fbpx

Tag: 朱古力

新片速報 玩命!朱古力醬 + 萬樂珠 + 可樂 + Condom

新片速報 玩命!朱古力醬 + 萬樂珠 + 可樂 + Condom

大家都知萬樂珠加可樂會點,咁如果再喺可樂樽口搽啲朱古力醬,之後再笠個避孕套,先再放萬樂珠……呢位意大利「魔術師」Milleaccendini就拍片試吓,佢仲話破紀錄喎,都唔知破咩。

Read more ›

日本黑貓之手麵包    肉球變白朱古力

日本黑貓之手麵包 肉球變白朱古力

好得意!貓貓嘅手仔軟棉棉好好摸,尤其是日本人稱為肉球嘅幾嚿肉仔,得意到無朋友。大阪酒店「大阪新阪急ホテル」為咗慶祝開業50週年,酒店入面間麵包舖會賣呢隻叫做「黒猫の手」嘅麵包,肉球變成白色朱古力,手仔中間夾住朱古力醬,一隻手賣230円,最怕你唔捨得放落肚。

Read more ›
比利時朱古力iPhone殼  食得唔買得

比利時朱古力iPhone殼 食得唔買得

情人節都過咗,不過呢個朱古力iPhone case真係好細緻,所以忍唔住介紹吓。由比利時朱古力廠Woodblock Chocolate同當地出名生產電話配件嘅公司Grovemade合作製作,全個iPhone case都係黑朱古力,真正食得落肚,相信仲幾好味。而且專登做到唔易溶,唔駛怕一邊玩Whatsapp一邊溶到成手都係。睇完係咪好想買返個送比bb豬?可惜件產品唔量產,純粹玩吓。車。

Read more ›
150磅超巨型R2-D2朱古力   只准影唔准掂

150磅超巨型R2-D2朱古力 只准影唔准掂

邊個同R2-D2咁大仇口?呢個150磅重嘅R2-D2朱古力雕塑,堪稱最巨型嘅R2-D2美食,發現地點喺美國加洲嘅The Fairmont San Jose酒店,時間係聖誕期間,估計大廚Fernando Arreola係被酒店高層迫住捱咗幾晚通宵整成嘅。呢隻巨型R2-D2擺放喺酒店大堂,寫明叫大家唔准掂,只可以影相‥‥‥唔好咁孤寒啦,分啲比小朋友食啦!

Read more ›
新片速報  坐吓有Tablet送   朱古力Kit Kat賣大包

新片速報 坐吓有Tablet送 朱古力Kit Kat賣大包

食Kit Kat朱古力要鬆吓抖吓,但係估唔倒抖吓都有部Nexus 7平板電腦拎走咁爽皮!Kit Kat最近喺荷蘭街頭租咗幾塊廣告牌,上面離奇地有個座位,原來根據指示牌嘅時間坐上張椅抖吓,無幾耐就會有人送部tablet比你,就係咁簡單,易過中六合彩。睇片見倒路人即時飛撲上去坐定定,有啲仲兩個人迫埋一齊博有機會拎多部,睇落好緊張,唔太鬆吓抖吓,仲令我好葡萄o忝!

Read more ›
【編輯Blog】苦茶:過年朱古力後遺症 掛住雞皮紙包蘋果橙

【編輯Blog】苦茶:過年朱古力後遺症 掛住雞皮紙包蘋果橙

  過年後嘅後遺症!一屋都係糖……對唔住!係朱古力先真,開始食到有啲驚,我知同IT無乜關係,但真係好想講吓兒時回憶! 記憶中最古老嘅糖,係鄉郊士多買的!三粒糖好香甜,覺得有種汽水的味道,細路仔冇錢買汽水,將它咬碎了一口,再加一口冷水,就當作飲了汽水;仲有一種回力牌(好似係咁叫!)喱!個封面半紅半白,有個大陸小朋友打乒乓波嗰隻呢,係一嗰過的,只記得佢好平、食到一口粉,但有回憶只有佢嘅香甜感覺,不過已經很久不見了!

Read more ›

情人節日本烈士  地鐡車站索朱古力

情人節日本烈士 地鐡車站索朱古力

對無拍拖嘅男女嚟講,噚日情人節係人生一個重大考驗,點樣扮無嘢去渡過呢一日?究竟更唔更新facebook好呢?諗起都頭痕。不過喺日本,有單身烈士作出一個大無畏行動,就係喺東京地鐵車站向途人(當然最好係單身女士)索取朱古力,為咗自身安全,佢哋戴咗黑超同埋口罩,而善良嘅日本人非常欣賞佢哋呢個英勇行為,不停喺twitter傳頌佢哋嘅事蹟。話時話,比在喺香港,你夠唔夠膽咁做?不過我諗會改為戴小丑神面具啩。

Read more ›
獨男專用  日本推出「情人節保險計劃」

獨男專用 日本推出「情人節保險計劃」

仲有兩星期就到情人節,今年撞正新年,好多獨身女性索性攞埋假,免得喺公司無花收眼冤。日本獨身男士就慘咯,事關2月14日情人節只限女性送禮比男士,通常都係送朱古力,咁無朱古力收嘅男士點算?日本有公司推出男士情人節保險計劃,只需保險500円,就有自稱美女嘅Rieko喺當日送上甜蜜朱古力比你。唔係圖中呢位啩?

Read more ›
Canon D60朱古力  索價4千唔包電池SD咭

Canon D60朱古力 索價4千唔包電池SD咭

呢個唔係Canon D60啡皮套,而係朱古力造成嘅D60!手工精細,真係有得賣,仲好貴o忝,大約港幣$4000左右,點解咁貴?因為要用真相機真鏡頭做倒模,咁搞法部機仲點用得返。製作人話,佢咁耐以嚟只係整咗三部送比人,其中一部仲好豪氣食咗落肚。如果你真係有興趣要快手,因為佢表明最多只會生產多5部。要注意嘅係,網站標明朱古力SD咭、電池、鏡頭蓋同相機帶都唔包,幾風趣。

Read more ›
倒模人面朱古力 6,000円驚嚇情人節

倒模人面朱古力 6,000円驚嚇情人節

情人節,想唔想送你自己俾另一半?近年興玩自分魂Figure頭雕,搵人雕自己個樣再配番12吋Body同衫褲鞋,咁就一個Mini Me。但係我總係覺得有少少恐怖,同埋分手後我諗個Figure可能會變成降頭媒體,所以咪。咁不如整朱古力吖,又Sweet又吞得落肚,簡直係表達愛嘅極致,日本就有人開咗個班,俾你用電腦倒模自己個樣,再透過3D技術整個模出嚟再整朱古力……只限女性參加,6,000円其實唔貴,但你睇吓個樣……都係留番鬼節先送啦。

Read more ›
日本四大都市Kit Kat 一箱四盒

日本四大都市Kit Kat 一箱四盒

日本風情話,自從2000年開始,日本已經有超過200種味道嘅Kit Kat朱古力,包括Espresso啦、baked corn啦,古怪啲嘅仲有醬油味!最新作呢就係呢個新幹線包裝,Kit Kat其實喺2010同2011年都出過子彈火車包裝(入面有得睇),不過今年就特別少少,係以唔同車站為主題,大盒裏面分四個細盒,分別係新大阪、東京、京都、名古屋,而細盒裏面嘅包裝就有唔同型號火車印喺上面,800円,唔貴。

Read more ›