fbpx

Post Tagged with: "曹志豪"

曹志豪休筆 《香港關機》暫別《漫道Battle》
by / on 26/05/2015 at 9:30 am

曹志豪休筆 《香港關機》暫別《漫道Battle》

買呢兩期《漫道Battle》,發覺唔見咗曹志豪x喬靖夫嘅《香港關機》連載,以為抽稿或甩稿,呢啲情況綜合漫畫經常有。誰不知,我睇到曹志豪喺面書咁講:「為短期內不能再連載,正式向各位支持者致歉。」有網友追問因何「不能連載」,佢又咁覆:「沒事,只是暫停畫稿。」暫停?點解呀,大佬,我之所以肯花$22撐場,當中有$11都因為想睇《香港關機》,如果無咗,咁我仲捧唔捧場好呢?我估,好多人都同我一樣諗法……唉。

Read more ›

《漫道BATTLE》創刊 好過《漫道週刊》N倍
by / on 27/03/2015 at 11:00 am

《漫道BATTLE》創刊 好過《漫道週刊》N倍

老實,之前本《漫道週刊》,我撐唔夠十期已經頂唔住,編排太混亂,又讀者擂台故事又不定期連載,睇得我相當辛苦;家陣《漫道BATTLE》咁咪好囉,同樣係綜合漫畫,今次卻懂得去蕪存青,幾個大故事都由強手主理兼有番咁上下篇幅,少減啲無無謂謂嘅專欄,連錯別字都少咗,呢$22抵畀。

Read more ›
《漫道Battle》3月27日創刊 強手加盟
by / on 24/03/2015 at 4:00 pm

《漫道Battle》3月27日創刊 強手加盟

呢鋪真係唔知乜嘢葫蘆賣乜嘢藥,摺埋《漫道週刊》,咁喺嚟緊3月27日創刊嘅《漫道Battle》係乜?兩者都係紙媒實體書,兩者都係綜會漫畫雜誌?點解要摺埋一本又重新創作一本呢?點都好,從面書專頁得知,《漫道Battle》屬雙週刊,售$22,全書厚120頁,內有林祥焜《叮噹》、梁瑋豪《爆裂戰隊》、多利《漫道初心Battle》、貓十字《月花約》、肖宇新《追逐》上、喬靖夫x曹志豪《香港關機》等作品連載。睇Cast,一啲都唔削,睇封面,幾型仔,我就撐硬架喇,希望大家多多支持港漫喇。

Read more ›
城大開Talk 香港漫畫家的非人生活
by / on 26/12/2014 at 5:30 pm

城大開Talk 香港漫畫家的非人生活

城大將會喺周六日舉辦「城大秋祭2014 幻之祭」,大家有無興趣Look Look?除有超過廿個表演組合、《同人賞》比賽同送海報外,最吸引我哋呢班港漫迷嘅,一定係漫畫家講座《漫畫家就一定要過非人生活嗎!?》。

Read more ›
港漫人聚首 《漫道週刊》發佈會
by / on 15/12/2014 at 7:00 pm

港漫人聚首 《漫道週刊》發佈會

《漫道週刊》係有Heart嘅,睇得出係有心為重振港漫而努力,而事實上,呢本綜合漫畫雜誌可以生存,亦足證有一定讀者同銷量,我當然希望佢長出長有。嚟緊,佢哋會舉辦「《漫道週刊》發佈會暨動漫名家星級分享會2014」,交代未來雜誌發展方向,屆時有大把港漫人出席,想集郵攞簽名,仲唔快啲報名?

Read more ›
大渡聯乘食肆出《重慶姑爺雞煲》?
by / on 27/10/2014 at 10:30 pm

大渡聯乘食肆出《重慶姑爺雞煲》?

始勿論你Buy唔Buy大渡出品,但真係不得不服呢間漫畫公司敢於嘗試,屢創新猷,如果無睇錯呢個宣傳廣告的話,如無意外《重慶姑爺漫畫》係聯乘「重慶姑爺雞煲放題專門店」之作,咁都作到古仔出漫畫?係咪咁犀利呀?

