fbpx

Tag: 李志清

李志清x文化者《舊時香港》畫展

李志清x文化者《舊時香港》畫展

李志清又辦畫展了,今次聯乘「文化者」舉辦,展覽名稱《舊時香港》,主旨估計都係緬懷舊日好時光之類喇,各Fans記得捧場。

Read more ›

李志清書展出《記得當時年紀小──李志清的筆墨下》

李志清書展出《記得當時年紀小──李志清的筆墨下》

李志清今年書展有新書《記得當時年紀小──李志清的筆墨下》推出,透過一幅幅插畫,將清哥細路仔嘅六七十年代鄉村生活呈現紙上,雖然我唔係鄉村仔,但都好有興趣了解吓傳說中無憂無慮通山走嘅快樂簡樸生活。新書另有500套特別版,附精美書盒、藏書票同獨立號碼,書展檔期率先發售,絕不加印咁話喎。

Read more ›
狄奧君插圖+文字小說《狼將》 李志清+許景琛推薦

狄奧君插圖+文字小說《狼將》 李志清+許景琛推薦

原來有這麼一本小說《狼將》,插圖與文字俱出自狄奧君之手。故事背景係西晉八王之亂,講異族入侵下漢人顏瞻同一個被狼養大嘅小孩男,如何喺亂世下掙扎求存,估計即係有歷史背景嘅熱血武俠故事喇。有李志清、許景琛、月巴氏、陳煩等港漫人與小說家推薦,唔知大家有無興趣?我OK有興趣,如無意外應該會捧場。

Read more ›
李志清滑板作畫做慈善 《香港情懷》+《獨孤求敗》

李志清滑板作畫做慈善 《香港情懷》+《獨孤求敗》

後知後覺了,原來有這麼的一回事,話說蘇富比同東華三院搞咗個慈善活動,因疫情取消實體展覽,改為網上拍賣。李志清利用滑板創作咗兩幅作品,一,以香江漁港為主題嘅《香港情懷》;二,Based on金庸小說《笑傲江湖》神級角色而畫嘅《獨孤求敗》。留意番,作品要因應番滑板本身木紋而構圖,出嚟嘅效果零違和,好厲害。

Read more ›
李志清開個展 裕華國貨見

李志清開個展 裕華國貨見

好得很,很好的節目,好靚的毛筆字,嚟緊3月19日有個《清韻李志清作品展暨上世紀50-90年代香江懷舊展》開畫展,地點照舊係佐敦裕華國貨。我係清哥Fans,一定會捧場,你呢?

Read more ›
李志清金庸小冊子印成利是封 有無得派?

李志清金庸小冊子印成利是封 有無得派?

話說李志清之前畫咗本金庸人物小冊子,又話說有圖書公司將小冊子內嘅人物印成紅噹噹利是封,再話說李志清開Post話:「今年可有得派了,只是放大了線條有點甩,美中不足呢!」我覺得最美中不足並唔係線條甩唔甩,而係無講點派法,作為Fans嘅我們究竟點先可以得到呢?希望李志清快快開估。

Read more ›

睇精品展 搵李志清合照係時候

睇精品展 搵李志清合照係時候

有靚畫睇,《李志清精品展》是也,好難唔撐也。李志清喺面書釋出畫作四幅,相當吸引,當中一幅畫達利,兩隻瞪到大一大嘅眼睛加兩條招牌蝦鬚,簡直畫到似十足。我鐵了心,要去「加華藝廊」聞畫,仲要揀啱12月13日捧場,因為佢本尊會喺2:00pm至3:30pm時段大駕光臨,可以搵佢影番張合照是也。

Read more ›
李志清《明報月刊》增專欄 寫寫畫畫

李志清《明報月刊》增專欄 寫寫畫畫

唔係扮文青,純粹鍾意睇實體文字書,享受揭書的感覺,我係《明報月刊》讀者,得知李志清會喺嚟緊10月號闢一專欄「寫寫畫畫」,甚開心。李志清Fans,記得多多支持吓。

Read more ›
網圖分享:上官小威《新書》賀圖

網圖分享:上官小威《新書》賀圖

《新書》未出,賀圖先至,上官小威本綜合漫畫《新書》尚未正式見街,但消息一出,好友們已經紛紛送上賀圖以示鼓勵,好得很。老實,復刻唔係唔好,但我諗廣大港漫迷都同我一樣諗法,更希望有多本新書充撐市場。小威仲喺面書透露,話已經徴得李志清同意,準備製作小畫卡送畀大家,呢鋪真係正呀喂。加油!努力!

