fbpx

Tag: 書展

撐文字書! 撐盧子英書展推出《動漫摘星錄》!

撐文字書! 撐盧子英書展推出《動漫摘星錄》!

今年書展有N咁多漫畫、繪本同畫集出版,而鍾意睇文字書嘅朋友,應該會對資深動漫人盧子英新書《動漫摘星錄》有興趣。呢本書主要講盧子英同手塚治蟲、宮崎駿、藤子不二雄、永安巧、永井豪、中國動漫之父萬籟鳴、《Toy Story》導演John Lasseter等大師如何相知相交,繼而成為朋友,仲收錄咗好多歷年動漫產品,滿足吓大家睇咗當買咗嘅心態。佢喺面書咁介紹:「這是一本由一個超級動漫迷獻給全世界動漫迷的圖文紀錄!」算唔算口述歷史?點都好,我有啲心郁郁想入手。

Read more ›

李健良書展產品一覽 最Like《龍虎匯》雙海報

李健良書展產品一覽 最Like《龍虎匯》雙海報

真心佩服李健良之多產,今年書展佢有好多新品推出,包括新畫集《稻》同《小丑魚日記》、油畫、明信片、紀念畫板、立體畫、動畫卡等等。於我,除兩本新書外,曾經喺機場月台幕門展出過嘅《龍虎匯》雙海報、古生命立體畫燈箱膠片都應該必入。前者大Size實在有氣勢,攤平欣賞肯定嘩嘩聲;後者係新品,一心想睇吓係乜料。點都好,廢話都係呢句──良哥出品,必屬佳品,瓣瓣精品都好值得入手,我話嘅。

Read more ›
草日書展出《十分【】的貓》 福袋形式售賣包眼鏡布

草日書展出《十分【】的貓》 福袋形式售賣包眼鏡布

書名係幾有心思嘅,草日新書叫《十分【】的貓》,「【】」係乜,相信各貓奴可以因應自己主子性格填入。而更有心思嘅係,今次新書會以福袋形式售賣,書展會場價$138,包紀念布袋、《十分【】的貓》同三款限定眼鏡布其中一款。咁當然,有得揀,一定揀「黃手套大叔的愛」眼鏡布,畢竟好多讀者都同我一樣,諗番起之前嘅「黃手套之亂」,依家都笑得出。

Read more ›
Felix Ip書展新書 《怪Mech》=暗黑重機系列

Felix Ip書展新書 《怪Mech》=暗黑重機系列

猶記得今年2月尾,有面書專頁「六道」搞咗個「怪MECH」專欄,透過Felix Ip嘅插畫同蠍子王嘅文字講神秘學,仲剪輯咗第一條影片,都OK好睇架,不過跟住好似無後續咁,甚可惜。Anyway,今年書展Felix Ip推出嘅第三本作品就係《怪Mech》,佢咁樣介紹本書:「《怪Mech》──也可以理解為『暗黑重機』系列,專欄結集畫集,將各恐怖角怪角色來一次機甲化,加上蠍子王的文字。」嗯,暗黑重機,唔知大家又有無興趣入手呢?

Read more ›
超高質!張立人書展出《Sleepers沉睡者場景設定畫集》!

超高質!張立人書展出《Sleepers沉睡者場景設定畫集》!

嘩,使唔使咁靚呀?書展期間,除咗《奇幻集》,張立人仲有一本《Sleepers沉睡者場景設定畫集》,主題好清晰──「這畫集是圍繞香港和澳門的景物,當受到天災人禍的時候,它會怎麼樣,給大家有種聯想及近期的心情。」咁高質,好難唔買。題外話,唔知畫集裡面有無門常開呀、立法會大樓呀、警察總部等場景?真的給予了我很多聯想。

Read more ›
黃水斌《英雄本色鋼筆手繪漫畫3.0》書展開訂 Tee+Tote Bag要搶

黃水斌《英雄本色鋼筆手繪漫畫3.0》書展開訂 Tee+Tote Bag要搶

黃水斌今年書展好積極呀喂,除咗有等到我頸長嘅《英雄本色鋼筆手繪漫畫3.0》開訂外,仲連帶推出埋相關精品,包括Tee賣$350同Tote Bag賣$200,圖案係經典Mark哥用美金點煙一幕,齋睇相都覺得正,限量各50,要搶架。

Read more ›

漫道書展推出新港漫 張立人《奇幻集》全彩稿製作

漫道書展推出新港漫 張立人《奇幻集》全彩稿製作

早兩日報導過書展會有本新港漫推出,由張立人繪畫,初頭以為書名叫《睇相佬》,原來唔係。實情此書由久違了的「漫道」出版,叫《奇幻集》,而〈睇相佬〉不過係此書其中一個短篇故事,另外兩個故事叫〈鬼臉菩提〉同〈奪命化寶桶〉,全彩稿製作。鬼書,我Like喎,唔知又啱唔啱你口味?希望大家多多捧場喇。

Read more ›
撐李健良書展新作《稻》+《小丑魚日記》!

