Post Tagged with: "星球大戰"

超型《Star Wars》白兵酒樽 擺客廳當裝飾品
by / on 28/08/2017 at 7:23 am

超型《Star Wars》白兵酒樽 擺客廳當裝飾品

飲得酒多對身體唔好,不過而家好多人擺支酒喺屋企都係當裝飾品,如果揀我會揀呢個酒樽,由迪士尼正式授權Merchoid製作,用咗白兵頭做嘅玻璃酒樽,用嘅物料係Flint Glass,容量750ml,放喺客廳做裝飾品都型,預計10月發貨,售價美金$36.99。

Read more ›

【人生有幾個十年】《星戰》角色當年vs今日 Chewbacca/C-3PO都有真人對比
by / on 19/12/2015 at 12:08 pm

【人生有幾個十年】《星戰》角色當年vs今日 Chewbacca/C-3PO都有真人對比

新一集星戰睇咗未?暫時口碑都幾好,唔少fans都讚無做壞星戰牌頭。而fans最開心應該係見返好多舊角色今集出場,原來唔經唔覺,距離當年第一隻星戰上映已經38年,外國網站就將大量角色當年同今日嘅前後對比相做咗個回顧,除咗Han Solo、公主Leia之外,連Chewbacca、C-3PO都有真人對比,仲有今集無出場嘅都有近照回顧,超過18張相,入嚟慢慢睇。

Read more ›
【可以咁玩】R2-D2飛去Comic-Con 配埋星戰音樂超好玩
by / on 11/07/2015 at 12:48 pm

【可以咁玩】R2-D2飛去Comic-Con 配埋星戰音樂超好玩

四軸飛行器Quadrocopter識玩嘅其實好好玩,好似呢個外國人Otto Dieffenbach,就將個Quadrocopter裝喺R2-D2入面,然後飛埋上天。睇片見佢配埋R2-D2聲效同星戰首經典音樂,的確好好玩,佢仲帶埋呢隻識飛嘅R2-D2去Comic-Con曬命威威,手工咁精細,抵佢得戚嘅。BTW,除咗R2-D2,佢其實仲玩過識飛嘅Snoopy屋同埋警察局,一樣好好玩。

Read more ›
《Star Wars》千歲鷹降落美國Manhattan 突襲全球鬧市
by / on 22/06/2015 at 7:15 am

《Star Wars》千歲鷹降落美國Manhattan 突襲全球鬧市

年尾《Star Wars Episode VII: The Force Awakens》就上映喇,打機嘅仲有隻《Star Wars Battlefront》,星戰迷今年應該好唔得閒。啱啱上網見到設計師Nicolas Amlard呢輯星戰設計圖,好型好想share,概念係幻想星戰船突襲全球鬧市,大大架千歲鷹降落喺美國Manhattan岸邊、Star Destroyer又剷落巴黎鐵塔,仲有TIE Fighter墜落倫敦鬧市,好有末世感覺,而且P圖P得好迫真,入嚟有得慢慢欣賞。

Read more ›
【有片】日本推出R2-D2雪櫃 遙控發聲識行識著燈
by / on 03/06/2015 at 2:29 pm

【有片】日本推出R2-D2雪櫃 遙控發聲識行識著燈

R2-D2出過投影碟機,都出過雪櫃,但玩到咁盡可以遙控識得郁識得著燈擰頭發聲嘅,就真係第一次!呢個由日本電器品牌AQUA公開嘅「R2-D2型自走式冷蔵庫」下年會發售,1比1嘅呎吋,加埋內置充電池同遙控操作,可以話係絕地武士喺夏天絕對要擁有嘅神物!入嚟睇片,原力與凍飲同在。

Read more ›
《Star Wars》TOMY車仔一套五款       尤達大師目露兇光
by / on 30/05/2015 at 12:16 pm

《Star Wars》TOMY車仔一套五款 尤達大師目露兇光

TOMY車仔好多人鍾意儲,今次呢套《Star Wars》一式五款應該都好難忍得到手。有齊黑武士、白兵、尤達大師、R2-D2、C-3PO,仲專登將車頭整成佢哋嗰樣,最搞笑都係尤達大師,成個車頭蓋都係佢個樣,對耳就係倒後鏡,仲目露兇光。官方暫定7月18日開賣,每款918円。

Read more ›

【好想去】有片 倫敦《Star Wars》展覽 11個經典場景重現
by / on 16/05/2015 at 3:30 pm

【好想去】有片 倫敦《Star Wars》展覽 11個經典場景重現

星戰第7集今年12月就有得睇嘞,最近周圍都有星戰展覽,除咗日本六本木嗰個,仲有呢個今日開幕嘅倫敦展覽,地點係Madame Tussauds,入面重造返11個星戰嘅經典場景,包括黑武士講「I am your father.」嘅一幕。全部角色都係1比1,而且角色製作超精細,個樣真嘅一樣。搵咗180個專業人員包括雕刻家、髮型師、場景設計師、道具師用咗超過1年時間製作,最巨型係Jabba,重200kg,Chewbacca個頭都要用10個人1000小時完成,仲有比堅尼版Princess Leia,齋睇相都超興奮,去開歐遊一定要去行吓。

Read more ›
白兵出動攬貓貓    星戰501呼籲領養動物
by / on 11/05/2015 at 7:11 am

白兵出動攬貓貓 星戰501呼籲領養動物

官方認可嘅星戰部隊501st軍團(501st Legion),除咗推廣電影之外,其中一個重要使命就係參與慈善活動,最近加拿大嘅501軍團就幫動物團體The Ottawa Humane Society影咗輯相,呼籲大家領養被遺棄嘅動物,相中嘅白兵、Tusken Raider抱住可愛嘅貓狗,效果好特別,連啲動物都即刻型埋!

