Tag: 景點

日本必去景點「日立駅」 漂浮於海上嘅玻璃車站

日本必去景點「日立駅」 漂浮於海上嘅玻璃車站

好多人都期待緊可以再去日本旅行,其中呢個「日立駅」會唔會成為你想去嘅其中一個景點?啱啱有日本攝影師しふぉん影咗日出時份嘅風景,粉紫色嘅天空超靚!講返少少背景,呢個車站位於茨城縣,由日本著名建築師「妹島和世」設計,用咗大量玻璃帷幕設計,可以飽覽海天一色嘅靚景,設計仲榮獲「布魯內爾獎車站部門」嘅最高獎項,被日本人譽為「漂浮於海上嘅玻璃車站」,有機會一定要去吓!留意返,每張座椅仲係花瓣形狀,超靚!

Read more ›

《動物森友會》超勁日本玩家 重製16個「名古屋」景點

《動物森友會》超勁日本玩家 重製16個「名古屋」景點

好多《動物森友會》嘅日本玩家都玩到好癲,設計出神入化,呢位玩家就用咗一個月時間,真製返名古屋嘅特色景點,包括名古屋飅嘅金時計前、市役所、水族館、名古屋城等合共16個景點,好勁,入嚟有回帶。

Read more ›
東京近郊景點「江之島」人山人海   遊人塞滿大街

東京近郊景點「江之島」人山人海 遊人塞滿大街

香港呢兩日出街都開始多返啲人,日本都唔例外,有日本網民喺Twitter分享,東京近郊景點「江之島」今日人山人海,橋上企滿遊人,車都塞滿晒,其中有啲人仲無戴口罩,似乎大家都好急需要抖抖氣,不過日本情況依然好嚴重,希望大家都可以再忍吓唔好鬆懈,等疫情穩定啲先再考慮外出啦。

Read more ›
真實版迪士尼景點 阿拉伯清真寺Twitter熱傳

真實版迪士尼景點 阿拉伯清真寺Twitter熱傳

唔駛去迪士尼都可以好似置身迪士尼嘅世界?日本有網推介咗呢個真實版迪士尼嘅景點,位於阿拉伯聯合大公國首都阿布達比嘅一座清真寺,個名叫「謝赫扎耶德大清真寺」, 有82個圓頂、四座高107公尺嘅宣禮塔,睇落好靚好似童話世界,施工費用都好誇張,係美金5.4億!

Read more ›
東京睇完櫻花必睇紫藤   超靚花園CNN評為10大景點

東京睇完櫻花必睇紫藤 超靚花園CNN評為10大景點

日本櫻花已經開到尾,而家好多網民開始籌備緊去睇紫藤花嘞,位於日本栃木縣嘅足利花卉公園(あしかがフラワーパーク),被美國CNN評為世界十大夢幻旅遊景點,入面有超過350棵紫藤樹,仲有條80米長嘅花隧道,其中最注目係一棵擁有150年樹齡嘅大藤,佔地近1990平方米,好震憾。夜晚著咗燈之後更加係靚到仙境一樣。4月中至底係最佳觀賞期,5月至月中會有不同顏色嘅大藤,包括白藤、粉紅藤、黃藤等等盛放。由東京搭車過去唔過90分鐘,去開東京嘅可以安排吓行程。

Read more ›
日本網民私密景點       岐阜縣超靚神社「モネの池」

日本網民私密景點 岐阜縣超靚神社「モネの池」

去日本除咗睇櫻花之外,近年其實好多日本人鍾意去岐阜縣嘅根道神社,因為入面有個水池「モネの池」,清澈見底,啲鯉魚喺入面游嚟游去,靚到好似一幅名畫咁,吸引好多日本網民去影相打咭,入嚟有多啲相同片睇,段片仲好靚好治癒,好睇過魚樂無窮,睇完好有衝動想出發。不過要提提大家,呢個景點位置都幾偏遠,由名古屋或岐阜市過去,單程都要3小時左右,去開附近旅行可以考慮吓。

Read more ›

奈良超靚「賞鹿」秘景     網民分享「若草山」靚相

奈良超靚「賞鹿」秘景 網民分享「若草山」靚相

去奈良睇鹿係好多人嘅指定活動,不過除咗奈良公園,原來奈良嘅若草山都係睇鹿嘅好地點,仲可以影到超靚風景相。有日本網民分享咗自己影嘅呢張山頂相,唔知以為去咗南非,其實係喺奈良。之後陸續有日本網民放佢哋嘅相上網,原來唔少人都有上「若草山」,而拍攝出嚟嘅鹿全部變晒「神鹿」咁好特別,亦有人將啲相改埋做PS4遊戲封面,效果幾自然。BTW,「若草山」嘅日落出名超靚,下次去開奈良可以去埋呀。

Read more ›
日本Twitter熱傳     超靚「卡帕多奇亞」旅遊景點相集

日本Twitter熱傳 超靚「卡帕多奇亞」旅遊景點相集

對於平時只係去開日本、台灣嘅我嚟講,卡帕多奇亞(Cappadocia)似乎好遙遠,最近日本Twitter好多人RT呢輯相,拍攝地點係土耳其嘅「卡帕多奇亞」,呢個地方近年多咗好多人介紹,佢嘅熱氣球同時升空嘅畫面真係超靚,佢亦係TripAdvisor嘅10大最佳旅遊景點之一,而樓主分享嘅呢輯相,拍攝地點係Explorer Cave Hotel,睇完有無心郁郁想飛返轉?

