Post Tagged with: "早餐"

【新片速報】日本貓奴僧人好識嘆 貓貓陪食早餐
by / on 02/02/2019 at 12:42 pm

【新片速報】日本貓奴僧人好識嘆 貓貓陪食早餐

喺日本做和尚好多都有高學歷,而且可以食肉,甚至養貓。好似長樂寺呢個Twitter帳戶「那須の長楽寺」,就經常見到和尚同屋企4隻貓一齊食早餐嘅開心情景。睇片見啲喵星人朝朝陪住主子食早餐,原來途中佢哋都可以分到零食嘅,超可愛!BTW,呢位和尚嘅早餐好豐富,有時打邊爐有時湯烏冬,仲有西式早餐,人同貓都好識嘆呀!入嚟有多啲相同片睇。

Read more ›

北海道超正酒店早餐 魚子刺身任食自製海鮮丼
by / on 22/09/2018 at 8:36 am

北海道超正酒店早餐 魚子刺身任食自製海鮮丼

好吸引呀!鍾意食魚子嘅朋友,見到呢幾張相應該會好肚餓。日本漫畫家分享咗佢住嘅酒店嘅早餐,可以自製「海鮮丼」,材料有大大量嘅魚子、三文魚同吞拿魚蓉等等,啲魚子好似唔洗錢咁可以任裝,好吸引!地點係北海道函館嘅酒店「ラビスタ函館ベイ」,有網民話呢度嘅風呂都超正,睇返資料,呢到嘅早餐好出名,有大量刺身任選,入嚟有回帶。下次去開附近可以考慮住呢間。

Read more ›
【新片速報】超強骨牌效應影片 食早餐啟動大量機關
by / on 16/05/2018 at 8:26 am

【新片速報】超強骨牌效應影片 食早餐啟動大量機關

呢類型嘅骨牌效應示範片之前都睇唔少,不過今次呢個真心勁,拍片示範嘅係外國嘅Joseph’s Machines頻道,專門設計呢類型裝置。今次由佢食早餐拎起隻杯飲嘢開始,直至佢最後食埋蛋糕,期間有超多機關,每個設計都勁精妙,中間仲有埋小朋友參與,超正!段片喺Twitter已經超過150萬瀏覽,入嚟有得睇。

Read more ›
【連環圖】日本超曳倉鼠仔 偷食人類早餐兼賣萌
by / on 19/05/2017 at 7:27 am

【連環圖】日本超曳倉鼠仔 偷食人類早餐兼賣萌

倉鼠仔最鍾意捐窿捐罅,真係睇少一眼都唔得。最近有日本網民放咗呢幾張連環圖上Twitter,吸引好多人RT。原來佢唔記得閂埋裝滿穀物類早餐嘅玻璃樽蓋,結果就走咗隻鼠入去嘞!雖然樓主嘅留言喊晒口,但睇佢影相影得咁開心,應該唔係真係嬲嘅。BTW,希望呀鼠無喺入面開大開細‥‥‥

Read more ›
【療癒系】8款蛋黃哥醒神早餐 納豆屁股好健美
by / on 05/01/2016 at 7:10 am

【療癒系】8款蛋黃哥醒神早餐 納豆屁股好健美

RE-MENT出嘅「蛋黃哥」食玩系列又有新作,作為食得嘅蛋黃哥,出食物最順理成章,今次推出嘅係早餐系列,一共有8款出餐,中、西、日都有,款款睇落都好好味。精選食品包括有跌咗落水嘅生蛋熱飲、蛋三文治、西式煎蛋、日式蛋奄列‥‥‥不過最搶眼都係納豆上嘅一個蛋黃哥屁股,好健美,唔落足眼力都睇唔倒。預計今個月18日推出,未推出前可以去食返個豐富早餐醫肚先。

Read more ›
西瓜pizza引起爭議     早餐食pizza是常識
by / on 14/07/2015 at 7:09 am

西瓜pizza引起爭議 早餐食pizza是常識

早兩日介紹過菲律賓KFC嘅炸雞pizza,諗起都肚餓,啱啱喺外國網Imgur就見到呢個西瓜pizza,清清涼涼幾健康,其實只係西瓜切成三角形,上面舖上雜果同灑咗少少芝士,對於大魚大肉慣嘅鬼佬嚟講當然睇唔過眼,馬上平反話呢個「唔配叫pizza」,然後就貼佢心目中嘅pizza ─ 芝士拉晒絲茄汁舖滿批面,睇相啲口水都滴晒出嚟,佢仲話早餐食pizza先係皇道,好多網民支持佢,睇得出樓主對pizza好執著好堅持,我好欣賞佢!

