【送別最後一班車】唯一女高中生乘客畢業 日本北海道JR車站正式關閉

之前報導過JR北海道石北本線「旧白滝」,每日只有往返兩班列車會停站,而每日只有1名女高中生會搭車,由於呢位女高中生畢業,車站之前宣佈3月26日會關閉,好多媒體都有廣泛報導。有日本媒體就趁關閉日親身去咗車站,原來呢個車站已經有69年歷史,當日好多當地居民同媒體去咗車站向最後一班列車致敬,車站亦掛起橫額多謝市民支持,亦搭建咗個帳篷提供免費牛奶同蕃蕃比嚟送別嘅市民。雖然「旧白滝」同之前已經關閉咗嘅「下白滝駅」同一命運,不過當地嘅居民仍然可以去設備齊全啲嘅「白滝駅」搭JR嘅。再見喇「旧白滝駅」。

Read more ›