Post Tagged with: "日清"

日清合味道杯麵「保溫杯」 扮飲杯麵湯期待量產
by / on 08/08/2020 at 2:00 pm

日清合味道杯麵「保溫杯」 扮飲杯麵湯期待量產

合味道杯麵出保溫杯?日本Cup Noodle嘅Twitter成日都有得意創作,最近熱傳有呢個概念產品,夏天出街裝住凍茶,拎出嚟飲人哋仲以為你飲緊杯麵湯,幾有個性!可惜仲未有計劃量產,BTW我其實鍾意飲杯麵湯多過凍茶凍水嘅。

Read more ›

日清杯麵剩湯變「茶碗蒸」 實試分享睇落唔難
by / on 25/03/2020 at 7:38 am

日清杯麵剩湯變「茶碗蒸」 實試分享睇落唔難

最近大家留多咗喺屋企,好多人都變咗廚神。日本有媒體最近試咗呢款杯麵蒸蛋「茶碗蒸」,之前日清嘅官方Twitter都教過,做法好簡單,食完嘅杯麵加隻蛋落去,攪拌後倒入可以入微波爐嘅容器內,放入微波爐叮2分半鐘就搞掂,如果留返啲杯麵嘅餸例如蛋、蝦,完成品效果仲好啲,有興趣下次可以試吓!

Read more ›
【有片】《One Piece》 x 合味道CM最終回 「頂上騎馬戰篇」超多彩蛋
by / on 07/02/2020 at 7:23 pm

【有片】《One Piece》 x 合味道CM最終回 「頂上騎馬戰篇」超多彩蛋

終於嚟到最終回,日清呢系列窪之内英策《One Piece》CM真係高質嘅,最終回今日公開係「頂上騎馬戦篇」,有網民發現有好多向原作致敬嘅位,仲有Ace「死」時,右下日清標記又會消失等等……

Read more ›
日清杯麵四驅車/ 謎肉扭計骰 超正精品官網換領
by / on 15/11/2019 at 7:58 am

日清杯麵四驅車/ 謎肉扭計骰 超正精品官網換領

日清杯麵大家食得多,所以見到佢推出嘅產品都會特別想要,好似呢架由杯麵改製而成嘅四驅車,每邊角位仲有粒蝦仔!另外用謎肉整成嘅扭計骰都超正,仲有日清花束、雞仔精品等等,仲有日清代言人,NAB球員八村 壘嘅簽名背囊。可惜全部都無得買,想得到就要去日清嘅官網買限定商品儲積分換領,入嚟有多啲圖同埋link。

Read more ›
日清從良推出「健康杯麵」      貴啲健康啲3款味道
by / on 10/08/2019 at 11:25 am

日清從良推出「健康杯麵」 貴啲健康啲3款味道

日清杯麵都係快食無營養,不過最近佢哋出咗個「All-In Series」,標榜營養行先,而且設計簡約,總共有3款味道,包括辣油叉燒麵、冬蔭功麵同埋花椒辣麵。每包麵包含13種維他命、13種礦物質、蛋白質及膳食纖維,比平時嘅公仔麵嘅碳水化合物減少40%,睇資料都感覺到健康。而家主要喺網站買到,價錢都貴少少,每個淨麵400円,杯麵就600円,一次過買套裝會平少少,專家仲教你點樣用嚟煮不同嘅料理,好認真,官網有多啲資料。

Read more ›
【有片】日清合味道致敬 扮PlayStation CM玩「1、2、3!」
by / on 29/11/2018 at 8:26 pm

【有片】日清合味道致敬 扮PlayStation CM玩「1、2、3!」

嚟緊12月3日就推出嘅PlayStation Classic,大家有冇睇過呢個「1、2、3!」廣告?其實呢個廣告本身已經係向初代PS推出時嘅廣告致敬。不過今次就輪到同樣喺12月3日會有「カップヌードル謎肉丼」推出嘅日清合味道拎嚟玩。

Read more ›

日清出「三代目謎肉祭」杯麵 3款「謎肉」解構
by / on 16/09/2018 at 1:47 pm

日清出「三代目謎肉祭」杯麵 3款「謎肉」解構

仲記唔記得呢款「謎肉祭」杯麵?入面全部都係唔知咩肉嘅肉粒,嚟緊日清仲出「三代目謎肉祭」,即係包括3款「謎肉」,而三種肉除咗原來嗰款之外,仲多咗款白肉同辣肉。至於材料方面,其實都唔係「謎」嚟嘅,官方話平時嗰隻係豬肉加大豆加蔬菜,而今次新加嘅「白肉」就係雞加豬,而「辣肉」就係豬肉底,有啲似之前出過嗰隻「珍種謎肉」。9月17日有得買,價錢205円,去開日本嘅謎肉迷記住留意吓。

