Tag: 書展

照單執藥 黃水斌書展產品一覽

照單執藥 黃水斌書展產品一覽

每年書展都會見到黃水斌嘅名字,印象中,今年產品好似比往年多,件件皆精品,絕對可以用目不暇給嚟形容。家陣做個列表畀大家睇睇,方便你照單執藥。係呢,好似樣樣都想買呢?不諱言,我都係⋯⋯

Read more ›

「豚肉窩貼」出實體書 《香港鬼怪百物語》書展登場

「豚肉窩貼」出實體書 《香港鬼怪百物語》書展登場

好老實,唔記得喺邊個市集定乜節物節買過「豚肉窩貼」嘅貼紙一次咁大把,公仔顏色鮮艷、構圖有趣所以吸引我眼球咁解囉,唔算好死忠,不過之後都有繼續留意佢面書專頁。今年書展,首本著作 《香港鬼怪百物語》登場,主題係港九都市傳說同妖怪解說,全手繪作品,一貫嘅Q版畫風,有興趣可以望望。

Read more ›
撐Pen So《災難之後》簽名會 送一套六封信件配件

撐Pen So《災難之後》簽名會 送一套六封信件配件

講多樣著數嘢,如果你打算去書展撐Pen So新書《災難之後》的話,請夾啱簽名會時間,嚟緊周六同周日6:00pm至8:00pm撐場的話,會送多有一套六封信件配件。收到未?

Read more ›
塵阿力《星塵画報》明信片 會場限定

塵阿力《星塵画報》明信片 會場限定

我必定入手Item之一,有塵阿力畫與寫盡90個香港電影女角色嘅《星塵画報》,更正嘅係佢精選多五張畫作印製成明信片,每張$15,三張$40,隨書換購全套加$50。呢批明信片屬書展會場限定,我最Like鍾楚紅嗰張,真心Mode,畫得好有神髓好靚。

Read more ›
必買黃水斌書展三海報 購物滿$500送限定月曆

必買黃水斌書展三海報 購物滿$500送限定月曆

除咗畫集,我覺得黃水斌咁多精品中,呢三張複製原稿海報都係有必要購買的,三張海報分別係《縱橫四海》阿占、《蜀山》堡主同《倩女幽魂》寧采臣,每張$280。另,書展限定嘅《英雄本色》2022卡式盒月曆如無意外都係我嘅囊中物,輯錄之前三期漫畫精選畫面放入卡式作月曆擺設,書展期間到1A-E37攤位購物滿$500即送,送完即止。記住,係送嘅,不作公開售賣,要搶。

Read more ›
賤人新世紀書展推出《阿婆的快樂時代》

賤人新世紀書展推出《阿婆的快樂時代》

書展檔期,賤人新世紀有新書《阿婆的快樂時代》推出,幾鍾意佢咁樣介紹本書:「……有你有我有大家就係阿婆的快樂時代,逆境自強,冷靜前行,微笑面對呢個不容易的時代。」世道艱難,希望大家睇完有啖笑喇。書展價$102,隨書附送阿婆緣分大葵扇同插圖明信片兩張,數量有限,先到先得。報告完畢。

Read more ›

黃水斌書展推出《倩女幽魂鋼筆手繪漫畫原稿集》上冊

黃水斌書展推出《倩女幽魂鋼筆手繪漫畫原稿集》上冊

係喇,書展無黃水斌份點似樣架?今年佢會推出《倩女幽魂鋼筆手繪漫畫原稿集》上冊,隨書附送寧采臣A2海報同複製原稿兩張,每本$250。水斌手畫係乜料,我諗都唔使多介紹,都係嗰句,無得唔買。

