fbpx

Tag: 書展

有著數 廖光祖《She》送四張Postcard

有著數 廖光祖《She》送四張Postcard

等多十零日喇,唔使等到7月書展,廖光祖畫集《She》鐵定喺5月出版,雖然價錢未知,但肯定嘅係幫襯有嘢送。佢喺面書留言曰:「分類小廣告,《She》畫集下月出版在即。為報答支持朋友讀者們,凡購買畫集者將會送上四張特製Postcard,數量有限,送完即止。多謝各位支持。」佢仲登埋相畀大家先睹為快添,我就買硬架喇,唔知你又點睇?

Read more ›

有片:李健良《古生命II》 侏羅紀恐龍當道

有片:李健良《古生命II》 侏羅紀恐龍當道

李健良都算港漫界異類,鍾意畫古早恐龍,仲要唔係Q版嗰隻,有晒資料搜集,其著作《古生命I》同《古生命II》唔單只可以當畫集咁欣賞,直頭可以當教科書咁睇。如果大家未買《古生命II》的話,不妨睇睇呢條短片,輯錄咗部份畫作,甚麼雙冠龍、迷惑龍、喙嘴翼龍、肯龍、梁龍、蛇頸龍等等侏羅紀巨獸統統有齊,加埋配樂都睇得幾過癮。睇完,分分鐘會撩起你鋪買書癮,而《古生命III》,將會喺嚟緊2016書展推出。

Read more ›
2016書展 梁瑋豪出《爆裂戰隊》單行本

2016書展 梁瑋豪出《爆裂戰隊》單行本

想當年……吖,其實都好似唔係好耐以前嘅事,〈爆裂戰隊〉係《漫道週刊》最好睇連載漫畫之一,至於結局呢……係呢,究竟有無結局嘅呢?定有結局,但我好不幸地Miss咗呢?如果你都有我呢個疑惑而又係梁瑋豪Fans的話,咁我講個好消息畀你聽,《爆裂戰隊》會喺2016年書展發行單行本。買幾多錢呀、有無嘢送呀、有幾多個版本呀、幾多期完呀之類問題,暫時詳細未有資料,留意本網站報導喇。

Read more ›
買《古惑仔》Tee 送海報二選一

買《古惑仔》Tee 送海報二選一

廢話唔多講,只要你同我一樣都係牛佬死忠Fans,咁就點都要去書展支持佢嫩人家。《古惑仔》3D型南Tee同3D浩南長袖Tee唔係新推出,之前本網站都介紹過,各售$220(Hall 1B-C37攤位),但見你山長水遠去會場,牛佬都好識做畀番啲甜頭,家陣買Tee送海報,size 20吋x28吋,大梵同陳浩南海報二選一,非賣品嚟架,梗係要攞埋牛佬親筆簽名喇。

Read more ›
創造館 x T-Dult 《今晚打喪屍》Tee

創造館 x T-Dult 《今晚打喪屍》Tee

怕逼人,好多人都會留番今日書展最後一日先撐場,如無意外我都係。如果你有留意開余兒面書,都應該知道佢本小說《今晚打喪屍》已經全部售罄,至於由創造館聯乘T-Dult嘅《今晚打喪屍》短袖Tee,就斷估仲有貨賣,黑色底,粉紅色Z字框裡面喪屍女,望落都幾型仔架,入場買Tee(攤位1A-B08),即送faminik畫板一張,每件$280唔貴,值得入手。

Read more ›
Q爆《夢想職業家》 何志文推出童書?

Q爆《夢想職業家》 何志文推出童書?

何志文成名作係《絕代雙驕》同《絕世無雙》,屬只適合大人睇嘅古裝武俠技擊港漫,所以好難想像佢會推出童書《夢想職業家》。望封面,九彩咁多隻色,頭大身細眼大大,Q版畫風仲完全甩晒傳統港漫味道,擺明賣萌。老實,除非有小朋友,否則幾十歲人仲要男人老狗,實在好難提得起勁睇童書,But,If,你係志文Fans,呢$48無得慳,賣番本捧場又何妨?今日書展最後一日,掃埋佢番屋企喇。

Read more ›

支持本地創作 撐白水出Tote bag

支持本地創作 撐白水出Tote bag

唔只第一次利申,我係非常支持白水嘅,今年書展白水無出書,無《溫水劇場》睇唔緊要,我哋可以幫趁佢買個Tote Bag帆布袋(攤位編號1B-D37)。帆布袋圖案依舊係可愛青蛙仔,瞇實眼睛,游緊水,就快因為一張紙幣而上釣,明示暗喻隱喻曲線直線斜線循環線影射啲乜,大家自行判斷。原價每個$98,書展價$78,支持本地創作,請課金。

