fbpx

Post Tagged with: "日本"

日本女中學生設計 新游泳課制服極過份
by / on 08/04/2014 at 3:55 pm

日本女中學生設計 新游泳課制服極過份

真係好過份。以前嗰隻游衣咪好囉,大家睇動漫畫都睇慣咗,點解要改?你哋咁細個就唔顧其他人嘅感受,大個咗仲得了?「静岡市葵区の静岡大付属静岡中」中3學生「藤田アレン」同「山脇真奈」,就係呢兩個14歲中學生設計呢套「Hello Swim Wear」出嚟o架喇。

Read more ›

新片速報 超浮誇日本大學入學禮 十足偶像團演唱會
by / on 08/04/2014 at 3:16 pm

新片速報 超浮誇日本大學入學禮 十足偶像團演唱會

之前睇過畢業禮啲大學生玩Cosplay啦,今次就輪到入學禮。4月係新學期開始嘅時候,呢間東大阪市嘅近畿大學,喺4月5日就嚟咗個超勁入學式!佢哋搵學生組織咗隊「Kindai Girls」,而且仲搵嚟打造過「Morning娘」嘅淳君籌劃舞台表演!入嚟有片睇,佢哋被問到點解駛咁多錢嘅時候,佢哋就答:「我哋為咗鼓勵嗰1/3唔係揀近畿大學做第一志願而入學嘅學生。」理由充份。

Read more ›
George Clooney日本賣啤酒 Batman聲叫:「Kimochii!」
by / on 07/04/2014 at 3:40 pm

George Clooney日本賣啤酒 Batman聲叫:「Kimochii!」

日本品牌好鍾意搵國際影星賣廣告,之前有Tommy Lee Jones,又有Jean Reno扮叮噹。最近George Clooney都嚟喇,佢賣麒麟啤,油緊屋頂嘅佢見到隻雀,撚咗一輪之後就開罐淡麗飲,最後嗌咗句:「Kimochii!」日本網話佢把聲好似Batman喎。

Read more ›
超像真雀仔高踭鞋    京都展出
by / on 07/04/2014 at 7:07 am

超像真雀仔高踭鞋 京都展出

女人天生鐘意買鞋,喺佢哋心目中,鞋就好似一件藝術品,即係好似男人眼中嘅高達模型。日本享負盛名嘅藝術家串野真也都係咁諗,於是將一對對高踭鞋設計成藝術品,仲非常之高不可攀。最新作品Bird-witched系列,鞋踭變晒雀仔腳,鞋身鞋頭無論用料設計都十足一隻雀仔咁,而且有腳,睇落雖然有少少恐怖,不過手功勁精緻。而家呢幾對鞋喺京都國立近代美術館展出緊,嚟緊仲會移師美國嘅Brooklyn Museum博物館展覽。入嚟仲有串野真也其他靚鞋,一樣嚇死你。

Read more ›
睇波神器 日本免提望遠鏡
by / on 06/04/2014 at 1:43 pm

睇波神器 日本免提望遠鏡

正喎,現場睇波就梗係有用,望過對面樓睇波都一樣啱使!咁仲有咩用途呢?仲可以去睇雀,或者帶去睇演唱會,嘩用途多到我諗要買定兩個放喺度替換先得!500円一個,2.8x放大。不過講到最吸引,係戴住佢夠型棍吖嘛!人有得校遠近同普通。

Read more ›
新片速報 日本出生134日北極熊仔 散步曬太陽
by / on 05/04/2014 at 4:12 pm

新片速報 日本出生134日北極熊仔 散步曬太陽

我心情好矛盾,其實動物梗係應該喺野外生活,但如果動物園對佢哋好又唔係要佢哋表演,有得食有得住有得玩有得瞓,係咪都唔錯呢…..和歌山縣白濱町「Adventure World」呢隻上年11月出世嘅北極熊仔,啱啱134日大,身長80cm,重19.91kg,由飼養員帶佢出嚟散步見吓大家,十級可愛!

Read more ›

龍捲風斟啤酒裝置 由底灌入 泡更靚
by / on 05/04/2014 at 11:46 am

龍捲風斟啤酒裝置 由底灌入 泡更靚

  日本人超鍾意飲啤酒,而且對啤酒都有好高要求,尤其飲生啤時嘅泡沫。呢個叫「Tornado」係Asahi嘅發明,可以由杯底斟啤酒,應該係話灌啤酒入個杯度,據講咁樣啲泡就更加幼滑喇,而且仲有燈射上嚟,好有型。雖然呢個裝置喺2012年已經出現,但全國只有150部,仲未普及,好似我咁未見過嘅,入嚟有日本傳媒拍嘅片睇。

Read more ›
新片速報 日產廣告玩驚喜硬感動
by / on 04/04/2014 at 11:35 pm

新片速報 日產廣告玩驚喜硬感動

呢個Nissan汽車「Happy Surprise Campaign」廣告,就係玩驚喜玩親情。先係一對母子同一對兒童演員上車,咁阿媽就以為只係同阿仔拍少少宣傳片,去到一半已經嚟料,8歲阿仔諗住聽音樂,點知後面條細路拎個小提琴出嚟,阿媽仲以為套音響咁鬼立體聲……

