呢?都唔記得?特首之女梁齊昕初頭話接拍後尾又縮沙,個個花生友等睇好戲嗰套電影呀,開始有少少印象未呢?既云話題作,梗要做多啲宣傳,林祥焜就幫《男極探射燈》畫咗「男極十大瘋暈人物」 紙板人,戙喺戲院門口都好搶眼吓,十大瘋暈人物包括郎哥、龍蝦嫂、柯春人、甜甜、毒瘤、王郁人、勇武達、黐矇、黐根同牛腩輕,近乎似顏繪嘅畫風著實盞鬼,估唔到林祥焜畫Q版公仔都有一手,抵畀Like。

Read more ›

新片速報:Hunny x Ming仔對戰睡魔 李逸朗變Freddy Blue

李逸朗呢期好紅喎,繼哭喪版《傻女》同《風繼續追》之後,家陣又拍住Ming仔同Hunny拍《猛鬼辦公室》,化到個樣鬼五馬六扮睡魔Freddy,連YouTuber都做埋一份。好事嚟嘅,做藝人,最緊要維持曝光吖嘛。

Read more ›
聽歌:不再哭喪 李逸朗x鄭敬基認真唱《風繼續追》

聽歌:不再哭喪 李逸朗x鄭敬基認真唱《風繼續追》

拿,咁咪好囉,正正經經唱歌,總好過為上位而唱甚麼哭喪版《傻女》吖,今次李逸朗伙拍鄭敬基唱《風繼續追》,個人就覺得幾啱聽嘞。請睇清楚,係《風繼續追》,並唔係《風繼續吹》,兩首歌差一粒字,新歌《風繼續追》卻為舊歌《風繼續吹》向哥哥致敬而作。講旋律,係怪怪哋嘅,因為左用一句《為你鍾情》,右用一句《路過蜻蜓》,中間又夾集一句半句《當年情》嘅旋律拼湊而成,不過怪怪哋得嚟又幾順耳;至於歌藝,鄭敬基肯定跑贏李逸朗,後者依然係有少少鬼食泥Feel,但都係嗰句,啱聽咪得囉。

Read more ›

新片速報:靚抽!哭腔傻女版《鳩嗚》

李逸朗呢期紅過紅衛兵,一首哭墳版《傻女》唱到街知巷聞,原來唱歌唱到鬼食泥咁一樣Draw到人Attention,添多個無限Loop半身Shot嘅MV,成功位已出!人紅,招人妒就梗架喇,學舌鳥即刻整番首哭腔傻女版《鳩嗚》,仲拍埋MV贈興,劉華招牌黑超加飲綠茶呢兩個Shot梗唔會Miss喇。神級靚抽,真心Mode,笑得出呀。

Read more ›

新片速報:李逸朗哭墳版《傻女》 有MV睇埋慘樣

周一,實在太悶蛋,實在提唔起勁工作,剛剛食飽飯,飯氣攻心。呵欠連連之際,我決定聽一聽李逸朗哭墳版《傻女》,今次唔只齋聲,仲有埋MV睇,可以見埋李逸朗盡情演繹《傻女》嘅慘樣。不過正所謂藝術嘅嘢,我識條鐵吖,膚淺嘅我淨係知,最尾嗰五秒哭墳式怒吼,簡直比林黛玉葬花哭得更肝腸寸斷。聽完,無交嗌,真係成個人醒晒。

Read more ›