Post Tagged with: "李小龍"

《上官家族漫畫集》買一得六$58 上官小寶出手賜彩畫
by / on 20/12/2018 at 9:30 am

《上官家族漫畫集》買一得六$58 上官小寶出手賜彩畫

送贈品作招徠,總有一定吸引力,至少吸引到我。訂購上官小威《上官家族漫畫集》齋書,即送貼紙兩張,售$48;如果畀多$10,送埋李小龍磁石貼、明信片、揮春、紀念證書同李小龍彩畫各一。當中,以李小龍彩畫我最Like,皆因由上官小寶繪畫。大師出手,好應該撐撐嘅。

Read more ›

撐周少康精品 李小龍攬枕/Tee/Tote bag/時鐘/手機殼/板畫
by / on 22/03/2018 at 5:26 pm

撐周少康精品 李小龍攬枕/Tee/Tote bag/時鐘/手機殼/板畫

追開周少康面書,知道佢係百分百李小龍迷,不但作畫,仲久唔久就Post自己同李小龍擺咁上下一樣Pose嘅相分享,好搞鬼。家陣佢喺網上商店推出精品,有攬枕、Tee、Tote bag、時鐘、手機殼、板畫等等,圖案悅目,收藏自用皆可,最重要係價錢親民絕不離地,值得一撐。

Read more ›
有片:一樣型!當李小龍舞雙節棍光劍……
by / on 17/01/2018 at 10:27 pm

有片:一樣型!當李小龍舞雙節棍光劍……

製作呢條短片位仁兄叫Patrick Man,肯肯定佢係李小龍迷,亦係《Star Wars》迷,否則唔會諗到將兩者Crossover埋一齊。後期加工,李小龍手上雙節棍變成黃色光劍,同敵人支木棍變成紅色光劍,互劈互隊,劍影棍影舞來舞去,加埋啲嗡嗡聲,好有Feel。

Read more ›
李小龍生忌 劉萬梁x崔成安推出1127紀念套裝
by / on 29/11/2017 at 8:45 pm

李小龍生忌 劉萬梁x崔成安推出1127紀念套裝

Sorry,呢條News遲早兩日出,真係唔知仲有無得落訂。1127,李小龍生忌,好多面書朋友仔都有出圖致敬,而劉萬梁師傅同崔成安就推出咗個1127紀念套裝,包崔成安最新雙節棍25式Poster、合一雙節棍與刺繡暗龍雙節棍套、雙節棍架同雙節棍筆、燙金雙節棍連環圖譜封面袋。咁多Item,都不過係$450,限量10套,唔知賣晒未呢?有興趣嘅唔該快啲落訂,呢鋪真係手快有手慢無呀老友。

Read more ›
周少康《畫出彩龍》畫展 非一般的李小龍
by / on 20/09/2017 at 11:00 am

周少康《畫出彩龍》畫展 非一般的李小龍

一向有追看周少康面書,一向佩服佢畫嘅李小龍,畫風好獨樹一幟,一望就認得係佢手筆。算唔算Q版呢?有少少似;似顏繪?又唔完全係;絕對寫實風格?更加唔係喇,我唔知點形容,但肯定嘅係,李小龍嘅神髓,佢捉得好好。隔住個Mon又點及睇原畫過癮,嚟緊11月佢會開「畫出彩龍」畫展,我好有興趣,唔知大家又點睇?

Read more ›
有片:李小龍Figure+Lego人仔+高達模型 Stop-motion動作片
by / on 08/08/2017 at 9:30 pm

有片:李小龍Figure+Lego人仔+高達模型 Stop-motion動作片

玩Stop-motion,究竟拍咗幾多個Shot先完成到呢條片?八分幾鐘長喎,真係少啲心機都唔掂,仲要有埋完整劇情呢下先勁。故事名為《猛龍的任務》,講Lego mini-figure阿Len同Billy Lo闖秘密基地,搶稱為「Crystal Orb」嘅結晶寶球,Billy Lo即李小龍,而守住基地嘅一眾囉嘍同終極大佬係高達模型,過程中刀刀劍劍雙節棍出齊,又截拳道又有小龍問路又大龍擺尾兼有撩陰腿,加埋對白、配音同特效,拍得都幾緊張刺激。三款唔搭調嘅玩具撈埋一齊,原來係可以咁玩法嘅,厲害。

Read more ›

日本Twitter熱傳李小龍突入班房 唔用智能手機打電話
by / on 12/12/2016 at 7:12 am

日本Twitter熱傳李小龍突入班房 唔用智能手機打電話

最近呢輯日本網民拍攝嘅模型公仔連環圖喺Twitter好多人RT,入面仲有我哋熟悉嘅李小龍。主題係講人人都用智能手機,喺班房入面嘅李小龍無智能手機用,咁點算好?最後大家幫佢安排咗部電話亭專用嘅大大座電話。最欣賞係佢嘅表情完美配合每個場景,好微妙。

Read more ›
有片:五歲Mini Lee耍雙截棍 有紋有路有爆炸聲
by / on 12/07/2016 at 9:00 pm

有片:五歲Mini Lee耍雙截棍 有紋有路有爆炸聲

唔係第一次睇五歲小朋友Ryusei Imai耍雙截棍,但今次條片明顯拍得霸氣得多,先來一段李小龍武術哲學:「Empty your mind……be sharpless, formless……like water」,淨空心智,無形無相,像水一樣;再來影住佢大頭,醒個堅毅不屈嘅眼神大家睇睇,表情好熱血;再再之後係GoPro鏡頭下如何棍影翻飛,加埋雙截棍爆炸聲效同怒吼聲,成條片拍得真係幾有氣勢。舞完棍,綽號「Mini Lee」嘅佢坐定定接受訪問,回復一臉稚氣,個樣怕怕醜醜咁好可愛,前後兩個表情,有好大分別。

