Post Tagged with: "李小龍"

有片:李光洙飲蕉奶 李小龍上身
by / on 06/05/2015 at 6:00 am

有片:李光洙飲蕉奶 李小龍上身

有「長頸鹿」之稱嘅韓國藝人李光洙剛剛幫韓國某香蕉味牛奶飲料做代言人,喺廣告裡面,佢俾壞人追殺,以一敵四,正走投無路之際,佢決定飲香蕉味牛奶飲料,飲完即時李小龍上身,又飛腿又擒拿,打到壞人一仆一碌。雖則唔明呢隻飲料同功夫有乜關係,但李光洙戚起堂眉翁起個鼻加咬牙切齒嘅表情,又確實有幾分似李小龍,咁當然係搞笑版啦。

Read more ›

新片速報 日本5歲仔扮李小龍爆紅 跟《死亡遊戲》同步打
by / on 04/05/2015 at 7:17 am

新片速報 日本5歲仔扮李小龍爆紅 跟《死亡遊戲》同步打

超勁!之前都睇過喇,呢個小朋友4歲已經扮李小龍,骨骼精奇,o依家5歲仔,已經可以做到李小龍嘅一連串經典動作,而且同電視上播出嘅電影《死亡遊戲》嘅畫面同步!難怪條片阿爸放上網3日已經過百萬點擊,大家都驚嘆呢個人仔居然咁勁。呢個練武奇才Ryuji Imai平時好勤力操練,又會登山跑步練體能,阿爸話佢自細勁迷李小龍,不過大家唔駛驚,佢支雙截棍軟林林嘅,阿爸比佢飛中都唔會爆缸。

Read more ›
阮大勇力作 李小龍畫板開售
by / on 03/04/2015 at 10:35 am

阮大勇力作 李小龍畫板開售

阮大勇手畫有幾掂,相信有番咁上下睇港漫年資嘅朋友都知道,今次佢畫嘅李小龍畫板,鐵定5月推出,價錢可直接上信和壽星專門店問上官小強,又或喺佢嫰人家面書留言預訂。上述兩圖,上為30年前作品,下為畫板辦樣,上官小強大讚:「3O年後之阮大勇,更見功力,厲害!」所言非虛。有興趣入手者,落訂要快,因為限量150張,手快有手慢無也。

Read more ›
新片速報 阿富汗李小龍紅到日本 真功夫唔只個樣
by / on 11/12/2014 at 11:04 am

新片速報 阿富汗李小龍紅到日本 真功夫唔只個樣

講真,以樣嚟計,佢唔及得陳國坤咁似,但係佢有真功夫喎!呢位喺阿富汗喀布爾嘅20歲Abbas Alizada,自細已經鍾意李小龍,被稱為「Afghan Bruce Lee」!最新連日本、外國傳媒都有報道,睇佢身手極好,李三腳當然學到足,玩雙截棍更加係玩到出神入化!喺外國傳媒訪問中,佢話:「外地報道有關阿富汗嘅新聞,都離唔開戰爭,我好高興我呢個係一個好正面嘅故事。」

Read more ›
梁瑋豪的李小龍美拍
by / on 16/11/2014 at 2:00 pm

梁瑋豪的李小龍美拍

科技進步呀,港漫人唔局限於齋放平面畫作,實行拍埋片掟上網公諸同好。講緊嘅係梁瑋豪,佢畫咗幅靚靚Q版李小龍,釘埋印章,之後打晒燈玩晒黑白效果美拍十零秒,喂,出嚟嘅效果真真唔錯噃。可能有埋音樂墊底喇,成件事即刻無咁寡,其他大中小港漫人,可以效法吓喎。

Read more ›
新片速報 李小龍激戰MMA 殺入 PS4/Xbox One《EA SPORTS UFC》
by / on 08/04/2014 at 5:58 pm

新片速報 李小龍激戰MMA 殺入 PS4/Xbox One《EA SPORTS UFC》

MMA即係《激戰》入面賤輝打嗰啲,本來呢類遊戲吸引唔到我,但嚟緊6月20日,呢隻PS4/Xbox One《EA SPORTS UFC》嘅訂購特典竟然係我哋嘅李小龍!雖然喺現實世界冇機會睇李小龍打MMA,但喺遊戲入面幻想吓都正!

