Tag: 新招

日本喵星人舔毛新招 後腳撐撐吓超可愛

日本喵星人舔毛新招 後腳撐撐吓超可愛

新年快樂!噚晚有無大掃除到好夜?清潔好重要,好似喵星人咁,每日都要舔吓毛,但係有啲地方比較難清潔,例如條尾啦,咁點算好?有日本喵星人就諗到方法,反轉自己就可以輕鬆舔到貓尾嘞,睇佢兩隻後腳仲要撐住撐住,超可愛!

Read more ›

【新片速報】日本貓奴「新招」摸貓      邊碌手機邊掃下巴

【新片速報】日本貓奴「新招」摸貓 邊碌手機邊掃下巴

貓奴有無發覺每當你玩手機時,隻喵都會走嚟搵你想你摸佢?日本有網民分享咗段片,佢個方法好實用,就係一邊碌手機一邊掃貓下巴,動作好連貫,隻貓個樣仲超嘆!入嚟有片睇,貓奴可以學吓。

Read more ›
【新片速報】日本喵星人匿藏新招 匿入鞋箱自己關門

【新片速報】日本喵星人匿藏新招 匿入鞋箱自己關門

喵星人啲行為有幾搞笑?日本網民呢段片一定要睇。當佢返屋企時發現呢一幕,啲貓去晒邊呢?原來匿晒入個膠鞋箱入面,仲識自己關門,而且係兩隻,共犯呀!好聰明!

Read more ›
日本「地下男團」特殊服務       新招「手指錫」女fans冧爆

日本「地下男團」特殊服務 新招「手指錫」女fans冧爆

日本偶像經常都有握手會、抱抱會之類嘅活動,主打都係男fans,不過其實女士市場都好大。最近日本網絡電視台AbemaTV做咗個特輯,追綜呢啲地下男團嘅活動,演唱會後原來先係主菜開始,fans可以留低影相,收1000円,至於想有1分鐘短聚時間就再俾多1000円,期間可能會有擁抱時刻,甚至更刺激嘅「指チュウ」服務,即係好似kiss咁,但中間隔住隻手指,係咪好有畫面?入嚟有GIF睇,超動感。

Read more ›

中國司機有新招 女鬼後車窗貼淘寶熱賣

揸開車嘅都知,比後面架車開住高燈照住係幾辛苦嘅,中國商人又諗到新招,最近淘寶有呢款產品熱賣,仲吸引大量外國媒體報導。其實佢係一個後車窗貼,當有燈照住佢時,圖案就會現形,幾個女鬼樣就會出現,夜晚揸車喺後面見到肯定會嚇爆。淘寶賣緊$17-87人仔,仲有大量款式任揀。北京警方就話咁做唔犯法,但司機要承擔發生意外嘅責任,而山東警局就有唔同意見,如果有司機貼呢啲車貼就要罰款 $100人民幣,咁少,我諗起唔到阻嚇作用。

Read more ›

【連環圖】日本喵喵拳出新招 鎖頸絕技Twitter熱傳

噚日睇完日本最強喵喵拳之後,今日又有另一位參賽者。今次呢位選手好明顯有睇開摔角節目,出到鎖頸絕招,不過對手都唔弱,好快嚟咗個反擊‥‥‥輯相喺Twitter好多人分享。不過睇返佢哋平時嘅生活照,兩個人其實好和睦,今次好明顯係練吓招式、切磋吓啫。

Read more ›

【有片】落雨天唔想整濕新鞋 古怪新招影片網上熱傳

著咗對新鞋出街但遇著落大雨兼水浸,點算好?外國有個後生仔就諗到用個特殊方式「過河」,段片喺網上熱傳,啱啱仲傳到去日本。不過日本網民就留言問:「點解唔除鞋行過去?」(我諗佢連條褲都唔想整濕)、「倒立行咪得囉」、「睇嚟落兩天留喺屋企唔出門先係正解」。

Read more ›

日本單車防盜新招 貼臉上坐墊Twitter熱傳

為咗保護架單車可以去到幾盡?日本好多人踩單車代步,亦有好多單車失竊案。最近有位網民為咗防盜,決定將自己個樣貼上個坐墊度,張圖放上Twitter後好多人RT,睇落臉尖尖同個坐墊都幾襯,佢仲好叻咁幫自己對眼加咗厚格。

