Tag: 日本中佬

良心!日本Line用戶用母手術費代買卡 騙徒自認係騙徒

正所謂盜亦有道就係呢隻喇!日本Line用戶近期都成日收到騙徒盜用佢哋朋友嘅戶口,叫佢哋幫手買卡嘅訊息,咁之前就有用政治敏感句子嚟解決嚟自強國嘅騙徒啦,到上星期三,Twitter用戶「@Yashi09」就分享咗呢幾張對話Cap圖。騙徒叫佢幫忙買4張10000點嘅點數卡,而事主就話:「好啦,我咁啱有4萬円,本來係我阿媽嘅手術費用,我幫你買咗先啦。你比我阿媽更重要……」騙徒聽到呢度就驚起嚟,可能擔心人命猶關,竟然話算啦,我問過第二個,你唔駛去到咁盡……點知事主咬住唔放,仲話已經去到便利店準備買卡,到呢個時候,騙徒冇辦法,唯有和盤托出,話自己其實講大話……而事主都坦白喇,話佢阿媽冇事,佢都係講大話玩佢……雖然最後騙徒都發爛鬧咗事主,但講真,我幾欣賞呢個騙徒仲有點點良心。

Read more ›

日本中佬租借服務 1000円1個鐘

租男女朋友唔係新鮮事,不過發生喺日本,仲要出租嘅係40幾歲嘅中佬就真係大開眼界。呢間日本公司おっさんレンタル暫時只得兩個出租中佬,一個係係46歲型型哋,喺大阪教fashion嘅西本貴信,另一個就係前棒球員千藤三樹男,質素唔錯,價錢方面,唔係啩? 1000円1個鐘?人肉何價?!而且成個登記過程好高科技,睇啱可以放入網站嘅購物籃,入埋地址,中佬就會準時人肉上門同你傾心事,香港都不妨諗吓,應該好有market。

Read more ›