Post Tagged with: "新"

東京羽田機場新食物 杯裝咖喱邊走邊食
by / on 18/06/2019 at 7:55 am

東京羽田機場新食物 杯裝咖喱邊走邊食

邊行邊食咖喱,好型好chill。日本東京羽田機場由噚日開始推出咗呢款杯裝咖喱,底層係飯,上面有咖喱、溫泉蛋、紅甜椒、牛油多士同西蘭花,用咖啡杯裝住,一邊拖住行李一邊拎住杯咖喱,然後係咪拎上機食?每杯580円,入嚟有地址。

Read more ›

新海誠《天気の子》新劇照 男女主角太陽下背影超靚
by / on 02/04/2019 at 7:01 am

新海誠《天気の子》新劇照 男女主角太陽下背影超靚

新海誠嘅《你的名字》唔經唔覺已經推出咗3年,繼12月宣佈會有新動畫《天気の子》後,最新官方喺Twitter發佈咗3張劇照,包括男主角帆高(醍醐虎汰朗聲濱)嘅淋雨相,女主角陽菜(森七菜聲濱)嘅新相,同埋二人喺太陽下嘅背影合照,超靚,貫徹新海誠一貫嘅唯美主義,電影7月19日喺日本上映,好肯定嚟緊仲會有大量消息會陸續發佈。

Read more ›
【新片速報】《城市獵人》劇場版新預告     重現經典心心眼
by / on 13/12/2018 at 7:38 am

【新片速報】《城市獵人》劇場版新預告 重現經典心心眼

有無《城市獵人》嘅fans?當年呢套深夜播放嘅卡通片喺香港都好受歡迎,成龍仲做過真人版‥‥‥闊別多年,劇場版《City Hunter新宿Private Eyes》啱啱有新預告片睇,見到主角經典嘅心心眼,就知照舊有好多女角色,電影將會喺2019年2月8日上畫,入嚟有片睇。

Read more ›
【有片】日本鳥取觀光大使 《Pokemon Go》「穿山鼠」街頭過馬路
by / on 07/12/2018 at 7:58 am

【有片】日本鳥取觀光大使 《Pokemon Go》「穿山鼠」街頭過馬路

最近日本Twtiter熱傳《Pokemon Go》嘅「穿山鼠」同「阿羅拉穿山鼠」過馬路嘅短片,睇佢哋笨手笨腳超可愛。其實佢哋最近做咗日本鳥取縣嘅觀光大使,鳥取縣最出名係「鳥取砂丘」,最適合穿山鼠出沒嘞。今次合作除咗「穿山鼠」會定期出現喺鳥取街頭之外,亦有一系列精品同食物推出,去到鳥取縣玩《Pokemon Go》仲會多咗穿山鼠出沒!另外如果天氣好嘅話,官方會用砂堆隻巨型「穿山鼠」出嚟做展覽,當地嘅咖啡店仲有聯乘活動,去開鳥取嘅Pokemon迷記住留意返嘞。活動由即日起至1月14日,入嚟官網有多啲資料。

Read more ›
日本網民自創摺紙新玩法 雕空變骨架Twitter大熱
by / on 17/06/2018 at 7:46 pm

日本網民自創摺紙新玩法 雕空變骨架Twitter大熱

摺紙鶴大家都試過,不過日本呢位神人就發明咗進階玩法,仲成為Twitter大熱話題。先摺好一隻紙鶴,再將張紙攤返開,然後根據摺痕雕空中間位置,然後再摺一次,紙鶴就變成骨架形狀,超正!好多網民都跟住整,不過睇落容易,整落都幾難,尤其是稍一不慎界斷咗一截‥‥‥入嚟有片睇。另外唔少網民將呢個玩法應用到其他款式嘅摺紙度,又玫瑰又戰機,入嚟有回帶。

Read more ›
東京奧運會新LOGO    紙扇設計網民激讚
by / on 22/08/2015 at 12:04 pm

東京奧運會新LOGO 紙扇設計網民激讚

東京奧運會LOGO搞到滿城風雨,設計師佐野研二郎被比利時歌劇院控告抄襲,有位日本設計師かんかん(@vivakankan)就睇唔過眼決定露兩手,設計咗呢個新LOGO,仲大受網友好評。用咗富日本色彩嘅紙扇做設計概念,色彩繽紛,仲同日本嘅國徽襯得絕,而且喺日本紙扇經常會作為加油嘅道具,仲有吉祥嘅意思,好多網友大讚:「用扇子做應援,太好喇!」、「簡單、易明、色彩鮮豔,呢個好好多。」、「快啲換咗佢啦,遲啲趕唔切喇!」可惜呢個只係網民創作,個人認為新LOGO真係靚好多。

Read more ›

紙箱人出新尿袋    雙眼發光識變色
by / on 06/12/2013 at 9:37 am

紙箱人出新尿袋 雙眼發光識變色

紙箱人我無特別偏好,不過之前出嗰個尿袋據聞賣得勁好,叉電期間流汗嘅標誌見到會忍唔住笑。好消息,最新官方公佈會出迷你版,嫌之前10400mAh拎出街太大嚿可以考慮新款。迷你版最吸引嘅地方係對眼識變色發光,電力充足時會著黃燈,得返半條命時會變橙,唔夠電就變紅,好得意。不過細嚿咗電力都弱咗,行6000mAh,夠叉iPhone大約2.5次,amazon有得訂,開價4340円,買嚟做聖誕禮物fit晒。

Read more ›