Post Tagged with: "新加坡"

【新片速報】酒店煎蛋員變機器       煎蛋過程Twitter熱傳
by / on 07/11/2018 at 7:50 am

【新片速報】酒店煎蛋員變機器 煎蛋過程Twitter熱傳

新加坡嘅人工出名高,最近有日本網民分享咗段片,地點係新加坡某酒店,早餐自助餐煎蛋嘅工作,竟然變咗由機器負責!睇片見由加蔥到倒蛋漿, 再到煎蛋然後拎起放上碟,雖然速度有少少慢,但的確可以取代到人類,唔知第時去酒店會唔會全部變晒做機械人? 入嚟有片睇。

Read more ›

【有片】喵星人12層高外牆待救援     成功拯救影片熱傳
by / on 09/10/2016 at 2:23 pm

【有片】喵星人12層高外牆待救援 成功拯救影片熱傳

呢段由新加坡愛護動物協會放上Facebook嘅片好多人share。片中見到有隻喵星人喺12層高嘅大廈外牆等待救援,佢哋用一支圓柱,尾部掛住一個圈圈,然後睇準喵星人個頭一嘢圈落去!再索實個圈然後吊佢上嚟,過程好驚險!另外個鏡頭好高清,官方話係佢哋新買嘅配備,仲話佢哋平均每日接到5單拯救動物嘅case,而家人手嚴重不足。BTW,作為主人都記住要裝窗網,照顧好屋企嘅喵星人!

Read more ›
【IKEA愛情插畫】IKEA全新宣傳插畫  解決愛情難題好簡單
by / on 19/02/2016 at 7:11 am

【IKEA愛情插畫】IKEA全新宣傳插畫 解決愛情難題好簡單

IKEA嘅宣傳手法一向有驚喜,今次呢輯插畫好正,題目係「Love is Complicated」。係囉,愛邊係很簡單架,不知幾複雜,但係佢話宜家傢俬幫到你喎。例如兩個人嗌交,可以用IKEA嘅燈罩笠實對方個頭;男朋友Martin離家出走,可以買張叫Martin嘅四腳椅做代替品,仲有好多搞笑圖畫,唯一係用$1熱狗代替鑽石戒指嗰招睇落好危險,唔通新加坡女仔唔拜金?

Read more ›
【新片速報】新加坡大學機械人超像真 擔任大學reception嚇學生
by / on 07/01/2016 at 7:14 am

【新片速報】新加坡大學機械人超像真 擔任大學reception嚇學生

嚟到2016年,相信會有越來越多機械人出產。之前日本都有酒店「聘請」像真度極高嘅女機械人做前枱職員,去到真係會嚇一跳驚驚哋,最近新加坡都加入呢個嚇死人機械人陣營,呢個名為Nadine嘅機械人,個樣同真人其實無乜分別,個樣仲要仿照設計佢嘅科學家而設計,不過就後生起碼20年(專登嘅!)。可惜一開口就露餡,個嘴脣嘅郁動有啲生硬,講嘢方式亦好似Siri,好彩啫,如果再進化到一模一樣,件事其實好恐怖。補充多少少資料,個機械人由新加坡大學Nanyang Technological University設計,嚟緊會喺呢間大學度做reception。其實不如設計個靚啲嘅,可能可以做埋校花吸多啲新生。

Read more ›
放下手機 種蘋果app換coupon捧走18萬
by / on 25/11/2014 at 7:02 am

放下手機 種蘋果app換coupon捧走18萬

人類真係好得意,整咗啲嘢出嚟比自己玩,之後又要整返啲嘢嚟制衡自己比佢玩。好似最近新加坡有學生發明呢個手機App「Apple Tree」,裝咗之後同班friend食飯時大家將部手機放埋一齊,虛擬嘅蘋果樹就會出現,越放得耐唔搞佢,就會生出越多蘋果,到最後收割返嚟嘅蘋果可以換coupon,最爽都係贏咗之後有接近18萬港幣比佢哋開發呢個手機app,嘩,正,夠買好多部iPhone 6。

Read more ›
慈母靚爆愛心飯盒   蜘蛛俠飯團 Hello Kitty麵包床
by / on 26/09/2014 at 7:07 am

慈母靚爆愛心飯盒 蜘蛛俠飯團 Hello Kitty麵包床

經常都有慈父慈母整愛心飯盒比仔女帶返學食,呢位新加坡嘅媽咪Li Ming都唔例外,而且佢整嘅飯盒仲相當高質,拍得住日本人嘅精緻。我最鍾意係蜘蛛俠飯團同埋Hello Kitty方包床,靚到唔捨得食,雖然唔知味道係點,不過相信佢兩個囝囝Lucas同埋Ivan應該食得好冧,好快變肥仔。

