Post Tagged with: "星球大戰"

黑武士膠頭  狂擰減壓
by / on 02/01/2013 at 3:10 pm

黑武士膠頭 狂擰減壓

呢排咁多假期,今日返工真係好辛苦,好大壓力呀!嚟緊有排都無假放,壓力無地方宣洩,黑武士幫倒你!呢個黑武士頭嘅壓力波,用軟膠做成,3”x3”x2.5”,總之就係一隻手掌嘅size,網站Neatoshop有得賣,開價港幣$110左右,擰完佢,may the peace be with you。

Read more ›

Star Wars浴袍系列 屋企Cosplay尤達R2-D2
by / on 01/01/2013 at 4:11 pm

Star Wars浴袍系列 屋企Cosplay尤達R2-D2

呢幾日凍到不似人形,晚上浸浴是常識吧!而浴袍就可以由浸完浴直至上床匿入被竇前都陪住你,極其重要!為大眾謀福利,我上網一口氣搵咗一系列Star Wars浴袍,由R2-D2、Bounty Hunter、Jedi、尤達大師、白兵、Chewbacca以至黑武士都有齊,仲有小朋友size!價錢成人size大約港幣600左右,小朋友就300蚊唔駛。比個貼士大家,我都有啲心動嘅啡毛暖笠笠Chewbacca已經極速斷貨,有興趣入手嘅星戰迷要快手!

Read more ›
官方R2-D2外套  收埋個頭有氣抖
by / on 30/12/2012 at 8:08 am

官方R2-D2外套 收埋個頭有氣抖

前嗰排先買咗件刺客教條套,著出街個個朋友話正。進入2013年,我要轉新形像繼續比驚喜大家,呢件R2-D2外套,攞咗官方認證,等你著起變身R2-D2 ─ 只得上半身嘅R2-D2,但計埋高度又啱數喎。不過件褸最正嘅地方,係當你將條拉鍊拉到最上時,可以將成個頭收埋,唔怕露餡。而且有埋透氣孔同埋透視位置,睇倒嘢又透倒氣。開價美金$67.99。

Read more ›
星戰座地燈  R2-D2硬嵌C-3PO
by / on 29/12/2012 at 6:15 pm

星戰座地燈 R2-D2硬嵌C-3PO

成屋都係Star Wars玩具,日日比屋企人哦到拆天,但真係對Star Wars有愛點算好?呢個外國設計師Gordon Tarpley,就將R2-D2嘅頭同C-3PO隻腳嵌埋成為一盞座地燈,有創意之餘又實用,屋企人都讚好呀!不過Gordon喺facebook話仲未決定會唔會量產或者賣幾錢,有興趣嘅入去留言支持吓佢啦!

Read more ›
星戰咖啡機 日本限量5000台
by / on 15/12/2012 at 6:30 pm

星戰咖啡機 日本限量5000台

愛係盲目嘅,如果你鍾意星戰,無理由唔買埋呢款星戰咖啡機啩?由日本雀巢公司推出嘅限量版咖啡機,有黑武士同埋C3PO兩款,超限量每款只有5000台,開價9800円下星期開賣。跟機仲送多隻特別版咖啡杯比你。唔知黑武士係咪只可以沖黑咖啡expresso?咁C3PO呢?唔通係Cappuccino?

Read more ›
E PLAZA開R2-D2珍藏展 入太空艙格4m激光劍
by / on 07/12/2012 at 11:27 am

E PLAZA開R2-D2珍藏展 入太空艙格4m激光劍

  問《星戰》最鍾意邊個人物?白兵?黑武士?Sky Walker……點都好,有一個唔使講嘢,嘟嘟聲、行行企企,但大家都當佢聖物咁潮拜,佢就係R2-D2!東廣場啱啱搞咗個「星空戰記」活動,打造全港首個以R2-D2為主題的珍藏展,仲撻咗R2-D2收藏家──阿一近百件珍藏品做展覽;超舊超合金,超級限量別注版……未必再買唔到,但唔買都睇吓嘛!

Read more ›

有片 遙控《星戰》R2D2識落壆!港幣400蚊唔駛
by / on 19/11/2012 at 8:15 am

有片 遙控《星戰》R2D2識落壆!港幣400蚊唔駛

玩厭遙控老鼠曱甴?呢隻遙控R2-D2啱唔啱你口味?外形、身高(65cm)同原裝電影差唔多,唔止轉左轉右行前行後,仲識落壆o忝!唔信入去睇吓條Gif片。不過事先聲明,呢隻R2D2係吹氣質地,所以只賣$49.99美金。咁咪好囉,吹氣質地撞牆都無問題!400蚊港紙買嚟玩吓認真抵,下次喺公司嚇同事有第二樣嘢玩嘞。

Read more ›
《Star Wars VII》採用反斗奇兵編劇 夏里遜福參演!?
by / on 09/11/2012 at 3:26 pm

《Star Wars VII》採用反斗奇兵編劇 夏里遜福參演!?

如果呢個嚟自荷里活嘅報導係堅嘅話,我真係悲喜交集17首,首先,傳聞會由《反斗奇兵3(Toy Story 3)》嘅編劇Michael Arndt撰寫劇本,老實第3集個劇本都幾好,不過星戰又係唔同風格,真係令人有啲擔心。傳聞仲話佢已經寫好40-50頁故事,會有老年嘅Luke、Han同Leia公主現身,準備可以2014年開拍,2015上映!仲有更勁嘅係傳聞喺頭三集星戰演Han嘅夏里遜福已經答應演回呢個角色!如果係,都真係幾開心,同埋真係幾老。

Read more ›