Tag: 旅遊局

【旅遊局都玩】拍貓片撐twitter行動 喵星人接管比利時

早兩日報導過,比利時恐襲警戒,Twitter人人用#BrusselsLockdown狂貼喵星人嘅相,打亂班恐怖份子嘅部署,估唔到連官方嘅旅遊局都玩埋一份。佢哋仲好認真拍埋片,講班喵星人接管咗比利時,喺鬧市踩滑板、載歌載舞,入嚟有片睇。官方話想顯示佢哋對比利時首都布魯塞爾嘅支持,當然佢哋都有用hashtag #BrusselsLockdow。BTW,最新情況係布魯塞爾嘅防恐警戒等級已經降低,希望班恐佈份子快啲消失,比當地市民過返正常生活啦。

Read more ›

女性絕對領域賣廣告 沖繩旅遊局被轟

「絕對領域」,一個神秘莫測,又引人無限暇想嘅地方,日本人用嚟形容女性短裙與長襪之間露出嘅神秘肉地。呢個搶眼位置,最近成為日本廣告勝地。話說沖繩旅遊區為宣傳當地係畢業生嘅旅行勝地 – 絕對領域,於是喺呢個位置賣旅遊廣告,最後收倒多宗投訴,好多人認為用納稅人嘅錢,以呢種方法宣傳沖繩會嚴重影響當地形象。老實,我覺得呢個宣傳方法好對題亦都好啱目標對像,可惜當局已經即時收回廣告,要去絕對領域實在波折重重。

Read more ›