Read more ›

神級3D畫  打瀉雞蛋真嘅一樣
by / on 10/05/2014 at 12:40 pm

神級3D畫 打瀉雞蛋真嘅一樣

3D畫成日見,但每次見倒我都依然覺得好振驚。好似今次呢位新加坡藝術家Ivan Hoo嘅作品,有啲唔同嘅係全部都喺木板上繪圖,由揸皺咗嘅紙,以至倒瀉嘅汽水、打爛嘅瓷碗、爆開嘅雞蛋‥‥‥全部真到好似一張相咁,好難相信其實係用一支筆畫出嚟。佢自認作品深受藝術家Audrey Flack同埋Roberto Bernadi啟發,不過我鐘意睇佢嘅多啲,無咁高深。

Read more ›
生人勿近   箭豬外套搭地鐵專用
by / on 28/11/2013 at 8:45 am

生人勿近 箭豬外套搭地鐵專用

返工放工時間搭地鐵,周圍啲人左迫右迫挨身挨勢,想同人群保持距離?新加坡設計系學生Siew Ming Cheng設計咗呢件古怪背心外套Spike Away,著住佢即刻變咗隻綠色箭豬。一支支綠色嘅膠針,原來係用嚟防止雀仔同貓貓搞植物嘅工具,而家就變成設計嘅主要物料。不過設計師話佢一次都未著過佢去搭車,張相純粹喺學校影交功課。都啱嘅,著呢件衫出去,未入到車廂已經比人怒啤,著上身需要極大勇氣。

Read more ›
當塗鴉師遇上新加坡    小心駛得萬年船
by / on 01/11/2013 at 9:10 am

當塗鴉師遇上新加坡 小心駛得萬年船

新加坡出名守規則,對一個街頭塗鴉師嚟講係相當大嘅挑戰!著名外國塗鴉師Ernest Zachas最近去咗新加坡住一個月,為免被藤條炆豬肉,佢決定只係喺私人地方問准主人家先畫,好彩無影響佢嘅作品質素,依然超高班。最搶眼係《壞蛋獎門人》Minion變成街上石柱,好得意。再嚟仲有超市推車上嘅超齡小童等等,老實,佢嘅畫功真係好得,推介入嚟開吓眼界!

Read more ›
有片    麥當勞智能Happy Table   細路專用好恐佈
by / on 26/08/2013 at 7:42 am

有片 麥當勞智能Happy Table 細路專用好恐佈

慘咯,連麥當勞都推銷智能手機用嘅高科技Happy Table比細路玩,小朋友嘅童真好明顯已經一去不返。新加坡麥當勞最近為小朋友設計咗呢張Happy Table,枱底貼幾張NFC貼紙,手機放上枱面就可以即刻玩遊戲,片段所見,枱面會變成賽道,將部機向前推就好似喺賽道駕駛一樣,小妹妹拎住部手機玩得超開心,麥當勞叔叔經過都肯定睇唔倒。麥當勞計劃將呢張枱帶到亞洲地區,仲話嚟緊可能會同《藍精靈2》同埋《Despicable Me》合作,到時阿爸阿媽你部智能手機記住著定雨褸同埋防撞欄,如果唔係唔散都肯定污糟晒,大鑊。

Read more ›
Capcom御用畫師   女英雄雜誌封面超型
by / on 11/08/2013 at 1:55 pm

Capcom御用畫師 女英雄雜誌封面超型

香港出生,現居新加坡嘅華人插畫師Stanley Lau(Artgerm),之前幫Capcom制作過《Devil May Cry》、《街霸4》等插畫,最近回歸佢最鐘意嘅英雄系列,設計咗一系列偽雜誌封面,全部清一色都係超級女英雄做封面,有Supergirl、Catwoman、Jun the Swan、Poison Ivy同埋Black Canary,用色靚之餘效果仲好型,佢上星期仲畫咗遊戲《The Last of Us》嘅Ellie畫像,一樣比網民激讚,仲有之前嘅《Tomb Raider》蘿拉,入嚟有回帶。

Read more ›