Post Tagged with: "李健良"

買齊李健良海報+Postcard+杯墊 $440繼續抵到唔信
by / on 11/07/2016 at 10:45 pm

買齊李健良海報+Postcard+杯墊 $440繼續抵到唔信

今年書展李健良好進取,除《古生命III》同水晶畫板外,仲推出一系列靚爆精品,但價錢就Set得極唔進取。唔係咩?唔該留意價錢──小熊貓Postcard一套六款每款$10、古生命Postcard一套兩款每款$10、小熊貓杯墊一套六塊每套$60、古生命杯墊一套六塊每套$60、兩款全新繪製80x55cm古生命海報會場各售$120。又係計算時間,買齊全部都不過係$440,我好懷疑李健良定錯價,可以想像,到時嗰種滿載而歸嘅滿足感,真係要幾興奮有幾興奮。(攤位1AE-36)

Read more ›

李健良水晶畫板+油畫 7個Item賣$680抵到唔信
by / on 08/07/2016 at 10:30 pm

李健良水晶畫板+油畫 7個Item賣$680抵到唔信

食住《古生命III》即將推出個勢,李健良又推出水晶畫板喇,全新三款各售$120,當真平到笑!咦?喂?……睇真啲,原來仲有四幅A3 size油畫布印製嘅復製油畫,吓?唔係啩,每幅$85?會場價仲要賣平$5痴線的,使唔使咁平?全部書展有售。計數,買晒七個Item都不過係$680,預我一Set吖唔該。

Read more ›
李健良《古生命III》書展出版 140頁厚過頭兩期超抵睇
by / on 06/07/2016 at 9:00 pm

李健良《古生命III》書展出版 140頁厚過頭兩期超抵睇

一年容易又書展,李健良《古生命》出到第三期,買開頭兩期嘅你無理由唔撐架? 《古生命III》7月20日香港書展優先發售(攤位1AE-36),斷估屆時李健良都會抽空出席,同大家影相簽名。李健良仲專登喺面書登埋相,睇書脊《古生命III》比頭兩期厚好多,有成140頁,拎上手慢慢揭,肯定好有手感。

Read more ›
有片:李健良《古生命II》 侏羅紀恐龍當道
by / on 21/04/2016 at 10:30 pm

有片:李健良《古生命II》 侏羅紀恐龍當道

李健良都算港漫界異類,鍾意畫古早恐龍,仲要唔係Q版嗰隻,有晒資料搜集,其著作《古生命I》同《古生命II》唔單只可以當畫集咁欣賞,直頭可以當教科書咁睇。如果大家未買《古生命II》的話,不妨睇睇呢條短片,輯錄咗部份畫作,甚麼雙冠龍、迷惑龍、喙嘴翼龍、肯龍、梁龍、蛇頸龍等等侏羅紀巨獸統統有齊,加埋配樂都睇得幾過癮。睇完,分分鐘會撩起你鋪買書癮,而《古生命III》,將會喺嚟緊2016書展推出。

Read more ›
有片:李健良水晶畫板開訂 短片介紹《古生命I》
by / on 18/02/2016 at 7:15 pm

有片:李健良水晶畫板開訂 短片介紹《古生命I》

有無捧港漫彩稿大師李健良本《古生命I》場?我有。你無?唔緊要,不如睇睇片,片中輯錄《古生命I》彩圖,兼介紹生命從寒武紀到三疊紀如何演進,啲畫靚到啪啪聲,睇完話唔定你會立即仆去書店買番本。另一重要消息,李健良現推出「2016虎鯊‧鬼頭刀‧旗魚‧我們的海洋」水晶畫板,每塊$120,有興趣請落訂,都係嗰句,手快有,手慢無。

Read more ›
《古生命II》書展優先發售
by / on 28/06/2015 at 5:30 pm

《古生命II》書展優先發售

李健良《古生命I》大獲好評,《古生命II》乘勢喺今年7月15至21日書展優先推出(攤位No.1B-B36大魚美術制作),每本$148,同場仲原稿畫集、水彩書籤、水晶畫板同精美文件夾發售,咁當然如果想睇番轉頭的話,《古生命I》都一樣有得賣喇。而唔理你幫襯I定II,都即送非賣品新印畫一張,報告完畢。

Read more ›

李健良《古生命》 精益求精延期推出
by / on 20/08/2014 at 12:33 pm

李健良《古生命》 精益求精延期推出

港漫彩稿大師李健良,入行三十年,默默替各大中小主筆嘅稿件添色彩,絕對係港漫嘅砥柱中流。佢原定今日見街嘅個人畫集《古生命》,為精益求精,所以決定延期十日推出,大家遲多個零禮拜先撲書喇。

Read more ›