Read more ›
《星戰》Falcon當床瞓    狂迷阿爸公器私用
by / on 03/05/2015 at 1:40 pm

《星戰》Falcon當床瞓 狂迷阿爸公器私用

《星戰》入面架宇宙飛船Millennium Falcon我都好想坐吓,不過呢兩個o靚仔仲威,可以喺入面瞓!佢哋嘅《星戰》狂迷爸爸公器私用幫佢哋整咗架Falcon做床,型到震,每晚爬上去瞓都好似坐飛船咁,唔知會唔會發返同《星戰》有關嘅夢呢?BTW,可能佢哋其實未睇過《星戰》,唔知乜嘢係Falcon‥‥‥

Read more ›
新片速報 殘障小朋友左手重生 星戰Stormtrooper義肢
by / on 16/01/2015 at 7:09 am

新片速報 殘障小朋友左手重生 星戰Stormtrooper義肢

平時嘅cosplayer最多都係著晒全副盔甲加埋個假髮,不過呢位星戰小粉絲 Liam Porter連隻手都係星戰Stormtrooper嘅義肢,配埋個頭盔,全副武裝,好威風!呢件事幾感人,3D印刷專家John Peterson專登整咗隻Stormtrooper義肢送比好鍾意星戰嘅Liam Porter,仲同星戰501部隊合作,頒贈咗張證書同埋頭盔比佢襯埋一套,年紀細細嘅Liam Porter,戴上義肢之後露出嘅燦爛笑容,睇到我眼濕濕好滾動。

Read more ›
新片速報 出現了!《Star Wars: The Force Awakens》首條Trailer曝光!
by / on 28/11/2014 at 11:30 pm

新片速報 出現了!《Star Wars: The Force Awakens》首條Trailer曝光!

講咗好耐,期待咗好耐,終於今日就出咗首條預告喇!唔講咁多,2015年12月上映,預告片有白兵,有十字激光劍,有千歲鷹……

Read more ›

白兵長征   兩年時間步行遊澳洲   行爛20對鞋
by / on 14/11/2014 at 7:18 am

白兵長征 兩年時間步行遊澳洲 行爛20對鞋

型喎!呢位叫Scott Loxley嘅47歲星戰迷,為咗籌款興建兒童醫院,發起步行遊澳洲外圍一圏嘅行動,即係行足1萬英里嘅路!仲要著埋白兵盔甲巡遊,挑戰人體極限!暫時用咗年半時間行咗5600英里,行爛咗20對鞋,籌咗$19000美金。不過佢嘅目標好遠大,就係希望下年7月完成所有里數兼籌足$87000美金。佢之前仲成日同其他星戰501部隊 (501st Legion)探訪病童,好有愛心。支持佢嘅可以上佢Facebook比個like,或者更實際嘅入去撳個掣捐個款,金錢上支持吓佢。

Read more ›
萬聖節神cos   星戰Jawas秒殺對手
by / on 31/10/2014 at 7:15 am

萬聖節神cos 星戰Jawas秒殺對手

萬聖節扮乜好?reddit用戶放咗呢張相上網,即時秒殺其他對手。星戰入面嘅Jawas一向好適合小朋友扮,呢幾個除咗套衫似之外,對發光嘅眼仲極之傳神,但係會唔會睇唔倒路呢?btw,我都好想整返套。

Read more ›
星戰激光劍學院 進修激光劍技術
by / on 07/10/2014 at 7:09 am

星戰激光劍學院 進修激光劍技術

各位星戰迷,有無諗過激光劍技術都有得進修?外國不愧係地大物博,居然有間叫Ludosport International嘅學院,專門教人使用激光劍抗敵,主要教大家一招半式用激光劍攻擊敵人。課程推出咗之後反應好好,大把人爭住學。而家喺英國、羅馬、俄羅斯都有學院教學。好!係時候將屋企把封晒塵嘅激光劍出鞘喇!

Read more ›
《星戰》白兵變金   激罕紀念版只限會員預訂
by / on 14/08/2014 at 8:11 am

《星戰》白兵變金 激罕紀念版只限會員預訂

一諗起星戰同金色,我只會諗起C-3PO,估唔到白兵變金色原來都幾靚仔。呢個限量版白兵胸像,由美國Gentle Giant製作,目的係紀念公司成立10週年,想買極有難度,因為要先比$80美金成為會員先有機會預購,不過胸像都係賣$100美金,唔算貴。白兵旁邊仲跟咗隻Mouse Droid機械人,預計今年第四季推出。做唔做會員好?

Read more ›