Read more ›
搵主筆影相 漫道Battle漫畫家簽名會

搵主筆影相 漫道Battle漫畫家簽名會

一年一度又書展,《漫道Battle》今年都有份參與,仲搞咗個漫畫家簽名會造勢添,好事吖,多啲同讀者互動,港漫先可以繼續生存落去吖嘛。記住日期時間,7月19日1:00pm至2:30pm,畫〈香港關機〉嘅曹志豪、畫〈叮噹〉嘅林祥焜、畫〈不是人間〉嘅謝森龍異同畫〈Robox Sketchbook〉嘅葉偉青會留守現場同讀者簽名,如果閣下係佢哋Fans,攞完簽名之後記得影番張靚相喇。

Read more ›
《古生命II》書展優先發售

《古生命II》書展優先發售

李健良《古生命I》大獲好評,《古生命II》乘勢喺今年7月15至21日書展優先推出(攤位No.1B-B36大魚美術制作),每本$148,同場仲原稿畫集、水彩書籤、水晶畫板同精美文件夾發售,咁當然如果想睇番轉頭的話,《古生命I》都一樣有得賣喇。而唔理你幫襯I定II,都即送非賣品新印畫一張,報告完畢。

Read more ›
司徒僑劍x小魚兒 書展出《招財貓》

司徒僑劍x小魚兒 書展出《招財貓》

今個七月,大渡都好多搞作吓,繼事先張揚會推出《Cult爆英雄》同《快樂足球》合訂後,另一本漫畫《招財貓》亦打正旗號喺書展推出。此書由司徒劍僑擔大旗,睇畫風走可愛路線,編劇叫小魚兒,曾經參與過《喜羊羊與灰太狼》。睇書名,《招財貓》屬喵星人故事,大渡面書專頁咁樣簡介內容:「講述一條純樸的農村、一個快樂老實人、一棵純真的童心,遇上接踵而來的奇貓奇事奇遇奇願……」貓奴一族應該幾啱睇。話時話,望過宣傳相,阿編劇小魚兒都幾靚女喎。

Read more ›
《無格豪情》探討AV文化 越要禁越要睇

《無格豪情》探討AV文化 越要禁越要睇

無嘢嘛?書展收皮先介紹新書?你估我想架,鬼叫《無格豪情》俾班自命衛道之士實為道德X嘅多口精嘈咩,搞到被禁書展收場。o靚模寫真集突點露罅走光晒事業線擺明色情掛帥又唔禁,《無格豪情》全書搵一點半點睇吓都無反而被禁?呢個乜嘢世界呀?

Read more ›

謝曬皮新書《一舊舊舊》 出賣老竇

謝曬皮新書《一舊舊舊》 出賣老竇

見到呢個廣告,我又笑到合唔埋嘴嘞,何解謝曬皮畫到個老竇賊咁款嘅?中間分界心理變態,滿面鬚根周身無蚊,咧嘴而笑非常猥瑣,眼睛又因解究要疑似打格呢?謎底,盡在新書《一舊舊舊》之中。

Read more ›
《爵爵厚多士》博你一笑

《爵爵厚多士》博你一笑

或者,爵爵會衷心多謝班香港政棍、牛鬼蛇神、幫港愛國族、蝗蟲,如果無咗呢班妖孽,佢邊有咁多題材靈感畫漫畫?邊有可能推出新書《爵爵厚多士》?

Read more ›
Cuson書展出新書 《港女老婆外傳 咳神佬:我要做主角!》

Cuson書展出新書 《港女老婆外傳 咳神佬:我要做主角!》

書展咁靚檔期,Cuson梗要出書賺番筆,今次佢威威呀,點威法?睇書名估到一二,《港女老婆外傳 咳神佬:我要做主角!》喎,飛起老婆CaCa咁話喎。

Read more ›
牛佬小說《陳浩南傳奇》 書展開賣

牛佬小說《陳浩南傳奇》 書展開賣

都係食老本之作喇,用第二個媒體希望港漫迷乖乖畀錢,今次牛佬唔出漫畫,改出首部個人小說《陳浩南傳奇》卷一之「友情歲月」,我呢個天字第一號牛佬Fans就撐硬架嘞。

Read more ›