第203期《鐵將縱橫》 普通版同草圖版合併自製封面

  我係福龍Fans,真金白銀買足咁多期《鐵將縱橫》,點解咁撐場?無他,齋欣賞每期封面已經值回票價,而平時,我只會普通版同草圖版二揀一,覺得邊個封面靚啲就買邊本。多得網友Eric Chow,佢提供咗一個欣賞今期第203期封面嘅好方法,就係兩個版本都買晒,然後併埋一齊睇,效果會變成半草圖半落色,而又可以成為一個完整封面,至於係左面落色版烈火太祖定右面係草圖版赤殺王,又或相反,就悉隨尊便。雖然知道《鐵將縱橫》就快完結,真心Mode講多句,福龍千萬要撐落去,無你畫嘅公仔書睇,生活真係唔知點過。

Read more ›