Post Tagged with: "昆蟲"

日本小朋友愛昆蟲     畫花功課簿對抗超可愛
by / on 26/06/2018 at 7:40 am

日本小朋友愛昆蟲 畫花功課簿對抗超可愛

小朋友嘅童真喺大人眼中特別可愛,由於呢個日本小朋友好鍾意昆蟲,所以當佢見到功課簿上面寫住隻蟲要死嘅時候,佢完全接受唔到,仲畫花晒佢,好可愛。不過佢會唔會喺屋企捉住啲曱甴嚟玩架?

Read more ›

【新片速報】日本昆蟲激鬥 片尾秒殺對手Twitter熱傳
by / on 01/08/2017 at 7:41 am

【新片速報】日本昆蟲激鬥 片尾秒殺對手Twitter熱傳

呢段片好精彩,特別係臨尾嗰一秒鐘!難怪喺日本Twitter好多人分享。一開始兩隻中型嘅セアカ開始對戰,睇落勢均力敵,不過好快左邊嘅選手就一手舉起對手,之後用一用力,完勝好刺!希望被拋走嗰隻都冇事啦,同埋係咪唔應該俾佢哋咁樣玩?

Read more ›
有片:昆蟲唔識條鐵識藝術 藝術家用毛毛蟲作畫
by / on 11/04/2017 at 4:15 pm

有片:昆蟲唔識條鐵識藝術 藝術家用毛毛蟲作畫

藝術嘅嘢,我哋識條鐵咩?我哋唔識,但藝術家Steven Kutcher識,唔只Steven Kutcher識,連昆蟲都識。藝術家將唔同顏色嘅無毒顏料搽喺毛毛蟲呀、金龜子呀等等昆蟲身上,之後任由佢哋打橫打直打斜打圈不規則亂咁喺畫紙上面爬,用昆蟲走過嘅足跡完成一幅幅畫作。完成畫作後,Steven Kutcher都好細心,會同佢啲寶貝昆蟲沖番涼……講真,呢啲畫,照計你我他都識得畫,係敢唔敢畫啫。

Read more ›
香川照之從影大突破 cosplay大螳螂Twitter熱傳
by / on 11/10/2016 at 7:15 am

香川照之從影大突破 cosplay大螳螂Twitter熱傳

日劇經常見到嘅香川照之,平時都係做吓奸角居多,最深印象應該係《半澤直樹》入面嘅大和田。不過今次佢上NHK嘅昆蟲節目就好大突破嘞,居然扮一隻大螳螂!啲相迅速喺網上瘋傳,原來香川照之一直嘅心願係主持昆蟲節目,又原來,佢一直都對昆蟲好有研究,今次都算係如願以償。可能反應太好,電視台將會喺10月23日下午4點半重播節目,到時又有得重溫嘞!

Read more ›
屍體變藝術品 日本人用兩萬隻鍬形蟲千手觀音
by / on 28/03/2016 at 9:15 pm

屍體變藝術品 日本人用兩萬隻鍬形蟲千手觀音

好佩服日本人,唔理係乜,總之去到日本人之手,都總有辦法變成藝術品。日本群馬縣板倉町文化館有一座千手觀音座,高1.8米,不論頭臉、千手、衣飾、權杖甚至連基座都用昆蟲屍體砌成,屍體數目大約兩萬隻,製作者叫稻村米治,半夜三更出動,到郊區搜集昆蟲屍體,屍體大部份屬鍬形蟲,執完屍仲要依大小、長短同顏色分類,分完類仲要落藥製成標本,之後先可以慢慢依比例砌。觀音像肢體合乎比例,五官輪廓分明,好多細節位都照顧周到,真係少啲心力同眼水都砌唔掂,比起強國人一味只鍾意甚麼金佛像銀觀音,我覺得呢尊昆蟲版千手觀音靚一百倍嘞,唔知大家點睇?

Read more ›
日本Circle-K便利店最多昆蟲 中一生研究網上爆紅
by / on 15/03/2016 at 7:13 am

日本Circle-K便利店最多昆蟲 中一生研究網上爆紅

最近日本中一生西川充希做咗個實驗,仲成為網絡間熱話,話說佢去咗39間超市做調查,睇吓邊間店最多昆蟲,最後發現Circle-K便利店最多,其次係Lawson,Family Mart同7-eleven排最尾。不過唔好以為因為Circle-K特別污糟,原來係因為店舖嘅光暗度同埋紫外線含量吸引到昆蟲。呢個研究而家喺三重縣綜合博物館展出緊,除咗西川,仲有館內嘅大島康宏一齊合作研究,由於前無古人,研究結果唔止放上Twitter後爆紅,仲會喺月底大阪舉行嘅「日本昆蟲學會大學」發表,後生可畏呀!

Read more ›

神級昆蟲藝術家 爛銅爛鐵變出超像真螳螂
by / on 27/12/2015 at 11:05 am

神級昆蟲藝術家 爛銅爛鐵變出超像真螳螂

好勁!呢位叫JK Brown、來自英國嘅神人,強項係用爛銅爛鐵砌成唔同嘅昆蟲或者動物,創意同精細程度都去到神級,由佢雙手創造嘅包括草蜢、螳螂、蝴蝶、蛇、青蛙都超像真,尤其是隻螳螂,像真到有啲恐怖。不過藝術家都要食飯,佢嘅所有作品可以喺網站Etsy買得到,而且唔平,鍾意昆蟲嘅可以入去shopping買份新年禮物比自己。

Read more ›
新片慎入 直擊捉蟲 耳窿藏8cm蟋蟀
by / on 15/10/2014 at 8:27 pm

新片慎入 直擊捉蟲 耳窿藏8cm蟋蟀

細個好似聽老師講過,話人嘅耳洞會有分泌,令啲昆蟲唔會走入去。唔知係唔係,但我諗總會有啲昆蟲唔係好驚呢啲分泌,正如有啲人唔怕核突會睇呢條片一樣。呢條片見到醫生先生照入病人隻耳,驚見裏頭有隻蟋蟀,於是加埋隻鉗捉佢出嚟……捉咗出嚟,發現有成8cm長,嗚!  

Read more ›
LEGO昆蟲系    螳螂/蚯蚓/蜻蜓/蜘蛛標本展
by / on 08/03/2013 at 3:38 pm

LEGO昆蟲系 螳螂/蚯蚓/蜻蜓/蜘蛛標本展

呢套嘢,我見倒當堂嚇一跳!LEGO喎,螳螂喎!我仲見倒蚯蚓、蜻蜓、蜘蛛,好勁!名為LEGO昆蟲系列, 手功超精細,用色都好靚,草蜢嘅手腳相信可以輕微郁動改姿勢。由兩個資深Lego迷Siercon and Carol製成,佢哋嘅flickr戶口仲有好多例如蝴蝶、蜜蜂嘅昆蟲標本開放比大家參觀。見倒啲蜘蛛腳,我居然有啲毛管彤!

Read more ›