Post Tagged with: "暖桌"

【連環圖】日本超嘆喵星人 匿入暖桌瞓覺反晒肚
by / on 30/11/2019 at 3:40 pm

【連環圖】日本超嘆喵星人 匿入暖桌瞓覺反晒肚

日本暖桌真係好偉大嘅發明,唔止我覺得,呢隻喵都覺。有日本貓奴發覺佢隻喵好識嘆,匿咗入暖桌瞓覺,仲開心到返晒肚,超嘆!

Read more ›

日本網民自創冬天「暖桌」 500円搞掂超實用
by / on 22/11/2019 at 7:54 am

日本網民自創冬天「暖桌」 500円搞掂超實用

一到冬天日本人嘅「暖桌」就會出動,不過最近有網民分享咗佢自製嘅「暖桌」,500円就可以有合成版,一張枱、一塊毛毯加一塊板,枱同板喺平價生活雜貨店3 Coins有得買,條毛毯就係佢自己私伙嘅,佢仲畫埋圖介紹,睇落好方便,以後冬天坐喺床上面都可以暖笠笠打機睇書用電腦,仲可以分拆開每樣物品嚟用,值得參考。

Read more ›
日本肥喵瞓「暖桌」 超可愛睡姿Twitter熱傳
by / on 24/12/2018 at 7:25 am

日本肥喵瞓「暖桌」 超可愛睡姿Twitter熱傳

聖誕節除咗瘋狂喪玩,仲係一個好好嘅時機俾自己叉叉電休息吓,日本有網民分享咗佢隻肥喵嘅相,瞓咗喺暖桌旁邊嘅佢冚晒被好嘆好治癒!樓主話啲相係用iPhoneXS影嘅,仲推介大家換機,之後有大量網民分享佢哋嘅肥喵瞓覺相,好啱聖誕節睇,特別係瞓唔著嘅時候,睇完好想捐入被窩瞓覺呀。

Read more ›
日本小妹妹創意「坐暖桌」方法 暖住睇片超爽Twitter熱傳
by / on 03/12/2018 at 7:00 am

日本小妹妹創意「坐暖桌」方法 暖住睇片超爽Twitter熱傳

估唔到呢個日本小妹妹咁細個已經有呢種覺悟。冬天有咩爽得過坐喺張暖桌度上網睇片?不過睇清楚啲,佢呢種全新嘅坐暖桌嘅方法喺邊度學架呢?話時話,礙於佢嘅身高,咁坐法又好合理嘅。之後網民貼圖,話喵星人都有自己嘅坐法,入嚟有相睇。

Read more ›
日本喵星人寫真 藏身暖桌超似唱片封套
by / on 14/10/2018 at 2:24 pm

日本喵星人寫真 藏身暖桌超似唱片封套

有暖爐嘅地方就有貓,日本有貓奴喺Twitter分享咗張相,5隻喵迫埋一齊喺暖桌入面,超可愛!有網民話佢哋擺晒甫好似影緊唱片封面咁,仲放咗啲相出嚟做對比,有啲人話似日本舊式嘅團體照,入嚟有回帶。

Read more ›
日本戲院「暖桌」座椅 超貼心Twitter熱傳
by / on 22/01/2018 at 7:03 am

日本戲院「暖桌」座椅 超貼心Twitter熱傳

日本人屋企通常都有張暖桌,枱下面有暖爐,冬天唔怕隻腳凍冰冰。最近呢個咁貼心嘅裝置仲延伸到戲院,位於埼玉縣所澤市嘅戲院「Let’s Cinepark」有呢款暖桌坐椅,不過暫時只限一號同二號院有提供。識日文嘅朋友可以試吓去呢度睇戲,由東京坐車去大約35分鐘左右,不過咁舒服,小心睇睇吓戲瞓著咗。

Read more ›

【新片速報】偷拍日本喵星人     匿埋「暖桌」底偷懶超識嘆
by / on 12/01/2018 at 7:38 am

【新片速報】偷拍日本喵星人 匿埋「暖桌」底偷懶超識嘆

日本嘅暖桌真係好正,可以收埋對腳入去暖住,冬天都唔怕凍。呢張暖桌仲成為喵星人嘅聚居地。日本好出名嘅YouTube貓頻道「かご猫 Blog」最近有偷拍片,佢哋裝咗個cam喺暖頂底,睇片見到5隻喵星人瞓晒喺枱底超嘆,間中又舔吓毛,好正。歷時2分幾鐘嘅片基本上無乜移動,就好似睇魚樂無窮一樣,最後終於有一隻喵頂唔順要走嘞!入嚟仲有得回帶睇返佢哋之前過年扮「鏡餅」段片,有亂入有暴走,好好玩。

Read more ›
日本進化版暖桌Twitter熱傳 面層打開放iPad
by / on 15/12/2017 at 7:50 am

日本進化版暖桌Twitter熱傳 面層打開放iPad

成日都想買日本嘅暖桌放喺屋企,夏天當普通枱用,冬天就可以收埋對腳入去暖吓。日本最近就有暖桌進化版,有網民喺秋葉原嘅展覽見到呢張新型暖桌,面層可以打開擺放iPad之類嘅小雜物,側邊有個櫃筒可以拉出嚟用,個名仲好勁叫「炬燵」,賣17800円。不過入面嘅iPad會唔會過熱變壞?樓主話親身試過無問題,因為個位唔近發熱點,之後仲分享咗樂天網站嘅link,入嚟有得睇,越睇越想訂返張。

Read more ›
日本超正梳化床 日頭伸腳夜晚暖桌
by / on 25/10/2016 at 7:12 am

日本超正梳化床 日頭伸腳夜晚暖桌

日本呢張梳化最近喺Twitter熱傳,正正方方,可以坐好多人,有得挨又有得伸腳,打筋斗都得!夜晚又可以變成日本人好鍾意嘅暖桌,食飯傾計之餘,腳入面仲可以暖笠笠。好多日本人都想要返張,Belle Maison出品,我都想要,但係首先要有個咁大嘅客廳‥‥‥

Read more ›
【唔捨得食】日本喵星人和果子 坐完暖桌玩金魚
by / on 30/01/2016 at 12:33 pm

【唔捨得食】日本喵星人和果子 坐完暖桌玩金魚

將喵星人食落肚?我諗好多貓奴都唔捨得。呢對日本嘅母女組合Laura同Caroline各位貓奴要識,佢哋用和果子麵團整成不同嘅喵星人場景,最新作品係右下角一班喵星人圍住暖桌瞓覺嘅呢款,製作勁細緻。佢哋之前整過喵星人玩金魚、班戟夾喵,全部都勁靚,入嚟有回帶。佢哋話通常整完再影埋相就會一齊食咗佢,如果完成品唔易腐爛就會送比親戚朋友食,佢哋仲有自己嘅blog,入面可以見到佢哋養嘅喵星人,今年8歲,好可愛!

Read more ›