Post Tagged with: "書枱"

【冬天一個人上網】書枱專用發熱電毯   大腿以下暖笠笠
by / on 05/12/2015 at 1:37 pm

【冬天一個人上網】書枱專用發熱電毯 大腿以下暖笠笠

冬天一個人坐喺書枱上網真係又空虛又寂寞又凍,日本人就夠體恤網民嘞,最近出咗呢位產品,好似一張氈,不過掛喺書枱底,入面有電熱板,插咗掣之後將對腳放入去,噢,冬天應該暖笠笠好寫意,上網必備。可惜張氈唔夠長,如果冚埋腳板就更爽嘞。日本amazon有得買,開價6453円,港幣500蚊唔駛。BTW,如果喺淘寶見到記住唔好買,你知啦,上上吓網著火或者漏電,呢個位應該好傷。

Read more ›

復仇者融入家中       12件居家粉絲必備擺設
by / on 31/05/2015 at 12:37 pm

復仇者融入家中 12件居家粉絲必備擺設

《復仇者聯盟2》仲未出碟,想珍藏都要再等多排。咁作為死忠Fans,屋企點都要有返啲復仇者嘢招呼吓朋友嘅,外國網就搜羅咗12件家居擺設,大至超正嘅重型書枱、細至黑膠碟時鐘,仲有砧板、LEGO、衣櫃、燈掣,梗有一款中你死穴,最好梗係最尾嗰張圖咁,全屋都係復仇者主題做裝修,我都想做Iron Man添,那有錢?話時話,點解無美國隊長盾牌背囊架?

Read more ›
IKEA可升可降書枱   鍵盤戰士唔怕傷身
by / on 24/10/2014 at 7:07 am

IKEA可升可降書枱 鍵盤戰士唔怕傷身

之前都有類似嘅產品出過,不過今次係IKEA出品,價錢相信即刻易入口好多。呢張Bekant書枱撳個掣就可以升高降低,根據返個人需要設定書枱高度,唔會再咁容易傷到條腰或者膊頭,啱晒成日坐喺書枱前做嘢嘅人,例如Gameover編輯,如果公司有張就好咯。

Read more ›
新片速報    書枱上的曳貓    阻人收工實錄
by / on 20/10/2014 at 7:09 am

新片速報 書枱上的曳貓 阻人收工實錄

有養貓嘅都會發現佢哋最鐘意喺人哋工作時搞搞震,爬上keyboard、用手推跌你隻mouse、成隻貓擋住個芒,甚至瞓喺你隻手上面,目的就係阻止你工作,要你專心一意陪佢。呢條片就將貓大哥嘅惡行公諸於世,呢位主人仲要有兩隻貓,一隻阿Cole一隻Marmalade,兩隻合作無間輪住玩,人類點夠喵星人鬥?唯有放底工作囉。我都想養兩隻貓放喺公司,等我有藉口遲交稿。

Read more ›
書枱連手機喇叭   唔用電玩low-tech
by / on 14/10/2014 at 7:15 am

書枱連手機喇叭 唔用電玩low-tech

好low-tech,仲有啲搞笑。呢張枱好哋哋中間有個大窿,原來係一個喇叭,唔駛用電,純粹將部手機放喺枱面,就可以透過中間嘅管道做到揚聲嘅效果,好古惑。設計師係韓國人,叫Jina U,我懷疑佢有睇《國產凌凌漆》。

Read more ›
有片    紙皮箱變書枱  印度兒童救星
by / on 24/05/2014 at 7:23 am

有片 紙皮箱變書枱 印度兒童救星

唔係最新,不過啱啱先見倒覺得幾感人,想同大家些牙吓。話說印度小朋友嘅學習環境好惡劣,好多學校連書枱都無張,上堂就係席地而坐喺地下寫字。長此落去會出現好多健康問題,例如近視、肩頸痛等等。非牟利組織Aarambh就發明咗一張平靚正嘅書枱比呢班小朋友用,材料係簡單嘅硬咭紙,最勁係可以摺合,返學放學將佢摺兩摺就變成公事包咁款,真正既環保又快捷,睇相見倒佢哋拎住返學好得戚,真係好想讚吓嗰位偉大發明家。

Read more ›

掃走一枱垃圾   品味書枱木架FF專用
by / on 28/04/2014 at 7:03 am

掃走一枱垃圾 品味書枱木架FF專用

書枱長期好亂,一部24吋芒,旁邊又要擺keyboard又要放mouse,仲有電話叉機、薯片、眼鏡,張枱好亂是常識吧!不過見倒呢個簡約嘅木架,上面可以放芒,下面就可以收埋個keyboard同隻mouse,我又覺得呢種整齊簡約風格同我知性嘅外型好合襯,我開始FF自己書枱變成呢種格調嘅效果係幾咁和諧‥‥‥回歸現實,呢個木架叫Lifta,呎吋24″x9.5″x2″,有3種木質可以揀,開價美金$125,講品味果然要付出沉重代價。

Read more ›
貓貓專用書枱   工作時玩樂
by / on 24/04/2014 at 7:07 am

貓貓專用書枱 工作時玩樂

有養貓嘅都知,貓貓最鐘意喺你張飯枱或者書枱捐嚟捐去,除咗搵嘢食外,騷擾你或者搞事先係主要原因。呢張CATable貓專用書枱由香港公司LYCS Architecture設計,呎吋78cm X 70cm X 150cm,中間有通窿走廊比隻貓貓左捐右捐,四通八達,貓貓應該會玩得超開心。

Read more ›
騎呢直角書枱   連人帶機齊上網
by / on 12/02/2014 at 7:08 am

騎呢直角書枱 連人帶機齊上網

自從有咗智能手機同埋平板電腦,書枱變得越嚟越唔重要,因為上網嘅位置已經變為梳化或者睡床,最近就有設計系畢業生Minna Magnusson整咗張好特別嘅書櫃,無枱面只有一個接近直角嘅坐位,比你連人帶機坐上去,下面仲可以放雜物,不過睇落唔多舒服,純粹綽頭嘢。

Read more ›
變形金剛書枱喼     自行組裝隨時打字
by / on 10/06/2013 at 2:16 pm

變形金剛書枱喼 自行組裝隨時打字

雖然我每一日都拎住部手機撳撳撳,不過要打稿,我都係會選擇乖乖哋坐喺書枱度打。咁如果出差呢?呢個由外國設計師Tyrone Stoddart構思,十足變形金剛嘅嘅行李書枱可能啱用。將木箱打開後組裝,就可以砌成一張書枱加一張櫈,枱同坐椅嘅高度仲可以調校,啱晒時刻要擺好陣勢做鍵盤戰士嘅現代人。

Read more ›