Tag: 曹志豪

記得買《戰鬼·裁定之章》曹志豪動漫節產品一覽

記得買《戰鬼·裁定之章》曹志豪動漫節產品一覽

都話架喇,唔使急最緊要快吖嘛,有志者,要趕一定趕得切嘅。講緊嘅係曹志豪舊年「港漫動力1」作品《戰鬼·審判之章》,喺今年動漫節趕得切推出下集《戰鬼·裁定之章》,上集我有買,下集無得唔買;而上年無買上集嘅,曹志豪亦預留咗一批畀大家補購。此外,佢會親臨現場,幫大家替舊作《死角》小說同漫畫簽名,當然,想補購亦可。都係嗰句,列個表畀大家睇……

Read more ›

曹志豪動漫節擺攤 精品製作中

曹志豪動漫節擺攤 精品製作中

最新消息,曹志豪喺7月動漫節係會擺Booth嘅,佢喺面書透露話家陣試緊唔同精品,而暫時所見,無睇錯的話,有疑似《戰鬼》同《死角》杯墊Or襟章?Anyway,拭目以待喇喂。

Read more ›
曹志豪《戰鬼》下集封面釋出

曹志豪《戰鬼》下集封面釋出

之前講過曹志豪拍心口話《戰鬼》唔會爛尾,到依家呢句說話依然生效,不過進度就疑似緩慢咗些少,暫時只得下集封面睇住先。佢喺面書咁話:「其實我都唔知趕唔趕得切,唔宣傳吓,出咗都無人知,講咗出唔到,又會畀人小,好矛盾。」唔使矛盾,亦唔使心急,不過最緊要快,我等你呀。

Read more ›
放心無爛尾 曹志豪《戰鬼》下集趕稿中

放心無爛尾 曹志豪《戰鬼》下集趕稿中

嗱,睇公仔書最怕爛尾,是咪咁講先?上年動漫節,曹志豪出咗本《戰鬼》,一年後嘅今日佢宣布——無爛尾,下集完結篇正進行中,仲話:「為動漫展作準備,試緊做特別卡。」Work in progress,非常Good吖,有頭有尾先係路嘛。曹志豪,加油。

Read more ›
曹志豪《死角》簽書會送Poster

曹志豪《死角》簽書會送Poster

上個月,曹志豪事先張揚話「我會開一個好hea嘅小小傾偈簽書會,歡迎任何人嚟探我。」Now,有確實消息喇,只要出席呢個好Hea嘅簽名會,現場買或帶埋《死角》漫畫搵曹志豪簽書,即送Poster一張。報告完畢,大家識做喇。

Read more ›
栢迪+袁家寶+曹志豪+司徒劍僑開酒吧Heal Club 無敵夜景BBQ任食

栢迪+袁家寶+曹志豪+司徒劍僑開酒吧Heal Club 無敵夜景BBQ任食

好得很,From now,港漫迷又多一個朝聖地方「Heal Club」。呢間酒吧嘅老闆係你我都好熟識嘅港漫主筆栢迪、袁家寶、曹志豪、司徒劍僑及本身係「兩合特色餐廳」主理人嘅Eric Ng。陳科琳、梁光明同鄺彬強都留過腳毛,有噱頭嘞啩。食乜先?主打4小時BBQ放題,位置喺銅鑼灣商廈,齋望相,淨係個擁有無敵夜景嘅超大露天位已經超好Feel,一啖肉一啖酒,同三五知己吹吓漫畫經著實唔錯。望埋價錢,15位以上每位$400,15位以下每位$450,唔敢話超平,但絕對合理。Well,我都會認真吹個大雞上去捧場,唔知到時會唔會咁好彩撞到咁多位主筆呢?諗吓都開心。

Read more ›

曹志豪 x 1111ONES製作Menu

曹志豪 x 1111ONES製作Menu

曹志豪都好多瓣數吓,剛剛先推出完《戰鬼》,轉過頭又話同中環高級餐廳1111ONES合作,幫手畫咗本Menu。認真,睇相,驟眼望呢唔多似Menu,似精美印刷Postcard多啲。我有鋪儲Postcard癮,所以我好想擁有。順便講埋,我有買《戰鬼》,真心幾好睇,描寫到主角夠賤格夠人渣,期待第二期快快出版。

