fbpx

Tag: 智能

【唔係啩?】俄羅斯最強AI智能機械人 被發現原來人扮

【唔係啩?】俄羅斯最強AI智能機械人 被發現原來人扮

戰鬥民族果然乜都做得出,最近呢單新聞令人大開眼界,話說有隻機械人「Boris」早前上咗俄羅斯電視台「Russia 24」節目,由於像真度極高,仲識模仿人類跳舞同回應主持提問,好快就成為大家嘅討論焦點。不過之後網上有人質疑,點解一直無聽過俄羅斯開發咁勁嘅機械人,過咗無幾耐,有人竟然喺一張相度發現隻機械人有「頸」嘅!入嚟有詳情。

Read more ›

日本Sharp推出智能貓廁所 紀錄尿量/逗留時間

日本Sharp推出智能貓廁所 紀錄尿量/逗留時間

你睇隻貓個樣幾驚?要監視住屋企隻喵星人嘅健康狀況,可以由廁所入手。最近日本SHARP公佈呢個貓廁所,可以紀錄貓嘅尿量、次數、逗留時間、體重等等資料,仲有溫度調節,最多可以對應3隻喵(會有頸圈俾貓帶住識別)。如果發現佢尿量多咗、逗留時間長咗,主人就要帶佢去睇醫生嘞。對應手機App,體積380×576×188mm,售價24800円,7月30日推出,可惜無拍片功能,其實我好鍾意睇佢哋去廁所好認真個樣。

Read more ›
【揚威海外】理大智能時裝模特兒 電腦操控身裁

【揚威海外】理大智能時裝模特兒 電腦操控身裁

唔係最新,不過最近日本網同外國網都紛紛報導,今次真係揚威海外嘞。香港理工大學紡織及製衣學系副系主任陳志駒博士,發明咗一個可以隨意改動身形嘅公仔iDummy,勁在可以用電腦改動身形,胸、腰、臀,全部都可以根據輸入嘅呎吋而調校,由加細至加大碼都做到,環保得嚟又實用,唔知未來會唔會每個時裝設計師屋企都有一個?

Read more ›
首個智能行李喼   連接手機定位兼叉電

首個智能行李喼 連接手機定位兼叉電

智能手機、智能錶,乜都要智能,點可以無智能行李喼?外國有人研發咗全球首個叫Bluesmart嘅智能喼,可以連接手機,隨時幫個喼定位、自動上鎖、磅重,又可以設定個喼離自己遠咗就自動呼叫,仲可以幫部手機叉電叉足6次!雖然個樣唔算型,不過就幾實用。而家喺indiegogo集緊資,好受歡迎,美金$235有交易,運返香港加多$40美金,襯埋隻智能錶就fit晒。

Read more ›
智能懷舊風扇 自動開關調節溫度

智能懷舊風扇 自動開關調節溫度

今時今日乜都同智能扯上關係,當Samsung都出智能單車嘅時候,呢部叫Haiku嘅智能風扇嘅出現都好合理。只要裝個叫SenseME嘅手機app就可以做到多樣功效。例如每次入屋會自動開風扇,離開會自動熄掣;又識得根據屋內溫度同濕度,自動調節適合嘅風速,仲有智能記憶系統,記熟你嘅心水風速時間等資訊,堪稱完美版風扇。價錢方面大約美金$1000,預訂7月開賣,似乎呢把風扇都係有錢人嘅專利。

Read more ›
有片    麥當勞智能Happy Table   細路專用好恐佈

有片 麥當勞智能Happy Table 細路專用好恐佈

慘咯,連麥當勞都推銷智能手機用嘅高科技Happy Table比細路玩,小朋友嘅童真好明顯已經一去不返。新加坡麥當勞最近為小朋友設計咗呢張Happy Table,枱底貼幾張NFC貼紙,手機放上枱面就可以即刻玩遊戲,片段所見,枱面會變成賽道,將部機向前推就好似喺賽道駕駛一樣,小妹妹拎住部手機玩得超開心,麥當勞叔叔經過都肯定睇唔倒。麥當勞計劃將呢張枱帶到亞洲地區,仲話嚟緊可能會同《藍精靈2》同埋《Despicable Me》合作,到時阿爸阿媽你部智能手機記住著定雨褸同埋防撞欄,如果唔係唔散都肯定污糟晒,大鑊。

Read more ›