fbpx

Tag: 書展

輯錄《飛女正傳》 牛佬書展出《洪門女將》

輯錄《飛女正傳》 牛佬書展出《洪門女將》

剛剛喺《古惑仔》完結嘅連載小說《飛女正傳》,我追足每一期,感覺都唔錯,起碼有追看性,四個飛女結局有死有著草,我睇嗰陣都幾投入,算幾牽動到情緒。牛佬決定斬多二兩,將之重新輯錄成書,易名《洪門女將》喺2018書展出售,每本$88,大家記得捧場。話時話,個封面幾靚,唔知出自邊個手筆?

Read more ›

書展幫襯創造館攤位$200 送《我們,在創造。》特刊

書展幫襯創造館攤位$200 送《我們,在創造。》特刊

之前咪講過只要讚余兒靚仔,就可以得到創造館特刊嘅,講笑咋。認真Mode,成件事係咁:喺2018書展創造館攤位幫襯滿$200,即可免費索取呢本為慶祝創造館五5周年印製嘅《我們,在創造。》。內容方面,余兒話:「結集了40多位跟我們合作的作者、插畫師與設計師的創作話,非常值得珍藏。」講明先,此屬限量品,手快有手慢無。咁當然,攞書嗰陣都順便讚吓余兒靚仔喇,我諗佢會好開心,成晚訓唔著的。

Read more ›
又係要買 李健良書展推出A3油畫

又係要買 李健良書展推出A3油畫

無認真Count過,不過感覺今年李健良喺書展推出嘅精品比上年多。最新A3油畫,無睇錯宣傳海報的話,一套總共有13款,每張$120。驚你唔知點收藏好,有埋Folder提供,每個$100,書展有售。

Read more ›
李健良書展 出白海豚書籤+古生命Tee

李健良書展 出白海豚書籤+古生命Tee

今年書展,李健良精品多蘿蘿,總有一款啱你心水,九件古生命Tee,隨Tee送恐龍卡一張,再數……仲有2018白海豚書籤,一套10張原價$68,書展價$60,又係必入之選,嚟緊仲有張復製原畫添。買乜好?梗係全部買晒就最好,呢句我代良哥講嘅。

Read more ›
利志達結集漫畫 書展推出《Solar Eclipse日食》

利志達結集漫畫 書展推出《Solar Eclipse日食》

利志達Fans留意,佢剛剛喺面書留言曰:「想了好幾年,實行卻總是在瞬間。《明周》漫畫終於決定結集,命名為《Solar Eclipse日食》,鐵定於今年書展推出。」為此,我估唔少人嘅書展購買清單,又會多一個Item。

Read more ›
書展2018李健良精品 購物袋+襟章+郵票

書展2018李健良精品 購物袋+襟章+郵票

今年李健良推出嘅精品好多元化,除咗重頭《中華白海豚‧香港海洋生態》外,仲有環保購物袋、襟章等等,不過講到最估佢唔到者,係出郵票!由香港郵政局印製,可以用嚟本地郵寄,不過咁有收藏價值,買咗都唔捨得用喇,係咪咁講先。

Read more ›

余兒《今晚打喪屍》桌遊書展首發

余兒《今晚打喪屍》桌遊書展首發

余兒小說《今晚打喪屍》改編成桌上遊戲,原價$199,書展價$160。佢喺面書咁樣講:「《打喪屍》故事由富山邨打到去油麻地,途經九龍塘同旺角,地標多,每個人物都有獨特武器,真係好fit做桌遊。」老實,我未玩過桌遊,本身投入唔到呢種坐定定遊戲,但遊戲盒面由Felix Ip操刀,著實係型,所以我個心十五十六緊買唔買好……

Read more ›
馬菲《異人2》鐵定書展見街

馬菲《異人2》鐵定書展見街

一日唔出廣告,都仲係唔Sure。家陣Good嘞,創造館出咗正式廣告,馬菲喪屍小說《異人2》鐵定喺畫展見街,每本$88,書展首發賣$70。買咗第一期等到頸都長嘅你,當然Including me,記得入手。