Read more ›

鼓勵《Pokémon Go》玩家幫手放狗 動物收容所新招吸客

見最近《Pokémon Go》紅到爆,美國印第安納州嘅動物收容所「Muncie Animal Shelter」都諗到新招,就係邀請《Pokémon Go》玩家幫佢哋放狗!個廣告一放喺Facebook就好多人RT,一個鐘後已經有好多玩家去排隊幫手放狗。BTW,成日落街見到啲姐姐帶狗「散步」,全程隻狗企喺原地,姐姐就一直撳手機享受私人時間,不如鼓勵吓佢哋玩《Pokémon Go》啦?

Read more ›

【影相新招】女學生扮有男朋友 1:1人形公仔合照被踢爆

專自拍扮同女友影合照嘅「地主恵亮」終於有勁敵嘞,而且仲係女仔添!有日本網友@sb_tan8喺twitter分享咗呢兩張相,相中著住校服嘅少女挨住西裝男嘅心口自拍好幸福,點知有另一個網友由另一個角度影埋去,睇到原來呢位女學生攬緊嘅係百貨公司入面嘅1:1人形公仔,張相仲放埋上網,吸引勁多花生友RT。好彩日本通常7月底有得放暑假,女學生可以避吓風頭。

Read more ›

【不再寂寞了】日本自拍新招 手拖手一人自編自導自演

日本又有自拍新招!一個人去旅有啲寂寞,想post相扮有女朋友?呢招都幾好用,雙手拖實自拍,感覺甜到漏,不過離遠睇真啲,全桯都係一個人自編自導自演,我最欣賞佢唔理世俗嘅目光決心做好呢件事。但係點解有隻手指好似油咗指甲油?難怪張相放上twitter唔夠一日已經有過千個RT。

Read more ›

日本高校收生新招 校服跟足少女漫畫

記得讀書時候,水手服係最受歡迎嘅校服款式。估唔到喺日本讀書咁好,校方對校服都好有要求,貼合返學生嘅要求。最近日本高校「京都市立の洛陽工業高」同埋「伏見工業高」2016年4月合併,校方為咗吸引更多女生報讀呢啲理科學校,決定同日本雜誌《マーガレット》合作,選用連載緊嘅少女漫畫《たいへんよくできました。》入面男女高校生嘅制服做學校嘅新校服!連宣傳單張都用埋漫畫風格,無論著嗰個定睇嗰個都咁開心!

Read more ›

宇宙最強情侶自拍 閃光彈新招

上網唔小心中咗個閃光彈,呢對情侶Richard同埋Ashlee平日嘅自拍相,唔似一般情侶咁普通,佢哋閒閒哋都企膊頭或者倒掛,睇真啲,原來兩個都係舞蹈家,難怪個個都係宇宙最強咁款,不過望吓望吓,唔知點解我諗起陳伯隻金鷹。

Read more ›

新片速報 賣樓新招 新興過山車睇樓團

睇見呢間house,我就諗起觀月‧樺峰80呎睡房買家嘅慘況。外國啲屋不嬲大,不過大到可以起過山車路軌,係咪串先?呢間位於荷蘭嘅大屋想放售,地產經紀就諗咗條絕世好橋,喺間屋入面搭建咗條過山車軌,吸引多啲買家坐車遊勻全屋。呢個新招睇樓團吸引好多人一家大細去參觀,坐車途中仲有揚聲器簡介間屋嘅所有設施,連二樓睡房、廁所都可以直達,好過癮。BTW,相信間屋都唔平,否則點冚返起過山車條數?

Read more ›

地產商賣樓新招 推LEGO示範單位

香港地想買樓難過登天,樓市升跌對我嚟講都係過眼雲煙,新樓舊樓我都買唔起。講返正題,英國地產商Weston Homes最近諗倒新計推新樓,就係將示範單位佈置成LEGO主題房,表面上主攻有小朋友嘅夫妻,實情我懷疑係向鐘意LEGO嘅一班大細路埋手。全間房以LEGO經典色紅黃白做主題,牆身有LEGO演化過程嘅貼紙,枕頭都係LEGO,我都想整返間。不過香港地產商學嚟都無用,香港嘅年青人都無錢買樓。

Read more ›