終極葡萄!「雪初音」慶典 北海道今日開催

如果你係初音fans,又唔準備去北海道,我建議你千祈唔好睇落去。由今日開始,為期七日,名為「Snow Miku」雪初音慶典正式喺北海道展開。今年嘅雪初音,老實,可愛造型真係靚到不得了。北海道全線51間Family Mart仲會推出大量初音食品及精品。當然仲有雪初音痛電車、演唱會同埋展覽。另外,喺機場、郵局及會場,亦有電話繩、杯、明信片、筷紙、年曆等大大大大量精品等你入手。如果你咁好彩有朋友去開北海道,送多個喼比佢幫你掃貨啦!入嚟官網仲有好多嘢睇,我用咗一小時睇,葡萄咗一小時,好想搭飛機去北海道過新年呀呀呀呀!

Read more ›