Read more ›
大渡x鳯凰電子飛鏢機 出李小龍圖案Phoenix Card
by / on 03/04/2016 at 5:15 pm

大渡x鳯凰電子飛鏢機 出李小龍圖案Phoenix Card

又係型喎,韓國大熱鳯凰電子飛鏢機聯乘大渡出Phoenix Card,Card面有崔成安《BRUCE’S ART》李小龍圖案,擺喺吧檯夠積招。Phoenix Card可以記錄射鏢級數,一套五款,幾時推出有待大渡面書公佈。呢啲花巧嘢,估計我個一飲唔起酒就撩人射鏢偷時間回氣嘅賴皮肥仔Friend,一定撐。

Read more ›
澳門格蘭披治F3 大渡李小龍戰車參戰
by / on 23/11/2015 at 7:00 pm

澳門格蘭披治F3 大渡李小龍戰車參戰

計落今年已經喺第三年,大渡已經連續三年參加澳門格蘭披治大賽F3,今手賽車白色車身,號碼係27,用崔成安嘅《BRUCE’S ART》畫稿做主題,一個二個大大小小李小龍貼紙貼滿車身,望落去真係好鬼死型,有相睇都OK開心。我對賽車無乜興趣,只對賽車女郎有興趣,不過如果可以俾我落場同大渡戰車影番幅相,掟上面書就真係有排威威咯。

Read more ›
《小強漫畫集‧李小龍42周年紀念特刊》開訂
by / on 25/06/2015 at 10:15 am

《小強漫畫集‧李小龍42周年紀念特刊》開訂

時間過得好快,話咁快《小強漫畫集‧李小龍42周年紀念特刊》7月20日又正式面世,每本$160。貴咗?今期隨書奉送四大特典喎,紙數厚咗,賣貴咗都好合理,最重要係,如果你係李小龍迷Or壽星仔迷,咁呢百零蚊就鐵定無得慳。上官小強話明限量印制,早預訂有九折呀,唔拿拿臨撥個輪俾佢嫩人家?

Read more ›

有片:李光洙飲蕉奶 李小龍上身
by / on 06/05/2015 at 6:00 am

有片:李光洙飲蕉奶 李小龍上身

有「長頸鹿」之稱嘅韓國藝人李光洙剛剛幫韓國某香蕉味牛奶飲料做代言人,喺廣告裡面,佢俾壞人追殺,以一敵四,正走投無路之際,佢決定飲香蕉味牛奶飲料,飲完即時李小龍上身,又飛腿又擒拿,打到壞人一仆一碌。雖則唔明呢隻飲料同功夫有乜關係,但李光洙戚起堂眉翁起個鼻加咬牙切齒嘅表情,又確實有幾分似李小龍,咁當然係搞笑版啦。

Read more ›
新片速報 日本5歲仔扮李小龍爆紅 跟《死亡遊戲》同步打
by / on 04/05/2015 at 7:17 am

新片速報 日本5歲仔扮李小龍爆紅 跟《死亡遊戲》同步打

超勁!之前都睇過喇,呢個小朋友4歲已經扮李小龍,骨骼精奇,o依家5歲仔,已經可以做到李小龍嘅一連串經典動作,而且同電視上播出嘅電影《死亡遊戲》嘅畫面同步!難怪條片阿爸放上網3日已經過百萬點擊,大家都驚嘆呢個人仔居然咁勁。呢個練武奇才Ryuji Imai平時好勤力操練,又會登山跑步練體能,阿爸話佢自細勁迷李小龍,不過大家唔駛驚,佢支雙截棍軟林林嘅,阿爸比佢飛中都唔會爆缸。

Read more ›
阮大勇力作 李小龍畫板開售
by / on 03/04/2015 at 10:35 am

阮大勇力作 李小龍畫板開售

阮大勇手畫有幾掂,相信有番咁上下睇港漫年資嘅朋友都知道,今次佢畫嘅李小龍畫板,鐵定5月推出,價錢可直接上信和壽星專門店問上官小強,又或喺佢嫰人家面書留言預訂。上述兩圖,上為30年前作品,下為畫板辦樣,上官小強大讚:「3O年後之阮大勇,更見功力,厲害!」所言非虛。有興趣入手者,落訂要快,因為限量150張,手快有手慢無也。

Read more ›
新片速報 阿富汗李小龍紅到日本 真功夫唔只個樣
by / on 11/12/2014 at 11:04 am

新片速報 阿富汗李小龍紅到日本 真功夫唔只個樣

講真,以樣嚟計,佢唔及得陳國坤咁似,但係佢有真功夫喎!呢位喺阿富汗喀布爾嘅20歲Abbas Alizada,自細已經鍾意李小龍,被稱為「Afghan Bruce Lee」!最新連日本、外國傳媒都有報道,睇佢身手極好,李三腳當然學到足,玩雙截棍更加係玩到出神入化!喺外國傳媒訪問中,佢話:「外地報道有關阿富汗嘅新聞,都離唔開戰爭,我好高興我呢個係一個好正面嘅故事。」

Read more ›