撐李健良書展新作《稻》+《小丑魚日記》!

書展又怎少得彩稿大師李健良?今年佢會推出兩本作品,分別係介紹何謂有機耕種嘅《稻》同記載小丑魚成長過程嘅《小丑魚日記》,俱屬我必買Item。精品方面,有全新三款Postcard、新油畫同書展限定紀念品。無計,注定荷包大出血,要撳定錢捧場咯喂。

Read more ›
黃水斌書展產品一覽 《Fruit Punch 5.0》+磁石貼+Tee+Tote Bag

黃水斌書展產品一覽 《Fruit Punch 5.0》+磁石貼+Tee+Tote Bag

擒日報導過黃水斌會喺書展推出《Fruit Punch 5.0》,依家有詳細資料嘞。先講本靚靚畫集,《Fruit Punch 5.0》分常規版同特別版兩個版本,各售$200,書展期間購買送海報同登機證各一。精品方面,一,冰箱磁石貼,每個$30;二,《Fruit Punch 5.0》特別版+Tote Bag套餐,$350;三,《Fruit Punch 5.0》特別版+Tee套餐,$450。講真唔貴,值得入手。

Read more ›
撐!Cuson書展出《怪叔叔の散步道》!

撐!Cuson書展出《怪叔叔の散步道》!

非常喜歡放閃而讀者又非常喜歡睇佢放閃嘅Cuson,事先張揚今年書展有新書出。新書簡簡單單跟番面書專頁個叫,叫《怪叔叔の散步道》,主題係「由兒時記憶出發,用畫筆將那些留下多少腳毛的地方重新描繪出來」,留過腳毛嘅地方包括信和中心、大排檔、模型舖、戲院同機舖等等,七八十後麻甩佬including me應該會睇得幾有共鳴。

Read more ›
撐港漫新作 張立人《睇相佬》書展推出

撐港漫新作 張立人《睇相佬》書展推出

今年書展有新港漫推出呀喂,仲要係我好Like嘅靈異鬼怪漫畫。張立人喺面書公開咗部份《睇相佬》稿件,無估錯應該係全彩製作,單睇呢三幾頁已經Feel到好高質。就稿件所見,會以明星作為角色原型,我見到蕭叔叔、Bob同……係咪靚女Lilian Kan?十億個支持!到時我一定課金,努力加油呀。

Read more ›

黃水斌《英雄本色鋼筆手繪漫畫》3.0 訂書送海報有辦睇

黃水斌《英雄本色鋼筆手繪漫畫》3.0 訂書送海報有辦睇

放心,今年書展檔期,黃水斌一定趕得切推出《英雄本色鋼筆手繪漫畫》3.0,事關佢剛剛喺面書開Post交代進度,話已經畫緊「為七月書展訂3.0書送的海報」,仲叫大家「到時記得入場支持啊」,收到喇水斌!支持!加油!

Read more ›
Kana書展出《打爆真‧三國歷史》 陳某幫手畫封面

Kana書展出《打爆真‧三國歷史》 陳某幫手畫封面

鍾意睇小說者,睇羅貫中《三國演義》可以睇到通宵達旦;鍾意打機者,亦總玩過以三國為題材嘅Game,但惟有睇小說煲正史兼打機專到一個點,先可以出書寫三國同Game之間嘅真真假假。今個書展,值得留意Kana著作《打爆真‧三國歷史》,三國Game裡面嘅人物角色,有幾多係虛構?有幾多真正符合史實?呢個前Game書編輯就係有本事將之寫成書,都咪話唔厲害。每本$98,唔貴。留意番,連《火鳳燎原》作者陳某都幫佢畫封面,係咪更加要加分先?要撐!

Read more ›
有片:Man僧書展出Postcard?

有片:Man僧書展出Postcard?

瀏覽Man僧面書,發現佢Post咗好多Product出嚟,無價錢等詳細Description,但又話「書展見」,估計嚟緊書展有得賣。其中有條片,見到好多Postcard以Stop motion形式逐張逐張彈出嚟,平時我好鍾意睇佢啲畫畫Timelapse短片,唔知Postcard複印嘅係咪呢堆畫作呢?係咪都好,我都一樣咁Like!好難忍手唔買。

Read more ›
葉偉青《Robox Sketchbook》打孖買送畫版

葉偉青《Robox Sketchbook》打孖買送畫版

相信今年葉偉青推出《香港重機》後,會吸納更多Fans,其實唔只呢本係好嘢,之前漫道出版嘅機械人作品集《Robox Sketchbook》第一及二期都係極品。講明先,係舊書,不過今年書展「今日出版社」攤位有售,各原價$150,書展價$135;如果第一及二期套裝咁買呢,會送埋畫版,售$260。信我,係值得入手嘅。

Read more ›