Read more ›
沈西城《武俠世界》停刊 李志清作告別圖紀念

沈西城《武俠世界》停刊 李志清作告別圖紀念

老實,我唔係《武俠世界》讀者,頂盡只揭過三兩次,我老爸嗰輩先係,但對於一本有60年歷史嘅老牌武俠雜誌停刊,喺2019年1月15日實體書又少一本,實在惋惜。總編沈西城喺面書親自宣佈消息,並謂:「沒傷感,只有黯然。今年七十一,也該歇歇了!」為此,漫畫家李志清親作手繪告片圖一幅以作紀念。呢期,要買,我會買。

Read more ›
俠影柔情 李志清裕華開畫展

俠影柔情 李志清裕華開畫展

李志清多產,佢又開畫展喇,喺佐敦「裕華國貨」舉行,名為「俠影柔情‧李志清武俠水墨畫展暨文房珍品展」,到時可以逐幅畫慢慢聞,齋諗都興奮呀。

Read more ›

大館《關公駕到》展覽 李志清以扇作賀畫

大館《關公駕到》展覽 李志清以扇作賀畫

三國名將關公,無理唔知乜水啩?係呀,黑白兩道都拜嗰個呀,揸青龍偃月刀嗰個呀,知吖嘛,咁有無興趣睇喺大館舉辦嘅主題展覽《關公駕到》呀?個心仲十五十六?Fine,屆時李志清會展出一幅舊作《桃園結義》,而興之所致,佢仲剛剛喺面書登咗幅賀畫,以扇為紙,一扇兩面,一面畫義薄雲天關雲長,另一面題字楊慎《臨江仙》,好型。大家有時間嘅,今個禮拜五去捧吓場囉。

Read more ›
【有片】睇馬少飛《黃飛鴻傳奇》版頭插畫

【有片】睇馬少飛《黃飛鴻傳奇》版頭插畫

馬雲著、馬少飛繪、李志清題字嘅《黃飛鴻傳奇》,係我書展必買Item之一,係,我認,好大程度係因為封面畫得實在靚,所以好想擁有。為宣傳,馬少飛喺面書發放咗一條短片,內容關於書中章節嘅版頭插畫,睇完,唔知能夠打動你買書?

Read more ›
李志清贈封面題字四揀一 馬雲呼籲投票幫幫眼

李志清贈封面題字四揀一 馬雲呼籲投票幫幫眼

李志清水墨畫強,寫毛筆字一樣耍家,堪稱字畫雙絕。話說作家馬雲透露青雲工作室將會喺書展推出《黃飛鴻傳奇》,透請咗李志清幫手替封面題字,李志清不但無推卻,仲一口氣寫咗四個Version添。咁問題嚟嘞,四個墨寶都咁靚,用邊個好呢?馬雲揀唔到,惟有公開俾人投票,大家請用心望望,留言畀啲意見喇。

Read more ›
謝志榮想出水墨畫集 一人一句留言鼓勵唔該

謝志榮想出水墨畫集 一人一句留言鼓勵唔該

無聊瀏覽面書,睇到謝志榮幾日前出咗個Post,講佢有一個新年小願望,願望係2018年出一本個人水墨畫集,但因成本問題,心底裡十五十六,猶豫未決,原文係咁:「……早在兩年前開始計劃,邊學邊做,直至有兩位本地資深出版界人士,異口同聲的勸說:『高風險!』他們一個是書籍發行社倉務主管,一位是書刊總編輯,深知甚麼書買得與不買得。因此,這不是一般人能承擔的事情,莫問回報地投放心力和金錢。但是…連李志清和阮大勇老師都為我寫了序,只怕未能夠壓止自己這個任性的…..願望!」怕乜?我去過畫展睇過謝志榮水墨真跡,手畫絕對見得人喎!我自己就好Like嘞;任性?想做唔做,先係大遺憾呀。既然序都寫埋咯,點解唔出書呢?喺面書做足宣傳先決定印數得唔得?眾籌又點睇?Fine,不如我哋一齊留言畀謝志榮,一人一句鼓勵吓佢喇。咁當然,如果真係出得成書,大家記得實際課金支持喎,真心Mode,努力加油呀。

Read more ›