Read more ›
曹志豪開Post問讀者《惡魂》出版形式

曹志豪開Post問讀者《惡魂》出版形式

噢,走漏眼,原來有這麼的一回事,唔該大家幫幫曹志豪手。佢開Post問讀者嚟緊新作《惡魂》應該用乜出版方式,仲畀咗兩個選擇大家揀,一,薄裝四期;二,大概美漫尺寸,100頁厚裝分上下兩集。畀我呢,會揀二,上下集唔使等四期書咁耐,感覺一氣呵成啲吖嘛,咁大家記得幫手問問身邊朋友兼留言咯喎。

Read more ›
曹志豪坐鎮動漫節 送《惡‧魂》卡

曹志豪坐鎮動漫節 送《惡‧魂》卡

我仲未抽空入動漫節,大家掃咗幾多貨呀?曹志豪《惡‧魂》趕唔切動漫節檔期見街,但佢都好識做,印製咗批《惡‧魂》卡送畀讀者。免費架,大家記得去B18檔位攞番張,而曹志豪本尊每日3:00pm至5:00pm會坐鎮檔位,大家可以搵佢影番張相吹吓水。

Read more ›
曹志豪x柏原太賀《惡‧魂》 動漫節有詳盡介紹

曹志豪x柏原太賀《惡‧魂》 動漫節有詳盡介紹

心情興奮中,事關聽日就係動漫節了。早兩日報導過曹志豪將會推出漫畫《惡‧魂》,最新消息話編劇係柏原太賀,動漫節會場B18攤位會有詳盡介紹,大家記得埋去望望乜料喇,而曹志豪亦喺面書出咗兩張宣傳圖畀大家止吓咳,不過就有留言話:「Coming Soon-Winter 2021」,噢,Winter!即係仲有排等。 資料來源:https://www.facebook.com/jerrychochiho

Read more ›
曹志豪新漫畫《惡‧魂》不日推出

曹志豪新漫畫《惡‧魂》不日推出

雖然暫時真係乜資料都無的,但曹志豪開Post話會推出新作品《惡‧魂》,我覺得點都要開心Share的。最重要係,佢講到明:「今次是漫畫了。」係漫畫呀,聽清楚,係漫畫呀,請大家畀熱烈掌聲,加油。

Read more ›

漫畫星光大道50呎長壁畫 港漫人塗鴉

漫畫星光大道50呎長壁畫 港漫人塗鴉

老尖九龍公園香港漫畫星光大道進行翻新工程,嚟緊將會展出一幅50呎長大壁畫,從面書所見,唔少港漫人都有份參與,暫時所見一鋒、麥天傑、鄺世傑、葉明發、馬遜、林祥焜、曹志豪同Pen So已經幫手塗鴉。朝聖是常識,卡就點都要打的了,唔知最後成品如何呢?又唔知仲有邊位漫畫家會獻畫呢?

Read more ›
曹志豪個展《生活x藝術》 《死角》原畫慢慢睇

曹志豪個展《生活x藝術》 《死角》原畫慢慢睇

有畫展睇!曹志豪首次開個展《生活x藝術》,展出多幅《死角》原畫,隔住個Mon聞畫都Feel到畫面幾有張力、線條有幾實淨。曹志豪今次自我定位為「跨媒體創作人」,初心係「喜愛的事物多元化,亦造就了風格多樣化的創作」,展期去到3月5日,暫時所見應該有Postcard賣,2月27日仲有簽書會,各大中小港漫Fans,記得捧場。

Read more ›
網圖分享:曹志豪的籃球畫系列

網圖分享:曹志豪的籃球畫系列

原來曹志豪少時入過籃球校隊但未出過場,估唔到!原來曹志豪加入校隊係為咗逃避補習,合理!原來曹志豪曾經畫過籃球漫畫但無正式出版,可惜!原來曹志豪曾經為畫好籃球漫畫而打咗幾場籃球,認真!原來曹志豪都會覺得籃球難畫並努力畫多啲,應份!咁多原來,又咁多幅畫作,我們就好好欣賞吧,就當NBA正式開鑼前來個小熱身。

Read more ›
誠徵一頁完恐怖漫畫 謝森龍異+曹志豪稿已交

誠徵一頁完恐怖漫畫 謝森龍異+曹志豪稿已交

Very fine呀喂,未停過呀喂,越來越多畫手參加《亞洲漫畫家一頁創作挑戰》,謝森龍異、曹志豪等都有交稿呀。多啲嚟密啲手,交多啲,再交多啲,咁之後嘅《亞洲漫畫家一頁創作挑戰》作品集先會大本啲。

Read more ›