Read more ›
日本可愛鹿仔「禦寒」大法 枯葉包圍成為景點

日本可愛鹿仔「禦寒」大法 枯葉包圍成為景點

日本奈良天氣開始凍嘞,早晚得5度左右,咁啲可愛嘅鹿仔點樣禦寒?有日本網民就發現呢隻好識嘆嘅鹿仔,俾堆枯葉包圍住,又暖又好瞓。張相喺Twitter熱傳,佢仲成為咗景點,好多網民都留言話見到呢隻鹿,仲放咗好多相出嚟,相信應該係有好心人幫佢擺陣嘅。

Read more ›
日本大阪紀念塔景點 超似動漫「魔鬼塔」

日本大阪紀念塔景點 超似動漫「魔鬼塔」

呢座位於日本嘅高塔睇落真係好似漫畫或者遊戲入面嘅古怪城堡,入面住咗個惡魔,總之就係好有藝術感。最近有日本媒體去咗探險,其實呢座大平和祈念塔位於大阪富田林市,係宗教團體為咗紀念萬國戰爭犧牲者而喺1970年建成嘅,每朝10點至下午4點免費開放俾公眾入去參觀,去開大阪可以考慮去吓。

Read more ›
【星期一好想飛】日本超靚「角島大橋」 人生必到景點

【星期一好想飛】日本超靚「角島大橋」 人生必到景點

星期一,又到想請假去旅行嘅時候,單睇呢張相已經令人好想即刻飛去日本。呢條「角島大橋」被譽為日本最靚嘅橋之一,好多人話係人生必去嘅景點之一。位於日本山口縣角島,全長1780米,最吸引都係大橋兩邊嘅大海,清澈之餘同個天連成一線,靚到好似人間仙境咁。除咗自駕遊,亦可以喺福岡搭新幹線再轉巴士前往,大概3小時左右,係就係遠啲,但係值得嘅。我想請假呀!

Read more ›

平遊《你的名字。》日本景點 新宿往返飛驒6900円搞掂

平遊《你的名字。》日本景點 新宿往返飛驒6900円搞掂

《 你的名字。》全球大收,連帶戲入面嘅日本本州中部飛驒都成為旅遊勝地。如果想平平哋去開東京嘅時候順便去朝聖,嚟繄2月27日開始可以考慮搭呢架巴士。車身以《 你的名字。》做主題,由新宿Busta車站出發,終點站係飛驒古川車站,全程需時大約6小時,係就係耐啲,但平平哋6900円就可以去到,仲可以搭返同一架車返新宿。啱晒有時間想慢慢坐車睇風景嘅旅客!

Read more ›

【超像真】日本廣島縣「牛奶屋」 真嘅一樣成為著名景點

呢間「每日牛乳店」位於廣島縣三良坂町,離廣島車站車程都要個半鐘,位置偏遠,但就成為當地嘅一個景點。因為楝建築物按照返佢哋盒牛奶而設計,就好似放大版嘅牛奶盒,好有特色!大家經常都會忍唔住影返張相放上網呃吓Like。呢個牛乳品牌係當地小企業,入面前舖後居,喺日本呢類型店舖仲有生存空間,間舖已經營運咗超過30年,為當地居民提供新鮮牛奶,喺香港嘅話,當然係無希望啦。

Read more ›

大阪新景點 全日本最大摩天輪7月有得坐

近年身邊好多朋友去大阪旅行,仲多過去東京。嚟緊大阪又多個新景點,計劃去大阪嘅可以諗諗。號稱全日本最大嘅摩天輪,入面全玻璃設計,連腳底都係玻璃,最高去到123米,係全球第5高嘅摩天輪,坐上去就好似浮咗上天空咁,再望下腳底應該會腳震震。7月1日起喺大阪Expo City有得坐,72個車卡入面有兩個係VIP席,可以坐4個人,仲有梳化位,啱晒訂嚟同另一半慶祝啲特別日子喎。

Read more ›

【理想與現實】旅遊景點迫爆人 中國長城/巴黎鐵塔其實係咁

有去過著名旅行景點都會有感觸,就係呢啲「理想與現實」嘅情況,以為去長城睇日出瑰麗景色,點知去到人迫人連行步路都有困難;以為去到巴黎鐵塔下野餐好浪漫,點知好似難民營咁排排坐,仲要周圍都係自拍神棍。外國網站搜羅咗大量著名景點嘅理想與現實圖,睇完去旅行嘅衝動又減低咗少少,或者都係去吓啲無咁著名嘅景點,感受吓風土人情仲好。 

Read more ›