Tag: 朧村正

2013年3月出GAME時間表 [PS3 / Xbox / PC / Wii / 3DS / PS Vita]

收入有限,3月正game無限,機迷點樣迎接呢個挑戰?點樣可以喺game海中存活過嚟?今個月大作浪接浪,利是錢終於有碇駛。最開心應該係PS3機主,有獨佔嘅《God of War:Ascension》、《ONE PIECE海賊無雙2》同埋《初音未來Project Diva-f》。另外,羅拉終於出場,《Tomb Raider》歐版噚日偷跑咗,想玩中文版就等多一個星期啦。手提機方面,3DS隻《超級機械人大戰UX》同埋PS Vita隻《Soul Sacrifice》都係等咗好耐嘅必玩大作,加上日版Vita大減價,跟手可以玩埋隻《ONE PIECE海賊無雙2》同埋《朧村正》,財散人安樂。

Read more ›

攻擊模式發佈《朧村正》店舖特典公開

3月28日推出嘅PS Vita《朧村正》,橫向動作操控簡單,人設同背景設定又靚,好啱手提機玩。呢隻加強更新版之前都報導過會有新角色新關卡登場,而今次就係介紹主角們嘅唔同攻擊招數,當中就有類似一閃嘅擋格反擊技,仲有可以打回敵方攻擊嘅連斬!加埋香港機迷得個恨字嘅日本店舖訂購特典。

Read more ›

新片速報 PS Vita版《朧村正》新主角四短篇登場

由Marvelous AQL開發嘅PS Vita版《朧村正》會喺3月28日推出,勁game雲集嘅3月,但數到懷舊橫向動作RPG就只此一隻,簡簡單單拎住PS Vita煲機,隨時殺出重圍。今次新片除咗有女主角百姬、男主角鬼助等介紹外,仲有《元祿怪奇譚》4個新主角同4個短篇故事DLC下載。遊戲被形容為「絢爛繪卷和風動作 RPG」,以江戸元祿時代(1688年 – 1703年)為背景,以收集108把妖刀為目的。

Read more ›

3/28推出 PS Vita《朧村正》官網新料

對於我等老餅機迷,唔知點解對操控簡單嘅橫向動作遊戲總有一份情意結,雖然之前隻《墨鬼》中咗伏……呢隻喺09年推出過Wii版嘅《朧村正》又唔同嘅,因為有大量RPG元素嘛。之前就宣佈推出PS Vita加強版,會有4個新角色同4個新短篇故事。橫向動作RPG,官方網為「絢爛繪卷和風動作 RPG」,以江戸元祿時代(1688年 – 1703年)為背景,以收集108把妖刀為目的。啱啱官網有新圖發佈,畫面同角色設定都幾鬼靚。遊戲由Marvelous AQL開發,售4,980円。

Read more ›