fbpx

Tag: 暴力王

暴力王終於打柴 《火武耀揚》開新故事

暴力王終於打柴 《火武耀揚》開新故事

睇完今期第853期《火武耀揚》,我終於鬆咗一口氣,玩咗過百期嘅暴力王金剛終於收皮,俾隻揪王真秋哥割下首級,身首異處死無全屍。太耐喇,實在拖得太耐喇,五大天王大大話話講咗二三百期,真係有啲膩,暴力王為咗個仔要稱霸江湖呢個Point亦唔多合理,家陣華興會一眾大佬傷嘅傷,殘嘅殘,故事到此總算可以告一段落,對讀者嚟講都係一個解脫。書末,道理哥預言:「This city is dying。」話香港黑社會已經玩完,我就真心希望瑞新可以開過第二條線講古仔,唔好再圍繞隻揪王寶座呢條大橋轉圈圈,加油呀瑞新。

Read more ›

邱瑞新好狠  《火武耀揚》八大將一期死清光

邱瑞新好狠 《火武耀揚》八大將一期死清光

華興會暴力王無理由咁堅揪,排四八大將又無理由咁水皮架?所以見今期第833期《火武耀揚》書名叫〈八大將之死〉,我都只不過諗係「心死」、「生不如死」、「假死」、「詐死」之類……大家都知瑞新籠嘢喇,佢邊捨得整死重要角色呀?點知一睇,越揭落去就越心寒,嘩,乜真係咁狠心呀──智叔胸口爆開三呎長裂口、仁哥斷右手、禮哥被削半邊面、信仔左手脫離身體、義哥成條大髀甩咗、德哥爆肚咇腸、孝哥俾斬成肉醬,忠哥中過百刀等死,一期,只不過一期貨仔,八大將真係死清光。呢劑當真劇力萬鈞呀,好耐都未試過睇公仔書有咁震撼嘅感覺,我Total翻Loop咗三次,居然有少少唔捨得八大將釘蓋。不過睇完,我真係想問一問瑞新,計埋《火紅年代黑骨棠》嗰邊鱷鬼同小桃葬身火海,咁排四咪成個格屎炒起晒?

Read more ›
《火武耀揚》明寸政改 瑞新抽發叔水

《火武耀揚》明寸政改 瑞新抽發叔水

今期《火武耀揚》搞鬼呀,除交代暴力王發癲想打死葉一飄之外,仲明寸建制派政改投票蝦碌一役添。話說故事發展到華興會選坐館,暴力王同雷爺都想拉攏超級元老發叔,因為發叔同犬噬同輩,德高望重,起碼有五票喺手,所以要「等埋發叔」開金口,先敢應承提前選舉云云。呢鋪真係水塘都俾瑞新抽乾,劉皇發再次俾人擺上檯,連公仔書都幽佢一默,呢鋪我都戥佢陰功呀。

Read more ›
《火武耀揚》明抽特首夫人水 無知!涼薄!冷血!刻毒!

《火武耀揚》明抽特首夫人水 無知!涼薄!冷血!刻毒!

今期《火武耀揚》過癮呀,明抽特首夫人水,雖然呢個惡搞Out就Out咗啲,但一樣睇到我吉一聲笑咗出嚟,無知!涼薄!冷血!刻毒!不禁倒抽一口涼氣!出自何人之口?畫公仔唔使畫到出腸嘞啩?

Read more ›