Tag: 李小龍

Keep住送李小龍畫板 第八彈阮大勇獻畫

Keep住送李小龍畫板 第八彈阮大勇獻畫

面書專頁「4 in 1」舉辦嘅免費送李小龍畫板好評如潮,參與獻畫嘅港漫人陸續出場,睇個走勢有排都未送完。話咁快嚟到第八彈,今次輪到——啪啪啪啪啪,畀熱烈掌聲先——阮大勇獻畫呀喂。名額70個,索取截止日為9月17日8:00pm,郵寄送到你府上,額滿即止,點索取就自己睇番面書專頁喇。

Read more ›

專頁「4 in 1」送簽繪畫板 限量80幅

專頁「4 in 1」送簽繪畫板 限量80幅

Well,有心搞大件事咁款喎,想谷面書專頁,直接送禮係王道。現讚好「4 in 1」再Cap圖再經Messenger作實,即送阿源4乘4吋簽繪畫板,限量約80幅。Then呢,專頁話畫板作品陸續有來,約一周後到另一畫師排隊送禮,主題統一都係畫李小龍。唔知Total有幾多幅呢,儲齊一個系列都相當唔錯喎。

Read more ›
網圖分享:李小龍離世50年

網圖分享:李小龍離世50年

莫講話CCTVB,基本上連電視本身都少睇,咁啱轉台見播緊《猛龍過江》,點知一睇就不自覺睇晒成套戲,李小龍果然有吸引力。離世50年,甘小文同何志文都有出圖悼念,Bruce Lee,係型嘅。

Read more ›
馬少飛畫冊《龍影·飛舞》 李小龍迷值得入手

馬少飛畫冊《龍影·飛舞》 李小龍迷值得入手

有辦你睇,大家望吓啲畫作,係咪好靚?李小龍神髓出晒來,我自己就萬二分喜歡嘞。畫作出自馬少飛第二本畫冊《龍影·飛舞》,普通版$128,定價舒服。如果想一次過買埋周邊產品,可以考慮珍藏本套裝$600,限量50套,包環保袋一個、A3複製原畫一張、《龍影·飛舞》畫冊兩本(普通版&簽繪版)、Folder一個 。自認李小龍Fans嘅你,我認為有必要入手。

Read more ›
網圖分享:十個李小龍來了

網圖分享:十個李小龍來了

是日推介面書朋友仔Milton Wong畫作,佢畫嘅李小龍,不論漫畫風、素描定水彩都超高質。我覺得十個李小龍以《死亡遊戲》造型一字排開嗰幅最有氣勢,我特別留意十個李小龍嘅十個唔同五官表情,又特別地特別留意十個嘴,越睇越覺幅畫好似識出聲咁。即時,係即時,我已Save as Wallpaper。

Read more ›
《美紙》第四期有七個封面 阮大勇畫Q版李小龍必買

《美紙》第四期有七個封面 阮大勇畫Q版李小龍必買

係,《美紙》咁厚咁大本,真係未必個個主題都啱睇的,但拎上手睇實體書嘅愉快感覺,又真係Loop手機畀唔到你的。鍾意睇文章者固然要買,就算你唔多鍾意睇字,但作為漫畫迷,今期第四期《美紙》都好應份買,因為其中一個封面Q版李小龍,正正出自阮大勇之手,其餘六個封面包括關錦鵬x梅艷芳、伍宇烈、Louis Vuitton Objets Nomades、Chloe X Corita Kent、Daniel Arsham同Peep Projects X Fashion Walk,又唔知啱唔啱你心水?

Read more ›

世紀之星李小龍銅像 一套八個八色$1760

世紀之星李小龍銅像 一套八個八色$1760

為紀念李小龍80歲誕辰,有呢套「世紀之星李小龍銅像」出售,一套八個八隻顏色,每個銅像約15cm高,套裝價$1760,講到明無獨立單色購買。睇相都覺得好有氣勢,一字排開又確係係幾型嘅,龍迷應該會入手。