Read more ›

【C3】SKY繼SLAM DUNK後出李小龍 KAIYODO靚出雷電
by / on 17/03/2014 at 12:22 pm

【C3】SKY繼SLAM DUNK後出李小龍 KAIYODO靚出雷電

繼續噚日C3系列, 睇吓嚟緊Figure有乜好嘢, 好似SKY繼SLAM DUNK之後, 會出隻好正嘅李小龍, 現場睇肌肉紋理好真實, 真心想擁有; VOLKS INC.除咗出囡囡之外, 俾我仲見到有隻五星物語, 老實, 感覺比較粗線條, 整體一般般, 不過好過買盒唔係人砌嘅模型嘅! KAIYODO會出隻雷電, 感覺頗精細, 值得留意。

Read more ›
正宗「花生友」     變形俠醫 / 狼人食住花生等睇戲
by / on 08/02/2014 at 12:11 pm

正宗「花生友」 變形俠醫 / 狼人食住花生等睇戲

「花生友」,一向用嚟形容嗰啲un un腳睇熱鬧嘅人,不過外國有個無聊友Steve Casino就真係用花生,整成一個個名乎其實嘅「花生友」。花生團隊包括變形俠醫、Superman、狼人、Michael Jordan、李小龍等等,佢話最耐要用10小時先完成一個作品,而且為咗令人知道係真花生,每次上色都會上剩背後位置,保留花生友嘅真面目。

Read more ›
玩具講故事       李小龍劈蕉 / 蜘蛛俠拍蚊
by / on 02/02/2014 at 12:45 pm

玩具講故事 李小龍劈蕉 / 蜘蛛俠拍蚊

年初三赤口無得去拜年,不如搵返啲玩具出嚟幫佢哋影輯相啦。之所以咁諗因為睇倒俄國玩具迷兼攝影師VSE OK呢輯相,勁在唔止影相,仲有埋故事,主角方面有李小龍、蜘蛛俠、Joker、Superman、Iron Man等等玩具,劇情唔算好豐富,但勝在搞笑唔膠,好過睇賀歲片。

Read more ›
純粹自娛 崔成安的李小龍掛牆鐘
by / on 14/01/2014 at 12:30 pm

純粹自娛 崔成安的李小龍掛牆鐘

呢個李小龍掛牆鐘好靚呀呵?我都覺,好想據為己有呀呵?我都係,跟住想問邊度有得賣呀呵?我問埋,答案係無得賣嘅,好失望呀呵?我都係。

Read more ›
李小龍變蜘蛛俠    Marvel英雄改頭換面
by / on 31/12/2013 at 7:23 am

李小龍變蜘蛛俠 Marvel英雄改頭換面

喺我心目中,無人比Tony Stark更適合演Iron Man,正如Joker好難有人做得好過Heath Ledger。不過外國插畫家Alex Tuis就有一堆自己心目中嘅Marvel英雄人選,仲自製咗一系列改頭換面嘅插畫FF吓。其中最搶眼係李小龍版蜘蛛俠,大家套衫一樣咁貼身。其餘仲有變形俠醫、美國隊長、雷神等等「新」演員,個人認為最似都係美國隊長,不過阿諾舒華辛力加就好過份‥‥‥

Read more ›

網圖分享:補畫《龍爭虎鬥》海報 阮大勇向李小龍致敬
by / on 03/12/2013 at 3:00 pm

網圖分享:補畫《龍爭虎鬥》海報 阮大勇向李小龍致敬

漫畫家阮大勇係李小龍迷,當年替《唐山大兄》、《精武門》、《猛龍過江》同《死亡遊戲》畫過四張電影海報,點解獨欠《龍爭虎鬥》?有古講!

Read more ›
有片   李小龍官方啤牌    鋤大D殺氣重
by / on 02/12/2013 at 7:05 am

有片 李小龍官方啤牌 鋤大D殺氣重

上星期三係李小龍生忌,為咗紀念呢位一代宗師,外國設計單位Dan and Dave製作咗呢副官方授權嘅李小龍啤牌,顏色係經典嘅黃加黑,每張牌都有李小龍嘅經典語錄,不過係英文嘅‥‥‥至於最大嘅葵扇A,佢哋留白咗,目的係想宣掦李小龍嘅包容胸襟。啤牌賣美金$14.95,港幣100蚊左右,對粉絲嚟講唔算貴,而且包裝幾精緻,仲係好耐無見嘅Made in USA。不過用佢嚟鬥地主,過年玩鋤大D,殺氣會唔會太重?

Read more ›
Henry出手賀壽 限量20隻小龍壽
by / on 13/11/2013 at 5:33 pm

Henry出手賀壽 限量20隻小龍壽

《壽星仔》四十周年紀念Figure第二彈嚟料,Figure由H-Clay Workshop主腦Henry炮製,阿壽一身李小龍《死亡遊戲》裡面嘅造型,大黃連身衣配雙截棍,型到爆呀。

Read more ›
新片速報:宇宙最強vs李三腳
by / on 20/10/2013 at 9:00 am

新片速報:宇宙最強vs李三腳

究竟人稱「宇宙最強」嘅甄子丹定有「李三腳」之稱嘅李小龍好揪啲?可惜兩人生喺唔同時空,無機會較量。而喺李晉呢位老兄心目中,兩人功夫喺伯仲之間,仲特登做咗條動漫向兩位功夫界巨星致敬添。

Read more ›