fbpx

Tag: 服裝

日本熱傳「服裝與溫度關係圖」 今日22度著長袖啱啱好

日本熱傳「服裝與溫度關係圖」 今日22度著長袖啱啱好

呢幾日天氣時凍時熱,出門口諗著咩衫都有啲煩惱。日本網民都遇到同樣嘅問題,所以覺得呢個「服裝與氣溫關係圖」非常實用。25度以上就著短袖;25度唔夠就著長袖;20度唔夠就著返件cardigan針織外套‥‥‥簡單得嚟幾實用。今朝22度,即係著件薄身長袖就啱數!不過都有網民話18度著短袖都無問題,同埋20度著長袖會好熱,大家同唔同意?

Read more ›

日產前董事長「保釋服裝」熱傳 超似麵包超人個friend

日產前董事長「保釋服裝」熱傳 超似麵包超人個friend

日產汽車前董事長Carlos Ghosn當年令日產汽車起死回生,曾經係21世紀最受日本人追捧嘅外國人,不過近年因為涉嫌虛報工資被捕,最近佢以破紀錄10億円獲准保釋,不過網民就對佢出獄當日嘅「cosplay」裝扮更有興趣。話說當日佢以一身工友造型離開想掩人耳目,仲唔坐日產改坐銀色嘅Suzuki,差啲避過所有媒體,不過最終依然被認出,而網民留言就讚佢有創意似cosplay,有人話諗起麵包超人個朋友細菌人,仲有唔少日本插畫師出圖抽水,相信今年嘅日本cosplay活動應該會見到唔少呢個新造型。

Read more ›
寒冬打機必備 打機專用廢人級保暖裝

寒冬打機必備 打機專用廢人級保暖裝

日本之前都有推出過呢類服裝,俾你冬天著住喺屋企,長期好似圍住張被咁暖,上年進化版都已經有開窿,去廁所都唔駛除,放長假長期喺屋企唔出街唔換衫唔沖涼必備。今次呢件「ゲーミング着る毛布 ダメ着4G」就再正啲,因為係為咗打機而設,所以頭笠兩邊開咗窿可以戴耳筒,另外手指位都有得俾你伸出嚟拎住Mouse或者手掣。M/L賣10,500円,XL就11,250円,睇見都想放假打機冬眠打機冬眠。

Read more ›
《美女與野獸》填色簿 小朋友自創「美女」超性感服裝

《美女與野獸》填色簿 小朋友自創「美女」超性感服裝

小朋友諗嘢好簡單直接,好似呢張最近喺日本Twitter熱傳嘅圖,有媽咪話見到囡囡嘅填色簿,入面嘅美女Belle件衫竟然咁性感,忍唔住放上Twitter分享!睇嚟囡囡本身個人都好開通,不過著成咁,野獸應該會獸性大發。之後有網民留言,原來佢個囡都係填色填成咁‥‥‥

Read more ›
【撞衫】「欅坂 46」紅白服裝    同高達GOUF好似樣

【撞衫】「欅坂 46」紅白服裝 同高達GOUF好似樣

「欅坂 46」同高達入面嘅グフ(GOUF)有咩關係?原來係套盔甲。噚晚紅白活動,欅坂 46當然有出席,不過眼利嘅網民就發現佢哋套衫好似高達マ・クベ專用グフ(GOUF),張相放上Twitter後好多人RT,咁睇真啲,啲紋又的確幾似‥‥‥

Read more ›
壽司狗狗裝超可愛    三文魚/魚子軍艦任揀

壽司狗狗裝超可愛 三文魚/魚子軍艦任揀

呢兩日天氣開始凍,係時候幫屋企嘅寵物添置返件衫仔嘞,如果係呢件壽司衫呢?睇落唔暖,不過主人一定開心,但係首先你要有隻白色嘅狗先做到壽司效果,同埋好可惜佢係住喺紐約嘅狗主嘅DIY作品,如果量產嘅話相信好多主人都想買返件。BTW,最欣賞佢後面棵假葉同旁邊嘅薑,真嘅一樣呀!

Read more ›

日本品牌推出大胸女性專用服裝 網上集資火速達標

日本品牌推出大胸女性專用服裝 網上集資火速達標

之前介紹過日本內衣品牌Feast專為細胸女性設計內衣,最近另一個日本品牌Heart Closet都造福女性,將會生產專為大胸女性設計嘅服裝。品牌總監Mizuki Kurosawa本身擁有H Cup身裁,佢發現大胸女士要買衫好困難,通常啲衫鈕會扣唔到,又或者因為上身撐起而露臍。如果要遷就胸部大小而買衫,件衫通常都會變得好鬆好唔啱身。今次設計嘅恤衫同外套主要針對呢啲問題,仲搵嚟模特兒親身示範。個計劃放咗上網集資好快已經達標,原來喺日本,每4個女性就有1個擁有E Cup以上嘅身裁,唔怪得之咁快集資成功嘞。

