Tag: 李志高

賀《古惑仔》2000期送海報 悲徐世飛之死

賀《古惑仔》2000期送海報 悲徐世飛之死

《古惑仔》2000期,呢個里程碑真係唔講得笑,牛佬話打算申請入《健力士紀錄》,我舉腳贊成,如果成事,畢竟係香港之光,連帶我等死忠港漫迷都可以叼一點點光。今期送百期封面回顧海報,原本好開心,但但但但但,點解要整死我心愛的徐世飛?唉,牛佬點解咁殘忍?生滋死、李志高斷腳殘廢、小詩著草、甘尚武變二打六、伊文華盲眼……洪興二代係得個梁家仁叫做有得威吓,家陣連徐世飛都俾金尊貴劈開後腦……唉,心罨,有啲Sad,一個夠數嘞,懇請牛佬手下留情,唔好再整死其他二代喇。

Read more ›

洪興李志高中伏變跛仔 讀者改圖變Professor X

今期第1898期《古惑仔》睇到我心口有啲翳住,雖則並非特別鍾意灰狗之子李志高,但話晒佢係洪興新一代成員之一,所以都唔想佢有乜冬瓜豆腐,由呢期開始,因為疑似俾山下詩織跣一鑊,佢俾雷霆伏擊重傷,搞到要截肢做跛仔喇。為此,讀者Henry Lau改圖哀悼,將李志高個頭Key落Professor X身體,並喺「古惑仔俱樂部」面書專頁留言曰:「頭頂有個X,佢仲唔係Charles Xavier轉生?比返啲異能佢好喎!」唉,搞到要坐輪椅,其他讀者亦陸續留言──Shun Yaau:「professor go。」、Fai Lo:「如果阿大跛左都咁型,仲又異能,唔怕跛呀。」其實講乜都好,無腳仲點行古惑?睇嚟李志高唔死都好難再有發揮機會喇。

Read more ›

《古惑仔》送伊文華超靚卡仔

呢排《古惑仔》當真劇力萬鈞呀,口水堅聯同東英關忠偉獵殺昏迷中嘅陳浩南,李志高、甘尚武、小馬同山下詩織負隅頑抗,睇到我血脈沸騰,好耐都未有過快啲出下期啦、快啲出下期啦嘅感覺。下期第1788期一定要買,因為除咗交代陳浩南死唔死得之外,仲隨書附送伊文華超靚卡仔一大張,過埋膠架,唔係軟腍腍紙一張,值得珍藏嗰隻。

Read more ›