fbpx

Post Tagged with: "日本"

日本機迷發明 如何避免衝動丟爛手掣
by / on 26/09/2020 at 2:02 pm

日本機迷發明 如何避免衝動丟爛手掣

大家打機有冇丟手掣嘅習慣?如果有,咁你有冇嘗試去尋求幫助,有冇在乎溝通與關懷?令自己走出困局,戒去壞習慣?日本有機迷就發明咗一個方法,好簡單,每次丟之前,最少可以令你停一停諗一諗先……

Read more ›

【撞樣】日本喵星人出街遇鄰居 發現超似樣自己都驚
by / on 25/09/2020 at 7:56 am

【撞樣】日本喵星人出街遇鄰居 發現超似樣自己都驚

出街見到鄰居,過去打個招呼都好合理,講緊係呢隻住喺日本嘅喵,不過佢發現個鄰居點解同自己咁似樣嘅?之後仲大叫一聲超搞笑!跟住唔少網民出圖回應,集合埋大量同佢哋似樣嘅貓朋友,入嚟有回帶。

Read more ›
【回不去了】日本屋外牆壁出現樹影 網民話激似「稻葉浩志」
by / on 25/09/2020 at 7:01 am

【回不去了】日本屋外牆壁出現樹影 網民話激似「稻葉浩志」

日本嘅網民想像力好澎湃,最近Twitter熱傳呢張對比圖,左邊喺屋外牆壁見到樹嘅倒影,不過網民就聯想起日本歌手稻葉浩志,唔講唔覺,一講就好覺嘞。大量網民留言回覆,仲有人出埋改圖,而家再睇都覺得係稲葉さん,回不去了。

Read more ›
【好有愛】中華料理伯伯腰痛啟示 變原始社交平台
by / on 23/09/2020 at 10:43 pm

【好有愛】中華料理伯伯腰痛啟示 變原始社交平台

依家我哋成日喺網上見到有朋友唔舒服呀,就會隔空問候吓;見到人哋有開心事,又會留言戥吓高興,但喺以前未有社交平台嘅時候呢?有日本網民話佢住附近嘅一間中華料理店,店主伯伯貼咗張啟示出嚟,就係話腰痛要休息啦,之後大家都估佢冇玩社交平台,就直接喺紙上面回覆留言,叫伯伯多啲休息咁,感覺有愛過喺Twitter留言好多喎。亦都有人喺網上搵咗呢間「味楽」嘅位置,地址係東京都杉並區高円寺南。

Read more ›
日本網民木造駅影相 職員提醒雙眼會發光
by / on 23/09/2020 at 5:27 pm

日本網民木造駅影相 職員提醒雙眼會發光

日本青森縣津輕市嘅木造站,有呢個巨像喺車站外,咁呢位網民就話當佢影相時,有職員就話巨像雙眼會著燈發光。之後就再有網民出圖啦,亦有人出片俾大家睇,仲有唔同顏色喎。

Read more ›
日本經典西瓜雪條 加入酒味成人向
by / on 23/09/2020 at 7:01 am

日本經典西瓜雪條 加入酒味成人向

見到佢就諗起細個成日食嘅西瓜雪條?日本最近Twitter最近熱傳呢款新口味,用咗西瓜汁再加埋洋酒!感覺常成人向,有機會見到要買嚟試吓。

Read more ›

奇妙空間!大陸廣東佛山市現「日本街」
by / on 22/09/2020 at 6:08 pm

奇妙空間!大陸廣東佛山市現「日本街」

大陸最叻係咩呀?好多嘢都叻,喺呢度唔詳細講啦。講番條街,喺廣東省佛山市黃岐建設大道中星港城二期,由舖頭到招牌到路牌到馬路上嘅日本字都跟足日本,啲招牌仲有秋明山機車、毛利探偵事務所……啱喇,似到咁,我覺得根本就唔需要再去日本旅行,大陸嘅朋友可以喺番大陸玩得喇,自給自足,唔好益人吖嘛,你去俾咗錢人哋駛,仲俾人嫌棄,都唔識得知恩圖報嘅,以後唔好去,今日就搣爛本護照佢!

