fbpx

Tag: 月餅

《新著龍虎門》驚現豹頭徐錦江? 東方家族賣月餅!

《新著龍虎門》驚現豹頭徐錦江? 東方家族賣月餅!

首先呢,要讚一讚今期第1112期《新著龍虎門》封面,構圖雖大路但用色搶眼,王小虎個大頭固然畫得炯炯有神,連右上角個疑似月仙兒Or玉兒面相都畫得好精緻,係值得畀Like嘅。今期書名叫〈皇極臻神道〉,劇情交代到連王小鷹都學識埋了,而喺解構呢套「用兩三格旁白」就練得成嘅「絕世武功」嗰陣,出現咗一個明顯過場用嘅「滿清皇族」,唔知點解,我硬係覺得呢個皇族有啲似喺《九品芝麻官》裡面飾演豹頭嘅徐錦江,唔知大家覺唔覺?又,劇情講到龍天下俾龍貫天同東方真龍夾計過一戙,打生打死先知自己攻打緊嘅只不過係白蓮教「月餅生產線」,月餅盒面驚見東方真龍同東方無悔,呢幕幾搞笑,我笑咗。

Read more ›

賤人新世紀x黑暗中對話基金會 食流心月餅做善事

賤人新世紀x黑暗中對話基金會 食流心月餅做善事

Wow,使唔使咁快手?望吓出面條街,仲係熱到厭世,好難令人聯想到中秋節,更想像唔到月餅已經咁快開售。Anyway,賤人新世紀聯乘「黑暗中對話基金會」推出嘅迷你流心奶黃月餅禮盒已經開訂,盒面有大麻成版吳剛同奔走月球嘅阿婆,構圖幾Funny。留意番,收益會扣除成本全數撥捐基金會,即係話,你食月餅嗰陣正正係做緊善事呀。即日開訂,原價$280,首500盒早鳥優惠價$250。報告完畢。

Read more ›
門小雷x望月 出靚靚插畫宣傳月餅

門小雷x望月 出靚靚插畫宣傳月餅

門小雷同好多瓣聯乘,小塵埃喇、Clarins喇,家陣同「望月」合作,畫插畫幫手宣傳旗下月餅。佢喺面書留言曰:「成日都想試吓畫美食漫畫,今次同望月Wang Yue合作,終於有機會喇~佢哋嘅月餅太好味,所以都畫得好開心呀。」味道如何,未試過難下定論,但門小雷手畫呢,就有眼睇嘅都一定覺得正。

Read more ›
Pen So x Good Goods好好社企 繪畫月餅禮盒包裝封面

Pen So x Good Goods好好社企 繪畫月餅禮盒包裝封面

嘩,原來今日已經立秋喇,點解天氣仲熱成咁架?即係話,就快又中秋節喇,今年Pen So為「Good Goods好好社企」畫咗兩張畫,用嚟做三個月餅禮盒包裝封面。封面有名堂謂四色薈萃、皎月霓裳同雙皇映月,好Old school?係,確實係Old school,但中佬如我望到盒面,兒時玩燈籠、煲蠟、食月餅等美好回憶,統統返晒嚟。那些年,真好。

Read more ›
做善事買老夫子月餅 你買一盒即捐一盒畀有需要人士

做善事買老夫子月餅 你買一盒即捐一盒畀有需要人士

買月餅做善事,唔知大家有無興趣呢?依家買一盒老夫子特色紀念版月餅,有關方面就會送一盒畀有需要人士。另外,如果身份證號碼有「55」相連數字或1963年出生人士,都有機會免費獲得月餅一盒。都係嗰句,個盒咁靚,我好想要,唔知有無人送畀我呢?

Read more ›
老夫子月餅靚到唔捨得食 超精緻餅盒值得儲

老夫子月餅靚到唔捨得食 超精緻餅盒值得儲

家陣仲係鬼節時候,話咁快已經一街月餅廣告。年年食開同一款月餅嫌悶的話,今年不妨考慮吓老夫子特色紀念版月餅,分兩個版本,一,「五代同堂」,內有金萱茶紅棗杞子、蛋黃海藻白蓮蓉、迷你陳皮豆沙、迷你摩卡咖啡蓮蓉同迷你低糖朱古力杏仁五種口味;二,「天生一對」,內有摩卡咖啡同蛋黃海藻白蓮蓉兩種口味。月餅面有大大個老夫子大頭,靚到分分鐘唔捨得食,食完,個盒千其唔好丟,絕對係精品,擺喺飾櫃唔失禮。我好想要,唔知有無人送畀我呢?

Read more ›

Minions迷應節必備 必儲《迷你兵團》月餅──盒

Minions迷應節必備 必儲《迷你兵團》月餅──盒

我愛中秋節,因為可以食月餅;我愛《迷你兵團》月餅,因為純粹鍾意個月餅盒,相信好多儲物狂都同我一樣,對呢個Minions月餅盒極有興趣,反而唔多計較月餅實際好唔好味。咁順便都要講埋嘅,《迷你兵團》月餅一盒四個,每個都係半個蛋黃加白蓮蓉作餡,每個餅面都一樣有迷你兵團大頭樣。相機食先,影完相食埋落肚,食完儲埋個盒,百零二百蚊買個開心又叫做應過吓節,抵玩吖。

Read more ›
梁光明設計 四口味朱古力月餅

梁光明設計 四口味朱古力月餅

仲記唔記上次大渡推出嘅中華英雄朱古力?一年容易又中秋,為慶祝佳節,大渡又推出Bel-Zims朱古力月餅,月餅包裝設計由梁光明一手包辦,月餅面估計係嫦娥嘅公仔畫得好Cutie,有無興趣買番盒試試?

Read more ›