Post Tagged with: "李健良"

李健良《龍虎滙》海報$500 一套兩張有氣勢
by / on 07/12/2018 at 7:22 pm

李健良《龍虎滙》海報$500 一套兩張有氣勢

李健良又有新作推出喇,《龍虎滙》珍藏紀念海報2018,一套兩張。Size係230cm x 30cm,即係超過七呎長。怕你都無概念究竟有幾長,良哥拍埋片畀你睇,但見卷軸式海報慢慢翻開,睇片都覺得好有氣勢,放心,知你未必會裱起佢,良哥體貼地送畀畫筒方便收藏。售價$500,抵撐,要撐。

Read more ›

又係要買 李健良書展推出A3油畫
by / on 13/07/2018 at 10:30 am

又係要買 李健良書展推出A3油畫

無認真Count過,不過感覺今年李健良喺書展推出嘅精品比上年多。最新A3油畫,無睇錯宣傳海報的話,一套總共有13款,每張$120。驚你唔知點收藏好,有埋Folder提供,每個$100,書展有售。

Read more ›
李健良書展 出白海豚書籤+古生命Tee
by / on 09/07/2018 at 10:04 pm

李健良書展 出白海豚書籤+古生命Tee

今年書展,李健良精品多蘿蘿,總有一款啱你心水,九件古生命Tee,隨Tee送恐龍卡一張,再數……仲有2018白海豚書籤,一套10張原價$68,書展價$60,又係必入之選,嚟緊仲有張復製原畫添。買乜好?梗係全部買晒就最好,呢句我代良哥講嘅。

Read more ›
書展2018李健良精品 購物袋+襟章+郵票
by / on 07/07/2018 at 4:30 pm

書展2018李健良精品 購物袋+襟章+郵票

今年李健良推出嘅精品好多元化,除咗重頭《中華白海豚‧香港海洋生態》外,仲有環保購物袋、襟章等等,不過講到最估佢唔到者,係出郵票!由香港郵政局印製,可以用嚟本地郵寄,不過咁有收藏價值,買咗都唔捨得用喇,係咪咁講先。

Read more ›
李健良大作現身機場 記得打卡
by / on 03/07/2018 at 10:04 pm

李健良大作現身機場 記得打卡

又係靚到無得輸,李健良同曹志豪一樣,都有大作喺香港國際機場月台幕門展出,位置喺離境層。有龍,有虎,有山,有雲,有劍客,有武林高手,我諗用「氣勢磅礡」四字形容之,應該無人反對。去開機場嘅港漫迷,記得打卡,呢期無出遊嘅,可以睇住片先,信我,值得你定格慢慢欣賞。

Read more ›
2018書展 李健良推出《香港中華白海豚海洋生態》
by / on 28/06/2018 at 9:00 am

2018書展 李健良推出《香港中華白海豚海洋生態》

時間過得好快,上年書展排隊搵李健良畫親筆恐龍嘅畫面,依家仲歷歷在目,今年書展都唔少得呢位彩稿大師。今年佢有新書《香港中華白海豚海洋生態》推出,仲搵咗朋友整咗條超短動畫宣傳,唔使講嘢,良哥,撐硬你呀。

Read more ›

李健良科大開《漫畫彩稿世界的紅樹林》分享會
by / on 29/05/2018 at 11:15 pm

李健良科大開《漫畫彩稿世界的紅樹林》分享會

係,港漫彩稿大師李健良係擺過好多Booth、出過好多畫集、開過好多展覽、搞過好多工作坊,但但但但但……好嘢又何需停?嚟緊6月16日,佢又舉行《漫畫彩稿世界的紅樹林》分享會,聽Talk又唔知係咪你杯茶?屆時仲會有佢今年書展新書內容簡介,有興趣記得捧場。

Read more ›
李健良開畫展+辦講座 《從古生命到紅樹林》分享心得
by / on 11/01/2018 at 8:45 pm

李健良開畫展+辦講座 《從古生命到紅樹林》分享心得

好嘢!李健良又開畫展喇,今次移師好山好水嘅中文大學,展覽名為《從古生命到紅樹林》,全套《古生命》同《紅樹林‧香港濕地生態》我都有買,唔介意睇多次靚畫,最重要係有場講座,由李健良親自演講,分享創作心得,如無意外應該會捧場,報名要快喇喂。

Read more ›
1油畫+2畫板+1聖誕卡 李健良2017聖誕禮品套裝$350超抵
by / on 28/11/2017 at 10:00 pm

1油畫+2畫板+1聖誕卡 李健良2017聖誕禮品套裝$350超抵

嘩!除咗O嘴,我真係唔知可以講乜嘢,$350,可以買到李健良製作嘅A3油畫《激戰》、水晶畫板《兇獸》、A5珍藏畫板《海霸》同聖誕卡一張,會唔會過份抵?尤其張《激戰》,無睇錯應該係King Kong惡戰三條暴龍,好有氣勢,好難唔心心眼。呢個2017聖誕禮品套裝,我應該忍唔到手,咁當然喇,如果有人送畀我更好喇。