Read more ›
【有片】日清奇妙產品 超體貼杯麵專用道具 彈走蓋底配菜
by / on 17/05/2018 at 4:56 pm

【有片】日清奇妙產品 超體貼杯麵專用道具 彈走蓋底配菜

唔,我只能夠話食杯麵原來都可以好講究。日清又有奇妙產品推出,專門俾「日清焼そばU.F.O.」用嘅,即係淥完要倒走啲水嗰隻撈麵。咁可能你都會遇過,就係倒走啲水之後打開個蓋,啲配菜黐晒喺個蓋底喎,點算呀?有咗呢個「キャベバンバン CBB-001」就唔需要擔心,蓋上面部份有幾條橡筋連住,一拉一彈,據統計(!?)超過80%黐喺蓋底嘅配菜都會跌番落個麵度,咁就食得更加方便,更加爽啦?由即日至5月31日10點,預約數達1000個就掂喇,4,980円……

Read more ›
日清杯麵概念領呔 下屬扮勤力專用
by / on 24/03/2018 at 7:27 am

日清杯麵概念領呔 下屬扮勤力專用

點樣表達到俾你上司睇你時刻都好努力好忙?日清杯麵嘅Twitter經常都有概念產品睇,今次有呢條杯麵領呔。食晏時間出唔到去只可以食杯麵?忙到下午茶時間都未食晏只可以快食個杯麵?又或者OT到夜一夜都係坐喺自己位食杯麵醫肚?總之一見到老細就拎佢出嚟扮吓嘢,好慘呀!我好勤力呀!快啲加我人工啦!

Read more ›
【有片】勇氣與膽量的考驗 日清出杯麵花束
by / on 05/02/2018 at 5:00 pm

【有片】勇氣與膽量的考驗 日清出杯麵花束

送花俾女神,本身都已經要鼓起個勇氣先得,咁不如玩盡啲,攞自己嘅命運嚟玩吖?日本日清今次好認真,直情有埋「NISSIN Bouquet Shop」網上商店,即日起發售,每束花都有7個杯麵,而且仲有4種唔同配搭,分別代表愛、優雅、華麗、綜合,各2,760円。

Read more ›
新片速報 日清「Hungry Days」最終回 超大量彩蛋
by / on 29/01/2018 at 10:39 pm

新片速報 日清「Hungry Days」最終回 超大量彩蛋

經過青春版《魔女宅急便》同《飄零燕》同《海螺小姐》之後,呢個「HUNGRY DAYS」宣傳片嚟到「最終回 篇」,今次勁,大量致敬作品登場,仲有之前幾個作品嘅元素都有出場,多到已經有人剪輯咗10分鐘詳細解說動畫!超好睇!我都仲睇緊,不過報咗先,一齊討論吓你見到咩。

Read more ›

超正日清合味道「杯麵拉炮」  一拉噴麵條蝦粒牛肉粒
by / on 21/12/2017 at 7:21 am

超正日清合味道「杯麵拉炮」 一拉噴麵條蝦粒牛肉粒

今次呢件產品唔係惡搞,係日清杯麵真係推出咗嘅杯麵拉炮!外形係一個杯麵,一拉之後,平時杯麵入面嘅麵條、蝦仔、牛肉粒同蔥噴晒出嚟,全部都係彩帶同紙片製成,但像真度好高,超搞笑!噚日開始發售,一包4個賣270円,好想買套玩吓呀!

Read more ›
日本推出大杯裝「Pizza杯麵」  11月13日有得試
by / on 02/11/2017 at 7:20 am

日本推出大杯裝「Pizza杯麵」 11月13日有得試

杯麵同Pizza都係居家打機必備嘅,日本嘅日清合味道杯麵最近宣佈推出呢款「Pizza杯麵」,全名係「芝士Pizza薯仔蕃茄味大杯麵」,睇名都知勁勁哋。除咗以上材料,仲有幾粒菜同埋豬肉,即係大家平時見慣嗰啲,11月13日發售,去開日本可以買個試吓。

Read more ›
【新片速報】星野源‧吉岡里帆變狐狸 日清新廣告fans必睇
by / on 28/10/2017 at 5:30 pm

【新片速報】星野源‧吉岡里帆變狐狸 日清新廣告fans必睇

月初都出過一輯,呢個日清廣告有吉岡里帆戴狐狸耳仔,好可愛。啱啱又有新廣告,今次嘅「どん兵衛烏冬」新廣告,連男主角星野源都變埋狐狸仔,女fans應該覺得好可愛嘞。佢哋對耳仲識郁嘅,講真話定講大話一睇就知。入嚟有得睇晒兩個CM,BTW,個麵睇落好似幾好食,下次買個試吓先! 

Read more ›
【有片】食杯麵要「o雪o雪」聲 日清推出發聲叉賣14,800円
by / on 23/10/2017 at 4:31 pm

【有片】食杯麵要「o雪o雪」聲 日清推出發聲叉賣14,800円

日本人食麵鍾意「o雪o雪」聲,係喎,係好似好味啲喎。不過之前都有節目講過,就係有啲外國人就唔係好習慣,咁點?除咗叫佢入鄉隨俗同埋啋佢都傻之外,「日清食品」研發咗呢個「音彦 -OTOHIKO-」產品,而且仲係佢嘅「Product X (ペケ)」系列產品第一彈!咁點用呢,就係連接電話,當你用佢嚟食麵食到「o雪o雪」聲嘅時候,佢就會發出效果聲效,順便蓋過你嘅食麵聲,從而打破人與人之間嘅隔膜同偏見。日清喎,真唔真呀?真喎,話只要即日至12月15日達到5,000個訂單,佢就會生產,14,800円隻。

Read more ›