Read more ›
李小龍80週年誕辰 主題紀念電車出巡

李小龍80週年誕辰 主題紀念電車出巡

今年係李小龍80週年誕辰,海報師阮大勇之子阮繼增為此創作紀念海報,透過電車公諸同好。留意番,海報會喺8、80同160號電車車身出現,而當中嘅80號同160號,就連車廂內櫳都有相關裝飾佈置,所以千其唔好齋影車身就算,有時間嘅不妨跳入車廂,有排你打卡,大把位畀你致敬。

Read more ›
李小龍1127冥壽 崔成安50呎長畫致敬

李小龍1127冥壽 崔成安50呎長畫致敬

識唔識唱呀?「有佢教曉我哋,唔係東亞病夫,黃皮膚都可以做番自己,唔要跟人哋抄人哋黐人地,中國人唔要睇死自己~」LMF首《1127》呀喂。1127係大日子,80年前嘅11月27日,李小龍誕生。崔成安出名係龍迷,作50呎長巨幅致敬之,拍埋片加埋聲效,好熱血呀喂,幅畫好正呀,如果印製成實體Poster的話,我諗大把人搶。

Read more ›
有片:街頭藝術 Chiu Chong Tsang橋底畫李小龍

有片:街頭藝術 Chiu Chong Tsang橋底畫李小龍

街頭藝術創作團隊AfterWorkShop有新創作,創辦人Chiu Chong Tsang喺通州街臨時街市附近橋壆,畫咗個好Cyber feel嘅大型畫作。畫中人係李小龍,有條類似Alita咁款嘅機械臂,支雙節棍仲識發光添,我決定今個禮拜去打卡。有片的,Click入嚟有得睇創作過程。

Read more ›
網圖分享:戴慶賢畫李小龍

網圖分享:戴慶賢畫李小龍

戴慶賢又露兩手喇,今次畫嘅係《死亡遊戲》李小龍,神髓出晒嚟,靚到可以Save低佢做Wallpaper,曱搓~~,有聲Post就係呢隻喇。

Read more ›

有片:崔成安30呎巨幅《龍的傳奇》面世

有片:崔成安30呎巨幅《龍的傳奇》面世

完成了,崔成安30呎巨幅《龍的傳奇》終於完成了,左至右橫幅慢慢欣賞,《青蜂俠》、《唐山大兄》、《精武門》、《猛龍過江》、《死亡遊戲》等幕幕電影場口不斷喺腦海浮現。實在畫得太靚,搞到我想翻煲番李小龍電影添。

Read more ›
崔成安30呎巨幅《龍的傳奇》上色中

崔成安30呎巨幅《龍的傳奇》上色中

崔成安喺面書Post相交代進度,30呎長《龍的傳奇》巨幅已經去到上色階段,睇個勢唔使幾耐就可以完成。唔係吹水,齋睇相都Feel到有幾澎湃,如果到時會推出實體印刷品就好了。But,當真係出得成,咁長又點出好呢?斬件式Postcard,似乎係一個辦法。

Read more ›
紀念李小龍80誕辰 G-Shock MRG-G2000BL向《死亡遊戲》致敬

紀念李小龍80誕辰 G-Shock MRG-G2000BL向《死亡遊戲》致敬

李小龍80歲誕辰,龍迷可以留意吓呢隻G-Shock旗艦系列MRG-G2000BL,睇條鮮黃色表帶已經知向《死亡遊戲》致敬;睇埋錶背,有個經典「截拳道」太極圖標誌,外包「以無法為有法,以無限為有限」字句;錶面呢,則有黃色「龍」字點綴,襯埋1至12點黃色刻度同整體黑色主調色,係幾型嘅,限量300隻。不過我睇勻成個網頁,都唔覺有標明價錢,究竟賣幾錢呢?

Read more ›
《上官家族漫畫集》買一得六$58 上官小寶出手賜彩畫

《上官家族漫畫集》買一得六$58 上官小寶出手賜彩畫

送贈品作招徠,總有一定吸引力,至少吸引到我。訂購上官小威《上官家族漫畫集》齋書,即送貼紙兩張,售$48;如果畀多$10,送埋李小龍磁石貼、明信片、揮春、紀念證書同李小龍彩畫各一。當中,以李小龍彩畫我最Like,皆因由上官小寶繪畫。大師出手,好應該撐撐嘅。

Read more ›