Tag: 會員

「收藏家港漫專區」收會員 零入會費送會員證+閃卡

「收藏家港漫專區」收會員 零入會費送會員證+閃卡

好吸引,好難唔加入「收藏家港漫專區」成為會員,零入會費,只須要買$200現金代用券,即送3D戰神蚩尤收藏家會員證一張、《山海逆戰》閃咭一套25張、優惠價$28換購《神殤3D海報》。不過我有一個兩難,一套三款現金券咁鬼死靚,邊捨得用先?BTW,1月8日開始招收2018年會員,聽講只收200人,要快手呀喂。

Read more ›

Kent Chu做到嘢 非Dark Club會員都攞到貼紙

Kent Chu做到嘢 非Dark Club會員都攞到貼紙

做到嘢呀!事關之前報導過嘅《山海逆戰》期數貼紙一事,依家證實就算非Dark Club會員一樣有份,只要手持《山海逆戰》第39期去「至Goal Club」或「收藏家港賣專區」,一經出示即可免費索取,印數有限呀,想攞就快。喺度,容我替讀者向Kent Chu講聲:「多謝!」拍掌唔該!

Read more ›

點解嘅?免費同畀錢任揀!《漫道》重新喺書報攤賣書!

免費同畀錢都可以擁有同一件Product,你會點揀?無Fake你,你揀吖,斷估正常人都會揀免費啩。年初《漫道》行免費贈閱會員制,一成功申請成為會員就可以免費睇漫畫。好嘞,發展到家陣5月,《漫道》居然宣佈話會由5月27日第11期開始,重新喺書報攤賣書,無錯,係「賣」!仲賣$30添。此話喺面書專頁一出,讀者個個O晒嘴,紛紛詢問所為何事,而官方回應係:「最後結論,《漫道》讀者有兩個選擇,1.做會員有免費《漫道》睇,2.每逢星期五準時到報攤購買,悉隨尊便,任君選擇。」仲話依家想登記做會員都得,照樣免費送書。

Read more ›

加入古惑仔俱樂部 做洪興新一代打不死門生

買咗今期《古惑仔》未呀?講咗個幾月嘅古惑仔俱樂部終於有定案,如果大家想定候親親牛佬的話,唔該快啲申請做會員喇。會員分「普通」同「尊貴」兩種,前者會費$180,後者$500,兩者福利相若,都係限時限候有聚餐、買精品有九折等等,不過尊貴會員有樣好玩嘢,就係一經申請成功,就可以自己開名創作一個角色,成為洪興新一代梁家仁、徐世飛、甘尚武、李志高或者伊文華門生,牛佬仲Promise喺會籍期內唔會整死角色,諗落都幾過癮。唔,我想跟獨眼伊文華呀……至於角色……就叫番尉遲一喇。

Read more ›

文化傳信特賣場 五折掃舊書

最新消息,文化傳信搞特賣場開倉,有乜港漫日漫精裝薄裝想買又唔記得買嘅,買咗唔見咗又想買番嘅,爭三兩期先儲齊一套嘅,可以去觀塘走番轉,保證滿載而歸嗰隻。

Read more ›