有片 日本亡命斜行車路 驚嚇度似足過山車

  最近呢條日本嘅江島大橋喺網上熱傳,世界各地媒體都驚訝於佢嘅亡命斜度,好似玩緊過山車一樣。條橋04年10月通車,連接日本鳥取縣境港市同島根縣松江市,由於要偷空下面嘅位比輪船過,所以設計嘅高度有44公尺,斜度分別係6.1%同5.1%,一上一落似足玩過山車。雖然大家見倒好驚,但係日本人就好淡定覺得無問題,而呢個斜度亦係一般車輛可正常爬坡嘅範圍。2013年12月1豐川悅司、綾野剛同菅野美穗仲喺度拍個大發Tanto汽車廣告,入嚟有回帶。如果下次去開日本自駕遊,點都要試吓!

Read more ›