Read more ›

有片   Keyboard窩夫做早餐 打工仔好開胃
by / on 01/12/2014 at 7:11 am

有片 Keyboard窩夫做早餐 打工仔好開胃

星期一食早餐,有乜好得過煮咗過Keyboard佢,食完再翻瞓?講笑啫,我指翻瞓方面,但係食keyboard就真有其事。設計師Chris Dimino整咗個keyboard窩夫工具,有啲似香港嘅格仔餅,不過就完全參照keyboard造型,每個窿窿上面仲可以放蜜糖、牛油、朱古力醬,總之就可以容納多啲肥死人嘅材料。而家喺kickstarter集緊資,係啦,食飽啲啦,食完好專心做嘢喇,今日星期一喳。

Read more ›
飛機餐巡禮 Hello Kitty早餐好豐富 美國有千層麵
by / on 19/10/2014 at 1:22 pm

飛機餐巡禮 Hello Kitty早餐好豐富 美國有千層麵

身邊有朋友好鍾意食飛機餐,每次都會留定肚,食嘅時候又會影底相放上fb。我反而比較有興趣不同航空公司嘅飛機餐有咩食,尤其是我無錢坐嘅商務客位嘅食物。外國網buzzfeed搜羅咗世界各地嘅飛機餐,台灣桃園機場去福岡嘅Eva Airways,business class有Hello Kitty早餐食,筷子同叉嘅包裝都係Hello Kitty。美國航空由倫敦去達拉斯有芝士肉醬千層麵,睇落好正。仲有大量千奇百趣嘅飛機餐,入嚟慢慢醫肚。

Read more ›
16個國家學童早餐相集    法國最大份  台灣食滯咗
by / on 22/09/2014 at 7:22 am

16個國家學童早餐相集 法國最大份 台灣食滯咗

今朝趕頭趕命出門口,有無食早餐?外國網搜羅咗世界各地學童嘅早餐相,有熟悉嘅台灣、日本、南韓,亦有千奇百趣嘅烏克蘭、捷克等國家,總共16份早餐,西人果然大食,法國份早餐似乎最具份量,至於台灣嘛,一早隊咁大盒飯,會唔會飽得滯?

Read more ›
醒神早餐戒指    齋睇唔食得
by / on 02/03/2014 at 1:30 pm

醒神早餐戒指 齋睇唔食得

粟米沙律、熱香餅、太陽蛋‥‥‥今朝早餐你食咗咩?可惜呢堆咁好味嘅早餐唔放得入口,只可以戴喺手。喺Etsy網站有得賣嘅食物戒指,外形幾像真,店名係CaseyTheCrafter,店主都幾靚女,每隻戒指賣港幣$128起。睇真啲仲有生蠔、帶子!噢,打打吓字都流口水!

Read more ›
網圖分享:靚到似畫,忽然好想食早餐!
by / on 15/10/2013 at 12:00 pm

網圖分享:靚到似畫,忽然好想食早餐!

不嬲都無早餐癮,鬼咩,起身太陽伯伯已經喺頭殼頂咯,食Lunch好過啦。不過咁,如果有人肯為我預備以下精美早餐,我又唔介意早啲起身呀。

Read more ›

星期日悠閒靚早餐    網站過百食譜DIY
by / on 08/09/2013 at 11:32 am

星期日悠閒靚早餐 網站過百食譜DIY

星期日悠悠閒,你會選擇啪個出前一丁,定係喺廚房起個壇整個靚早餐?外國網站little nummies入面有大量靚到唔捨得放入肚嘅食物,全部擺到好似一幅畫咁精緻,因為靚媽Kellie Strickland有三個女,每日淨係諗煮乜嘢氹佢哋開心都諗到頭痕,於是開埋網站將作品公諸同好,有埋整法等大家跟住學,不過靚還靚,睇落應該唔多飽肚,唔知佢三個囡囡有無同感?

Read more ›
日本IKEA送早餐    點解無瑞士肉丸?
by / on 25/03/2013 at 7:51 am

日本IKEA送早餐 點解無瑞士肉丸?

好耐無行IKEA,唔知而家仲有無我好鍾意食嘅瑞士肉丸呢?不過話時話,我都未試過喺IKEA食早餐,日本部份地區嘅IKEA由3月23日至31日有免費早餐送,包括炒蛋啦、一塊煙肉啦,仲有幾塊薯仔同埋一篤茄汁,睇落幾清淡,不過要早起身,同麥當勞一樣,都係11點前供應。噢,睇真啲,原來佢原價都係賣99円,同佢平時啲嘢食一樣咁抵喎。

Read more ›
醒晨早餐系列    藍天白雲煎蛋無難度
by / on 01/02/2013 at 7:15 am

醒晨早餐系列 藍天白雲煎蛋無難度

有咩好得過一早起身有早餐煎蛋食?呢個煎蛋器由Avihai Shurin設計,將蛋黃打入太陽位置,蛋白會自動流去旁邊變成一嚿白雲。呢份早餐睇見都開心,煎蛋器賣美金$12,可以令人會心微笑,一啲都唔貴吖。如果嗰日起得早,仲可以好似其他示範圖咁砌埋雀仔、單車、樹林,不過最重要梗係有人煮比自己食啦。

Read more ›