Read more ›
日本福岡「魔法學校」酒店 Harry Potter風Twitter熱傳
by / on 22/09/2020 at 7:48 am

日本福岡「魔法學校」酒店 Harry Potter風Twitter熱傳

雖然未知幾時有得去旅行,都可以留意住先嘅。日本福岡縣博多駅前原來有間酒「Expected Inn」,入面嘅裝飾好有Harry Potter嘅魔法學校感覺,最多可以住16人,大概2萬円一晚,有興趣嘅可以遲啲預訂吓。

Read more ›
日本另類女僕圖輯    充滿殺氣違和感網民出圖
by / on 22/09/2020 at 7:25 am

日本另類女僕圖輯 充滿殺氣違和感網民出圖

日本妹、女僕服、廚房,單睇字面令人有無限瑕想,不過真相又未必係咁,日本呢位網民親身示範咗但佢唔記得咗自己個頭剷咗青,然後拎住把刀個樣又充滿殺氣。不過效果幾型,仲有網民幫佢畫埋圖,入嚟有得睇。

Read more ›
日本超可愛狗狗 引主人陪玩出絕招
by / on 21/09/2020 at 7:48 am

日本超可愛狗狗 引主人陪玩出絕招

狗狗好忠心,啲行為仲好可愛。最近有日本狗主喺Twitter分享咗啲相,佢喺廚房做緊嘢時,拎轉面見到隻狗狗咬住兩個膠圈,嚴格嚟講應該係一個咬住一個圈住個頭,似乎好想主人同佢玩呀k見到咁嘅情況,作為主人點都會放低手上嘅嘢‥‥‥同佢影返張相先啦,影完再玩啦。

Read more ›
【新片速報】日本三連貓眼定定望到實 狗狗被嚇親Twitter熱傳
by / on 21/09/2020 at 7:24 am

【新片速報】日本三連貓眼定定望到實 狗狗被嚇親Twitter熱傳

呢段片好好笑,日本呢三隻喵嘅家庭之前我哋都介紹過,隻細貓好可愛,最近呢段片就多咗隻狗狗,據講係第二次見面,當隻狗擰轉身見到3隻喵排排坐眼定定望住佢時,即時被嚇親,反應超搞笑,入嚟有片睇。 仲有得回帶睇返隻細貓啱啱入屋玩到俾梳化隙夾住條片。

Read more ›

日本流浪貓避雨靚位     招財貓祭壇供奉貓神
by / on 21/09/2020 at 7:02 am

日本流浪貓避雨靚位 招財貓祭壇供奉貓神

呢幾日經常落雨,要多啲關心附近嘅流浪貓呀。日本有網民分享咗張相上Twitter,隻流浪貓好識揀,揀咗個迷你祭壇嘅頂部位置避雨,好壯嚴好神聖,好想供奉貓神。之後樓主發現呢個擺滿招財貓嘅位置經常有貓出入,仲有其他貓都去過呢個位置避雨,入嚟有回帶。

Read more ›
日本PS5誤買嚴重    Amazon暫停PS5相關銷售
by / on 20/09/2020 at 4:02 pm

日本PS5誤買嚴重 Amazon暫停PS5相關銷售

PS5上星期四公佈售價日期,日本Twitter即時有大量留言話「PS5安すぎ」話PS5太平,星期五Amazon仲湧現大量炒價,由499,800円(約3.7萬港幣)至3,998,000円(約30萬港幣)都有,仲有唔少人撳錯買咗,但係有啲商家標明話取消都要收取消費。日本Amazon由今日開始停止PS5銷售,而且發告示話所有人都可以喺帳戶入面取消預訂咗嘅PS5訂單,取消唔倒仲可以聯系佢哋嘅客戶服務部幫手取消,似乎係針對網上嘅瘋狂誤買情況。另外日本大型商店Bic Camera、Yodobashi等今次就以抽籤形式發售,不過啲網站都係好快迫爆,好多人都留言話登入唔到,不過有網民發現樂天網站仲有得買,入嚟有得睇。

Read more ›
日本網民分享食譜 「烤豬肉紅姜串燒」送酒一流
by / on 20/09/2020 at 3:32 pm

日本網民分享食譜 「烤豬肉紅姜串燒」送酒一流

星期日又係表演廚藝嘅好時機,日本有網民分享咗呢道「烤豬肉紅姜串燒」,將豬肉薄片上面灑上紅姜絲,再加啲鹽同黑椒,用竹籤串起之後煎香佢,用嚟送啤酒好好味!佢仲推介岩下嘅紅生姜,10分鐘就完成,有機會可以挑戰吓。

Read more ›
日本喵星人被影印 肉球露出任睇Twitter熱傳
by / on 20/09/2020 at 3:25 pm

日本喵星人被影印 肉球露出任睇Twitter熱傳

又係喵,呢隻喵星人好識揀位瞓,揀咗部影印機,坐定定唔郁,主人唯有幫佢影印一張,完成品啲肉球睇晒好清楚好可愛。

Read more ›