Read more ›

大渡搞交流會 有相影有獎抽有嘢食有書睇
by / on 10/10/2014 at 10:00 am

大渡搞交流會 有相影有獎抽有嘢食有書睇

大渡搞一周年讀者交流會,真係Good到無可再Good,可以坐定定同司徒劍僑、袁家寶、曹志豪、鄺彬強、黃水斌同少傑六大主筆打番個老邊,食飽影靚相,影完相抽獎,抽完獎睇新書《欲望之翼》,諗吓都開心呀。

Read more ›
網圖分享:表態筆伐 港漫人的心聲(二)
by / on 09/10/2014 at 10:00 am

網圖分享:表態筆伐 港漫人的心聲(二)

Umbrella Revolution發展到依家,已經差唔多有兩個禮拜,留守MK、銅鑼灣同金鐘嘅學生市民熱情未冷,著實令人敬佩。而一向予人印象唔多理政治嘅傳統港漫人,亦越來越多肯挺身而出,作畫表態筆伐。都係嗰句,不解釋,自己睇畫喇──

Read more ›
《李小龍‧截拳》創刊  送《唐山大兄》海報
by / on 04/09/2014 at 10:00 am

《李小龍‧截拳》創刊 送《唐山大兄》海報

我知,《李小龍‧截拳》已經創刊咗幾日,但無計,我家樓下書報攤返書情況異常惡劣,遲人一兩日好似老奉咁,仲要返書少呢下衰喎,搞到我想買又買唔到,大渡真係要留意吓呢個情況。好彩,創刊號送番張靚靚海報哄番我。

Read more ›
曹志豪+鄺志德 指點漫畫創作技巧
by / on 07/08/2014 at 9:00 pm

曹志豪+鄺志德 指點漫畫創作技巧

熱愛漫畫嘅你,平時有無手痕畫番兩筆,創作番十頁八頁漫畫自娛?有?咁就Fine嘞,無錯出唔出到版係一回事,但如果話你知有漫畫家肯評一評你嘅作品,成件事又點睇?

Read more ›
大渡又出新書 《機甲猿神》+《李小龍之截拳》
by / on 28/07/2014 at 10:00 pm

大渡又出新書 《機甲猿神》+《李小龍之截拳》

口痕友話大渡舵手係傻仔,錢使唔晒,瘋狂出書無疑瘋狂掟錢落海,我絕對唔認同,出多啲書等讀者多啲選擇,對港漫嚟講絕對係一件好事,計我話應該多謝佢都嚟唔切。嚟緊,大渡將會推出《機甲猿神》同《李小龍之截拳》,睇你撐唔撐嘞。

Read more ›

四封面版本+海報  《集結號》創刊繼續玩影射
by / on 20/07/2014 at 10:30 am

四封面版本+海報 《集結號》創刊繼續玩影射

    擒日下晝三點,踎茶餐廳煲剛創刊嘅《集結號》,我睇得好留心,煲咗足足一粒鐘。點解咁留心?因為《集結號》一如肥良接手嘅《新著中華英雄》繼續玩影射,不過今次影射嘅係大渡八大主筆本身,淨係估邊個主角影射緊邊個主筆,已經好過癮。好唔好睇?我中肯答──OK好睇,唔討厭,表達嗰股誓死搞好港漫嘅熱血豪情,作為死忠港漫迷,係撐得過嘅。

Read more ›
八大主筆聯合編繪 大渡出一周年紀念特刊
by / on 30/06/2014 at 10:00 am

八大主筆聯合編繪 大渡出一周年紀念特刊

唔覺唔覺大渡原來已經成立咗一年,為此專登推出一周年絕念特刊《集結號》,7月4日創刊,創刊第一回叫〈鬼哭神號〉,賣點係集齊八大主筆聯手創作,Sell人強馬壯,有啲睇頭咁款喎。

Read more ›
袁家寶+曹志豪 飛巴西幫大渡賣廣告
by / on 21/06/2014 at 10:00 am

袁家寶+曹志豪 飛巴西幫大渡賣廣告

袁家寶因為趕稿,希望喺世界盃檔期推出《足動傳奇》,所以未能如願親身飛去巴西睇世界盃,或者因為咁,佢喺書裡面畫自己同曹志豪現身巴西,好解相思之苦。

Read more ›
《同伴》創刊,熱血、友情再加……公義?
by / on 28/05/2014 at 2:00 pm

《同伴》創刊,熱血、友情再加……公義?

唔講咁多,先投訴發行,曹志豪《同伴》前日已經創刊,因乜解究去到今日油塘先有書?搞到我遲兩日先出到呢條News,大渡真係要正視呢個問題。入正題,呢本新作我畀95分,因為除咗熱血同友情之外,如果無睇錯的話,我仲隱隱然睇到公義。

Read more ›