Read more ›
李健良動漫基地搞《古生命》工作坊 教小朋友畫公仔
by / on 08/11/2017 at 11:00 pm

李健良動漫基地搞《古生命》工作坊 教小朋友畫公仔

好喇,又係時候捧李健良場喇,Event有兩個,地點都係灣仔動漫基地:一,「咔」車展示──《古生命》系列,漫畫三輪車一大架,透過畫作詳細介紹恐龍蹤跡,甚麼寒武紀、三疊紀、侏羅紀、白琧紀,睇完一書三冊自會一清二楚;二,《古生命》分享會及創作工作坊,由良哥帶領小朋友,發揮創意畫「你我都未見過的生物」,即係異形都畫得呀。呢兩個不但係非常好嘅親子活動,連大人都啱睇,我話嘅。

Read more ›
李健良《紅樹林‧香港濕地生態》分享會 即場繪畫+送紀念品
by / on 27/10/2017 at 4:22 pm

李健良《紅樹林‧香港濕地生態》分享會 即場繪畫+送紀念品

因為實在鍾意,所以不厭其煩講多次,今個禮拜日李健良會喺元創方搞《紅樹林‧香港濕地生態》分享會,唔只齋講,仲有短片睇添,李健良話短片會製作成動漫咁樣樣,應該幾有新鮮感。另外,梗唔少得即席繪畫示範喇,咁攞唔攞到親筆畫就要睇彩數嘞,就算攞唔到都唔緊要,因為屆時會有紀念品贈送,總之保證大家開開心心笑住走喇。

Read more ›

李健良《紅樹林》分享會 簽名加影相咪走雞
by / on 17/10/2017 at 7:15 pm

李健良《紅樹林》分享會 簽名加影相咪走雞

知大家節目多,所以雖然未有最詳細資料,但都預早提一提先,如果大家係李健良Fans的話,咁10月29日1:00pm至2:00pm就唔好約人嘞。為「咫尺自然」活動,佢會喺元創方搞場《紅樹林》作者分享會,到時帶埋書畀佢簽名加影相都仲得。

Read more ›
李健良有份參與《咫尺‧自然》藝術展 記得捧場
by / on 30/09/2017 at 5:56 pm

李健良有份參與《咫尺‧自然》藝術展 記得捧場

開心呀,李健良又搞展覽,不過今次係同其他藝術家聯展,展覽名叫《咫尺‧自然》,由10用開始一路搞到去12月,由漁農自然護理處扯頭纜,包括講座、工作坊同電影放映會,內容圍繞香港動植物之美。廢話少講,係良哥Fans的話,記得捧場。

Read more ›
李健良買十本《天使的微笑》畫集 做善事免費送書
by / on 18/09/2017 at 9:28 pm

李健良買十本《天使的微笑》畫集 做善事免費送書

人好,心地好,畫公仔好,係我對李健良嘅印象。擒日參觀《天使的微笑》畫展偶遇佢,有幸地佢認得我呢個小小讀者,熱情地打招呼兼握手,感覺好Warm,佢走之後,我聽到工作人員話:「李健良頭先一口氣要咗十本畫集。」嗰時心諗,買咁多畫集做乜?後瀏覽面書,明晒,原來佢話佢「準備」咗十本《天使的微笑》慈善畫集,簽完名打算免費送畀人,呼籲大家踴躍捐款,叫想要畫集嘅讀者PM佢云云。「準備」?但斷估即係自掏腰包真金白銀買喇,係,畫集不過每本$150,十本亦不過$1500,唔係甚麼大數目,但呢份熱心,呢份真關懷,看在眼裡確實有少少感動。

Read more ›
網圖分享:港漫人出圖望颱風快快走
by / on 28/08/2017 at 8:38 pm

網圖分享:港漫人出圖望颱風快快走

呢排打風打到人都悶,都九月喇,仲邊得嚟咁多颱風架?對上一次香港一年內掛四次八號風球,原來已經係2008年嘅事。今年2017年,已經先後有「苗柏」、「洛克」、「天鴿」同「帕卡」四個八號或以上颱風襲港,「天鴿」仲打到上十號波添。天災帶畀香港同澳門嘅經濟同人命損失,係無人想見到嘅,為此,一班港漫人都作畫寄予同情,睇完畫,希望大家都平平安安,健健康康喇。

Read more ›