Read more ›
【新年買新衫】韓國設計LEGO人仔服裝 $5套扮海盜扮慈母

【新年買新衫】韓國設計LEGO人仔服裝 $5套扮海盜扮慈母

  天氣凍,LEGO人仔都要著多件衫,韓國studio「Leese Design」最近推出咗一系嘅LEGO迷你服裝,等大家可以幫屋企嘅LEGO人仔換造型。海盜、校服、醫生服、警察服,仲有好多唔型但好鬼花巧嘅fashion例如豹紋呀、班馬紋呀之類嘅服裝,每套賣美金$5,心大心細嘅可以買美金$25嘅套裝,入面有27套衫仲包埋運費,新年買新衫,好合理吖。

Read more ›
【笑片速報】Minions變狗服裝 喪跑怪叫超搞笑

【笑片速報】Minions變狗服裝 喪跑怪叫超搞笑

真係好過份!呢件Minions嘅狗仔服真係太好笑喇。話說呢位主人DIY咗兩件Minions衫比屋企兩隻狗仔著,著上去本身已經好笑,兩隻前腿仲企得好穩添!再配合埋佢哋奔跑嘅動作同Minions嘅配音,我睇到一半已經大笑咗出嚟,唔share唔得。好想買返件送比養狗嘅朋友,可惜佢係hand made,有無朋友識整返件呀?

Read more ›
冬天騎呢貓服飾   日本暖爐桌揹上身

冬天騎呢貓服飾 日本暖爐桌揹上身

天寒地凍,各位貓奴狗奴又有藉口買衫比主人!雖然主人100%唔會領情。日本嘅unihabitat出好多動物服飾,而且以騎呢出名,好似扮熱狗嘅狗仔服,同今次嘅重點 – 貓暖爐桌。無錯,就係將日本人屋企一定有,可以將對腳收埋入枱底嘅暖爐桌。喵星人要揹住成張枱周圍走,枱上面仲有杯茶同埋一個蜜柑,cute到震。不過主人著咗上身,好大機會會呆企唔識郁。

Read more ›
有片 萬聖節高科技服裝 鬼眼識郁夠搶眼

有片 萬聖節高科技服裝 鬼眼識郁夠搶眼

萬聖節仲未到,不過如果咁好彩有party去 (我都想,唔計海洋公園呀!)要諗著咩衫,呢幾件高科技衫肯定可以令你成為全場焦點。設計師Mark Rober嘅每件衫都會留返個窿,比大家將部電話塞入去,之後開著個APP,啲假眼假腦就會以動畫方式呈現,即係你身上面嘅怪嬰對眼識得望嚟望去,又好玩又驚嚇。問題又嚟喇,電話無電或者想問現場嘅靚女交換facebook時點算好?啲衫賣美金25至70不等,網上有得訂,app就免費下載嘅。

Read more ›

冰桶挑戰cosplay服裝     假扮倒冰唔駛濕身

冰桶挑戰cosplay服裝 假扮倒冰唔駛濕身

今個月最hit話題非「冰桶挑戰」莫屬,咁紅起上嚟,周邊產品自然會出現啦,呢件假扮倒冰嘅服裝無聊得嚟又幾應景,由外國網店Brands on Sale設計,有一個冰桶、一個冰格,仲有個白色網扮水,個白色網上面仲貼咗幾塊模擬冰粒,不過要扮就要長期舉起隻手拎住個冰桶,都幾攰。BTW,佢都不忘做善事(抽水),話每賣出一套,就會捐出10蚊美金,套衫盛惠美金$39.99,相信應該計埋嗰$10美金入去嘞。

Read more ›
可憐的烏龜       cosplay服專賣店扮蟹扮漢堡包

可憐的烏龜 cosplay服專賣店扮蟹扮漢堡包

貓貓狗狗有得著衫,估唔到烏龜都有!外國網站Etsy有間網店叫MossyTortoise專賣烏龜服,全部都係人手製嘅針織品,每件平均港幣$150左右,勁在夠晒創意,扮鯊魚、蟹、漢堡包甚至生日蛋糕嘅造型都有,cosplay種類極之多令人嘆為觀止。有無興趣買返隻比屋企嘅龜龜?

Read more ›
手機尿袋著上身    太陽能服裝倫敦展出

手機尿袋著上身 太陽能服裝倫敦展出

手機成日唔夠電,尿袋又成日唔記得帶,帶咗都唔記得叉飽佢先。如果件衫識接收太陽能再幫部手機叉電,係咪好完美?外國設計師Pauline van Dongen最近同太陽能專家Gert Jan Jongerden研發咗一系列太陽能服裝喺倫敦展出,專為手機叉電而設,聲稱著住佢喺太陽下1小時,吸收嘅電力已經足夠幫部手機叉滿一半電,不過暫時未量產。假以時日,你著住呢件衫出街一定好受朋友歡迎,不過只限日間。

Read more ›
Star Wars烈火戰衣   黑武士白兵唔包頭盔

Star Wars烈火戰衣 黑武士白兵唔包頭盔

我認我想像力唔夠,所以要發達應該無我份。好似黑武士同白兵,點諗倒可以用嚟做電單車服裝?呢件由UDReplicas設計嘅電單車戰衣,通過CE驗證,交通意外都可以保護駕駛者。不過要型都唔平,一套賣接近港幣一萬,好彩可以拆散嚟買,嚟如淨係買件外套($4500)、褲($2500)、手套($700)或者boots($1500),至於嗰頭盔就not for sale,都啱嘅,戴住佢你點睇路?

Read more ›