Post Tagged with: "日本"

去唔去?日本網民發現 京都酒店「異次元級」平價
by / on 08/02/2020 at 2:58 pm

去唔去?日本網民發現 京都酒店「異次元級」平價

之前已經有報道,指日本京都旅遊點好少遊客,唔只少咗中國嗰班,日本遊客都少咗,有好多日本人仲因為酒店有中國人住而取消booking。Twitter就啱啱有網民出圖出價錢,表示京都酒店價錢的確大減。其實我哋有同事都準備下星期出發去京都,發現喺訂酒店平台消取booking再訂同一間酒店價錢都平咗一半,不過到底出唔出發好呢?

Read more ›

日本警察好風趣 麻雀證物砌「国士無双」
by / on 07/02/2020 at 7:04 pm

日本警察好風趣 麻雀證物砌「国士無双」

香港啲警察?咁嘅質素都做到警察直情奇趣添啦。講番正經,日本名古屋市中區一間麻雀店因為非法賭博而有人被捕,當警察喺傳媒面前展示證物嘅時候,就被發現砌咗一家係「国士無双十三面待ち」,即係我哋叫嘅十三幺叫十三扉……

Read more ›
【新片速報】日本爛瞓貓被出賣 鼻鼾聲用咪播Twitter熱傳
by / on 07/02/2020 at 7:48 am

【新片速報】日本爛瞓貓被出賣 鼻鼾聲用咪播Twitter熱傳

好殘忍呀!日本呢位貓奴出賣主子,應該後果好嚴重。最近天氣凍,啲貓長期都冬眠啦,有日本貓奴就發現佢隻喵嘅鼻鼾聲好大,佢仲拎咗支咪放大佢嘅聲音,啲聲都真係幾嘈吓,不過又好得意喎!入嚟有片睇,推介!

Read more ›
【新片速報】日本人氣發明家發表「新型輪椅」 輕易做到站立/平躺姿勢
by / on 06/02/2020 at 7:20 am

【新片速報】日本人氣發明家發表「新型輪椅」 輕易做到站立/平躺姿勢

科技進步可以令人類生活更加便利,特別係對本身有障礙嘅人士,最近日本Twitter熱傳呢段介紹新型輪椅嘅片段,製作者係好出名嘅日本發明家「吉藤健太郎」(吉藤オリィ),佢之前試過將LABO改裝成遙控輪椅,又為ALS漸凍人患者設計支援視覺控制嘅機械人,最新影片睇到架新輪椅可以做到站立、平躺嘅姿勢,好厲害!入嚟有片睇。

Read more ›
日本超可愛「拒否犬」扭蛋 聯乘人氣肥柴2月推出
by / on 06/02/2020 at 7:09 am

日本超可愛「拒否犬」扭蛋 聯乘人氣肥柴2月推出

拒否犬本身已經超得意,今次仲要聯乘人氣插畫嗰4隻肥柴犬「忠犬もちしば」,實在令人好期待!日本扭蛋公司Qualia宣佈2月推出新系列嘅「拒否犬」扭蛋,一式八款,有拉到啲肥肉咇晒出嚟嗰款,亦有瞓地反肚唔肯走嗰款,肥柴fans要儲。

Read more ›
【新片速報】買咗4年終於識用 日本貓奴Twitter分享喜訊
by / on 05/02/2020 at 7:03 am

【新片速報】買咗4年終於識用 日本貓奴Twitter分享喜訊

又到冬天,喵星人最怕凍,唔少主人都幫佢哋準備定被舖,好似呢張貓被舖之前唔少貓奴都買咗,不過究竟有幾多隻貓有用呢?日本有網民好開心,因為等咗4年,佢隻貓終於識正確使用!佢仲拍埋片放上網,睇片見隻喵自己都好驚訝原來有張咁正嘅床可以咁樣瞓,好可愛。睇完段片,有無令home office嘅你好想瞓返個覺呢?

Read more ›

【有片】日本超強模型高手 渣古識郁有燈有聲兼噴煙
by / on 04/02/2020 at 9:04 pm

【有片】日本超強模型高手 渣古識郁有燈有聲兼噴煙

最勁係個控制器仲係一個渣古頭嚟呀!呢位日本模型高手自從上年3月開始,用咗接受一年時間製作,搵嚟一盒1/48 MEGA Size ザクII嚟改,飛行狀態嘅身體可以不同角度擺動,而且有聲有燈之餘仲識得噴煙!而噴煙嘅部份就係用超音波加濕器噴出水蒸氣……