Read more ›
新片速報 母子親情動畫 賣麵鼓湯廣告
by / on 03/04/2014 at 3:21 pm

新片速報 母子親情動畫 賣麵鼓湯廣告

日本好興用動畫做廣告,最正梗係新海誠嗰啲,真係唔關事都要睇兩次。啱啱就又有新動畫廣告上場,呢條「料亭の味 たっぷりお徳 母と息子篇」由「映像株式会社ロボット」、「制作会社スタジオコロリド」、新井陽次郎監督製作,講母子情。話時話,其實沖嗰啲麵鼓湯都真係幾好味吖。

Read more ›
新片速報 日本空姐首日換短裙制服 長期用手遮裙底
by / on 02/04/2014 at 7:34 pm

新片速報 日本空姐首日換短裙制服 長期用手遮裙底

「航空会社スカイマーク(Skymark)」早前宣佈會換上超短裙制服,嗚呀!真係好短,真係好白。不過5月正式期間限定換制服之前,喺4月1日就搞咗個1日活動先,有日本傳媒拍咗片,不過只限未上機前,上咗機就唯有靠圖文形容,佢哋話啲空姐成日要用手遮住裙底……就係因為太短,亦有乘客話條裙咁短做嘢唔方便,如果我喺現場,我會同啲空姐講:「小姐,你唔駛用手遮住咁辛苦,我應承你,我唔偷睇。」

Read more ›
【有片】日本零食廣告 印度Bollywood激烈的勁舞肥仔
by / on 02/04/2014 at 3:05 pm

【有片】日本零食廣告 印度Bollywood激烈的勁舞肥仔

呢位肥仔,8歲大,叫Akshat Singh,因為印度電視節目「India’s Got Talent」走紅,仲上過美國節目「Ellen DeGeneres Show」。最新就係日本「三幸製菓」搵佢拍咗個Bollywood式歌舞片廣告,片中佢展露強勁嘅舞技,強勁嘅節拍感同高難度嘅動作,加埋誇張嘅表情,我唔知講咩好,淨係想請佢食咖哩。

Read more ›

極速傳說!京都商店街辦公室椅滑行比賽
by / on 02/04/2014 at 2:48 pm

極速傳說!京都商店街辦公室椅滑行比賽

你平時坐喺寫字椅上面,有冇習慣鍾意跣嚟跣去?嗰種感覺都相當爽快,不過如果封咗條路俾你飆番團,應該仲爽。啱啱周末喺京都府「京田辺市にあるキララ商店街」就舉行咗第5屆「事務用椅子」比賽,分為直線30米同1周180米嘅賽道,當然唔少得係變裝嘅參賽者,有啲仲半路爛咗個轆要入pit……一齊進軍全國啦!

Read more ›
48套死前必睇動畫  《阿基拉》《秒速5厘米》入榜
by / on 02/04/2014 at 7:08 am

48套死前必睇動畫 《阿基拉》《秒速5厘米》入榜

如果只剩返一個月命,有邊套動畫一定要睇?外國網站imgur做咗個專題,揀咗48套死前必睇動畫,有《龍貓》、《天空之城》等大量宮崎峻作品,仲有《阿基拉》、慘到極嘅《再見螢火蟲》、我哋編輯爆炸哥好鐘意嘅《秒速5厘米》等等,入嚟有得慢慢睇。唔少作品我未睇過,好想即刻射波返屋企睇。咦,點解無《新世紀福音戰士》?!  有無邊套係你嘅心水? 

Read more ›
今日發售 麒麟啤推出1ml啤酒
by / on 01/04/2014 at 10:16 am

今日發售 麒麟啤推出1ml啤酒

今日4月1日,麒麟啤決定照顧一眾唔飲得又想得閒飲一啖啤酒嘅fans,決定推出超迷你版麒麟啤酒Mini!就算隊晒成罐揸車都唔驚!留意,係今日,4月1日推出。

Read more ›
日本枝豆製冰器   逐粒唧入口
by / on 01/04/2014 at 6:52 am

日本枝豆製冰器 逐粒唧入口

去親日本居酒屋都必嗌枝豆,一排三粒青bb青豆,最啱一邊食一邊飲燒酒。通常枝豆都係用手指逐粒豆唧入口食,諗起都爽!如果你都係同好,呢個枝豆製冰器有無令你有衝動想買個返屋企?每次可以雪三粒大圓球冰,飲時用手逐粒唧出嚟,好有食枝豆嘅神髓,而且據講呢啲枝豆冰比起一般冰粒溶化速度慢八成,賣英磅10蚊一排,即係港幣約$130,不過運費都要成10英磅,有無枝豆迷想一齊團購?

Read more ›