Read more ›
姜智傑書展推出《森巴STEM 3恐龍的知識》

姜智傑書展推出《森巴STEM 3恐龍的知識》

今年書展,姜智傑會推出《森巴STEM 3恐龍的知識》,仲會搞埋簽名會。買買買吧,呢類兒童向書籍,絕對啱買畀小朋友,好過佢哋日日掛住打機睇YouYube。

Read more ›
Pen So書展推出《災難之後》

Pen So書展推出《災難之後》

今年書展都有Pen So的份兒,新作《災難之後》屬雜誌圖文專欄合集,唔知同之前嗰本《香港災難》有無關係?大家請多多捧場。

Read more ›
東立香港書展出購物車 擺得落100本《火鳳燎原》

東立香港書展出購物車 擺得落100本《火鳳燎原》

「東立香港」終於出齊書展廣告,除咗《火鳳燎原》外傳《不是人貳》外,仲有套裝《鬼滅之刃》、套裝《新蠟筆小新》、套裝《鏈鋸人》同《火鳳四格》等等。另外,有一件非常吸睛嘅精品──水鏡八奇摺疊拉桿購物車,買一套《火鳳燎原》即送,聲稱載重量50kg、擺得落100本《火鳳燎原》咁話喎。講真,望相係幾靚仔的,但我估計應該無人會拎佢當購物車用,直接當儲書大箱用會正路啲,不過問題又嚟嘞,咁大個箱or so called購物車,屋企都未必有咁大地方擺。

Read more ›
陳某《火鳳燎原》外傳《不是人貳》+《火鳳四格》 書展首賣

陳某《火鳳燎原》外傳《不是人貳》+《火鳳四格》 書展首賣

喂,薄裝?係OK有新鮮感喎,陳某《火鳳燎原》首次推出簿裝彩色短篇《不是人貳》,主角係自誇戰神嘅馬超,講佢如何「不是人」地無情於天下,屬外傳故事。另外,亦將曾經喺《新少年》連載嘅「火鳳四格」重新輯錄成書《火鳳四格》,兩書皆於書展首賣,係我Must buy item。

Read more ›

李思衛作+右貓繪《都市傳說事件簿》第四集 書展推出

李思衛作+右貓繪《都市傳說事件簿》第四集 書展推出

最新第四集《都市傳說事件簿》會喺今年書展檔期推出,不厭其煩講多次,呢本書倪匡曾經公開稱讚過,作者係李思衛,繪者係右貓。仲記唔記得邊個右貓,即係之前喺《王風雷傳奇》連載《西城家的日常》嗰位畫手呀。追開嘅斷估會繼續買,無追開嘅可以一次過買晒四期翻煲,畢竟手畫咁萌,應該啱睇,我都心思思中。

Read more ›
李志清書展出《記得當時年紀小──李志清的筆墨下》

李志清書展出《記得當時年紀小──李志清的筆墨下》

李志清今年書展有新書《記得當時年紀小──李志清的筆墨下》推出,透過一幅幅插畫,將清哥細路仔嘅六七十年代鄉村生活呈現紙上,雖然我唔係鄉村仔,但都好有興趣了解吓傳說中無憂無慮通山走嘅快樂簡樸生活。新書另有500套特別版,附精美書盒、藏書票同獨立號碼,書展檔期率先發售,絕不加印咁話喎。

Read more ›
撐!塵阿力《星塵画報》書展價$158!

撐!塵阿力《星塵画報》書展價$158!

追咗面書「塵阿力映畫」多年,真心Mode,塵阿力手畫真係百看不厭的,今年書展佢推出畫集《星塵画報》,我一定買。90個香港電影女星插畫,另加89篇文章,有畫有字,肯肯定可以慢慢聞,會場限定價$158。另,提一提,7月17日7:30m至8:30pm佢會喺非凡出版攤位搞簽書會,想見吓塵阿力真人,唔該夾啱時間。

Read more ›
李健良書展出《阪泉之戰》 送A2海報

李健良書展出《阪泉之戰》 送A2海報

一年一度,終於又有機會探吓良哥喇,Really發自內心的興奮。李健良2021書展檔期會推出《阪泉之戰》,屬佢最擅長嘅全彩稿繪本,講五千年前上古時期黃帝對炎帝之戰。Wow,戰爭場面,又人又車又馬,仲要全彩繪,可以想像有幾精彩,書展期內購買送多張A2海報。我必撐,良哥,到時見。

Read more ›