Read more ›
日本Burger King事件繼續發酵 網民出圖睇員工神秘眼神
by / on 04/02/2020 at 7:48 am

日本Burger King事件繼續發酵 網民出圖睇員工神秘眼神

又係日本秋葉原Burger King嘅告示,繼之前改咗第一句用語嘅新海報後,有網民仲幫手出咗張圖,側寫鞠緊躬嘅員工,個眼神真係耐人尋味,張圖喺Twitter熱傳,之後仲有唔少人出《死亡筆記》同「計劃通」嘅圖回應,入嚟有得睇,唔清楚咩事嘅入嚟都有回帶睇返。

Read more ›
日本百年線香品牌革新 新產品「香氣線」超精緻
by / on 04/02/2020 at 7:39 am

日本百年線香品牌革新 新產品「香氣線」超精緻

品牌要革新唔容易,日本老牌薫寿堂喺1863年成立,專門製作線香同柏水紙,最近竟然推出咗呢款Aroma Cord嘅「香氣線」,一卷有2米長,可以夾喺特製嘅墊上面燃燒,最特別係可以有多用途,例如用嚟包裝禮物、製作繩結甚至手帶,好精緻好靚,價錢唔貴,每卷880円,一共有9種味道,係有心思嘅手信選擇。

Read more ›
【相集】貓奴必follow 日本流浪貓攝影師最新相集
by / on 04/02/2020 at 7:10 am

【相集】貓奴必follow 日本流浪貓攝影師最新相集

又係呢位我好鍾意嘅日本喵星人攝影師@nyankichi5656,佢擅長影流浪貓,特色係經常影匿喺水渠入面嘅貓,喺佢鏡頭下嘅喵全部都好可愛,捕捉到佢哋又蠢又佻皮嘅一面,最近佢又放咗好多新相上IG,入嚟有多啲相睇,鍾意嘅記住follow埋佢。

Read more ›
【新片速報】日本網民分享超嗲狐狸仔 反肚摟人摸Twitter熱傳
by / on 04/02/2020 at 7:02 am

【新片速報】日本網民分享超嗲狐狸仔 反肚摟人摸Twitter熱傳

從來無諗過狐狸仔可以咁嗲,日本有網民放咗段片上Twitter,好快已經過百萬瀏覽。片中見到隻狐狸反晒肚摟人摸佢,之後有人摸佢仲表現得好開心,超可愛!入嚟有片睇。

Read more ›

【新片速報】日本古怪喵想飲牛奶    成功後cool爆走開
by / on 03/02/2020 at 7:49 am

【新片速報】日本古怪喵想飲牛奶 成功後cool爆走開

喵星人嘅行為有時真係令人費解,日本有網民飲牛奶,屋企隻貓見到就喵喵見,又爬腿又舔脷,不過當主人斟咗少少俾佢時,佢居然好高傲咁行開,超古怪!不過唔少網民就留言,話貓貓其實唔可以飲牛奶,否則好易肚屙,可能呢隻喵就係有先見知明,所以聞咗當飲咗,聰明!

Read more ›
日本最強手藝媽媽 《美女與野獸》刺繡圖網民激讚
by / on 03/02/2020 at 7:48 am

日本最強手藝媽媽 《美女與野獸》刺繡圖網民激讚

有個手藝高強嘅媽媽真係威,日本有網民分享咗佢媽媽嘅傑作上Twitter,刺繡咗 《美女與野獸》嘅場景。無論設計、顏色以至手功都係滿分級數,佢話全家人都唔係幾識欣賞,得佢大讚,所以想放上網聽下網民嘅意見。個Twitter吸引好多人RT,仲大讚樓主媽媽整得好靚,亦有人建議佢哋量產發售,應該氹得樓主媽咪好開心嘞。

Read more ›
【新片速報】日本Dear Daniel變舞王 超凡舞技Twitter熱傳
by / on 03/02/2020 at 7:41 am

【新片速報】日本Dear Daniel變舞王 超凡舞技Twitter熱傳

估唔到一向走可愛路線嘅Daniel,竟然有咁型嘅一面!日本Twitter最近熱傳呢段Dear Daniel嘅跳舞片,首歌嚟自6人偶像組合King & Prince,雖然唔係官方製作,但就吸引好多人RT,因為片中嘅Daniel舞技實在太強,入嚟有片睇。BTW,Dear Daniel嘅原名其實係Daniel Star,佢唔係Hello Kitty男朋友,只係兒時玩伴,另外官網有提及過佢「舞技仍屬頂尖」,所以今次見到嘅舞王Daniel跳得咁勁係完全合理嘅。

Read more ›
日本網民浴室開暖氣 吸引大量喵星人進駐
by / on 03/02/2020 at 7:17 am

日本網民浴室開暖氣 吸引大量喵星人進駐

正常嚟講浴室唔會咁多貓,不過開咗暖氣嘅浴室就另計嘞。日本有網民分享咗幾張相,屋企6隻喵齊集喺浴室度開會,超可愛!話時話,呢幾日點睇都唔似16-18度,沖親涼都想開浴室寶,香港天文台係咪誤報天氣?

Read more ›