Read more ›
黃水斌書展出《Fruit Punch 4.0》 封面畫哥哥跳鴛鴦舞

黃水斌書展出《Fruit Punch 4.0》 封面畫哥哥跳鴛鴦舞

除咗《英雄本色電影鋼筆手繪漫畫》第二期要早早落訂外,黃水斌另一本傑作都係亮點,登登登登~~《Fruit Punch 4.0》將會喺書展見街。留意番個封面,係咪好熟口面?無睇錯嘅話,應該係張國榮雌雄同體跳鴛鴦舞一幕,驚艷、前衛、型格……淨係呢個封面已經不得不買。2018書展,黃水斌都會擺Booth,佢透露到時會有Tee同小量精品出售,大家記得捧場。

Read more ›
有啲唏噓 Cuson書展出《4張幾單身日記》

有啲唏噓 Cuson書展出《4張幾單身日記》

今年書展,Cuson將會推出《4張幾單身日記》。噓……唏噓個噓,單睇書名都感覺到淡淡哀愁,真係多麼的唔想見到呢本書出現。Anyway,撐開Cuson嘅,唔理單身定拍緊拖,記得要買,亦希望怪叔叔此書大賣,生活愉快。

Read more ›
2018書展 李健良推出《香港中華白海豚海洋生態》

2018書展 李健良推出《香港中華白海豚海洋生態》

時間過得好快,上年書展排隊搵李健良畫親筆恐龍嘅畫面,依家仲歷歷在目,今年書展都唔少得呢位彩稿大師。今年佢有新書《香港中華白海豚海洋生態》推出,仲搵咗朋友整咗條超短動畫宣傳,唔使講嘢,良哥,撐硬你呀。

Read more ›

王澤書展搞簽名會 有售30冊《老夫子大全集》

王澤書展搞簽名會 有售30冊《老夫子大全集》

2018書展,《老夫子》作者王澤會親臨灣仔會議展覽中心搞簽名會,屆時攤位會出售成套30冊嘅《老夫子大全集》,想搵王澤簽名影相,記得Mark低7月21日,嗰日咪約人喇。

Read more ›
《英雄本色電影鋼筆手繪漫畫》第二期書展開訂 送Postcard+海報

《英雄本色電影鋼筆手繪漫畫》第二期書展開訂 送Postcard+海報

壞消息,因慢工先出到細貨關係,今年黃水斌係出唔切《英雄本色電影鋼筆手繪漫畫》第二期嘅;好消息,可以喺書展攤位「SHUIPANWORKSHOP」優先預訂,咁當然有嘢送喇,一落訂即送一張海報同兩張Postcard。講明先,此乃紀念品,係送完即止嘅,即係話,落訂都要快手呀。

Read more ›
余兒《龍頭》包裝盒面曝光 7月18日書展見街

余兒《龍頭》包裝盒面曝光 7月18日書展見街

由年頭講到年尾,余兒本《龍頭》鐵定7月18日書展見街,佢喺面書登咗張相,不過相片並唔係書封面,而係「不計成本的包裝硬盒」,而封面係點呢,佢話要保持神秘感,希望讀者買書嗰陣,可以真正摸上手先感受嗰份震撼感喎。唔使講嘢,我就撐硬,唔知大家點睇。

Read more ›
鄺志德再報料 2018書展玉皇朝出《玉郎傳》

鄺志德再報料 2018書展玉皇朝出《玉郎傳》

書展將至,玉皇朝開始出招喇,鄺志德繼續喺面書報料,話今年玉皇朝打算推出《玉郎傳》,雖然封面未有得睇,但洋洋灑灑三幾百字有埋內容簡介。由60年代初涉畫壇開始,一路講到2018年動畫《神兵小將2》載譽重臨、玉郎巨星文化創意園正式動工等等,但好可惜,「有關多姿多彩的感情生活,原來是一個美麗的誤會。」噢!我最想睇嗰Part無影添。Anyway,黃玉郎一生咁多姿多彩,呢本文字書寫得越長越好,我期待嘅係一本厚厚磚頭書,無乜插圖都無所謂,最緊要多料爆。

Read more ›