Tag: 文嘉宏

父子日常 文嘉宏《超人父子怪家庭》

父子日常 文嘉宏《超人父子怪家庭》

一向幾鍾意文嘉宏手畫,家陣除鄭健和《黑天龍》書尾「一本軍團」一頁完漫畫外,大家仲可以喺佢面書欣賞到最新出鑼嘅《超人父子怪家庭》超短篇列漫畫。畫風照舊,主題Sell父子日常,啲對白幾得意幾溫情的,為人父者應該幾有共鳴。

Read more ›

《野狼與瑪莉2》封面彩蛋 鄭健和牛炒飯+阿傑多士炒蛋+文家雲耳蒸雞

《野狼與瑪莉2》封面彩蛋 鄭健和牛炒飯+阿傑多士炒蛋+文家雲耳蒸雞

哈哈哈,笑了,彩蛋不絕呀喂,《野狼與瑪莉2》第二期連封面都有彩蛋,封面構圖以茶餐廳作背景,牆壁貼咗張創刊號封面海報,餐牌除男人的浪漫豆腐火腩飯外,仲有以製作團隊命名嘅鄭健和牛炒飯、阿傑多士炒蛋同文家雲耳蒸雞,甚至連書名《火龍》都玩埋,變成一味火龍果炒雞球,頂癮呀喂。至於內容方面,今期宏少、阿傑多同志輝哥相繼出場,當中以志輝哥嘅黑社會大佬造型最型,阿傑多就唔知點解變咗肥佬一名,宏少就以市儈靚仔溝女王形象登場,這甚好,我覺文嘉宏真人幾靚仔的。

Read more ›
鄭健和《野狼與瑪莉2》 一個關於「畫漫畫」的故事

鄭健和《野狼與瑪莉2》 一個關於「畫漫畫」的故事

鄭健和《野狼與瑪莉2》究竟講乜?又有多少少資料透露嘞。面書專頁「Bookone壹本創作」剛剛出宣傳圖,但見圖中有一疑似主角物體,回頭大喊:「仆你個街丫,你看不見的嗎?我欠落一身債,就快瞓街啦,你叫我畫漫畫?」對了,是一個關於張建禾「畫漫畫」嘅故事,估計應該笑料百出,非常期待。另,文嘉宏都會兼顧一個名為〈主筆的生活不是你所想像的尊貴〉嘅專欄,即係擺明圍住和仔大人嚟寫喇,掛住打機?鍾意睇AV?對於呢個主筆嘅私生活,我好有興趣。

Read more ›
文嘉宏出圖 幫和仔大人新書打氣

文嘉宏出圖 幫和仔大人新書打氣

大家都知《阿修羅》仲有幾期大結局,鄭健和亦講明之後打算出一本關於張建禾嘅新書。咁舊書未完新書未出,負責「壹本劇情修羅復仇篇」嘅助理文嘉宏已經率先呼籲大家多多支持,喺面書出圖兼留言曰:「依家嘅市道情況,加上疫情既影響,和仔大人喺呢個時候開新書相信會好大壓力,大家不如幫佢打吓氣吖支持吓佢吖。」咁大家記得多多留言打氣咯喎。文嘉宏咁識做,好應該加佢人工。

Read more ›
Post《三國誌異》第四期相上網 送文嘉宏x阿傑多畫板

Post《三國誌異》第四期相上網 送文嘉宏x阿傑多畫板

剛剛睇咗《三國誌異》第四期,劇情緊湊,嗰隻甚麼闇靈一啖吞咗曹府家丁個頭,帶出劉宏指環嘅鎮邪之力……都係唔好劇透。入番正題,《三國誌異》繼續送畫板遊戲,今次輪到文嘉宏聯乘阿傑多出手,想要?老例,都係Post相寫兩句讀後感,再讚好面書專頁「Bookone壹本創作」,截址日期1月29日23:59分,名額一位,要抽獎架,希望幸運兒係你喇。

Read more ›
鄭健和《三國誌異》創刊 簽名版限量100本

鄭健和《三國誌異》創刊 簽名版限量100本

今日下晝開始,陸續見到好多面書朋友仔Post《三國誌異》創刊號相片,非常心心眼。點解嘅?唔係聽日先出版咩?我睇文嘉宏喺面書話創號刊會出現「壹本軍團」個Post,明明仲寫住1月3日出版喎。Anyway,如果未買到書如我者,不妨考慮幫襯「至Goal Club」,限量100本有和仔大人親筆簽名嘅創刊號等住你買,不過就要等到1月8日先返貨。等唔切的話,咪有無簽名嘅版本都買各一囉,用實際行動即係雙倍課金,支持和仔大人吖嘛。

Read more ›

《三國誌異》人物設計大賽 阿傑多+文嘉宏出示範作

《三國誌異》人物設計大賽 阿傑多+文嘉宏出示範作

擒日報導過話鄭健和搞《三國誌異》人物設計大賽,依家有詳細資料,一,創作角色須為三國時代正史或小說人物;二,一面書帳號限一畫作,上傳日期即日起至1月10日。為此,阿傑多掟咗幅《少布》、文嘉宏掟咗幅《祝融夫人》上網,作為示範作畀大家參考……死喇,示範作畫得咁靚,會唔會嚇怕一眾參賽者架?Anyway,大家自問手畫OK嘅,踴躍投稿喇。

Read more ›
文嘉宏報料 和仔大人2019年出《三國誌異》

文嘉宏報料 和仔大人2019年出《三國誌異》

孫悟空打元始天尊打多幾期,《西遊》第二部就會正式完結,咁究竟打後和仔大人會開乜新書呢?好多讀者都想睇嘅《火龍》?Sorry,非也!文嘉宏剛喺面書報料云:「預告2019年1月3日,鄭健和全新漫畫三國誌異。」《三國演義》加《聊齋誌異》?羅貫中加蒲松齡?好有溝埋做瀨尿牛丸吖笨嘅況味,拭目以待。

Read more ›
文嘉宏《退魔傳》第二輯 5月23日見街

文嘉宏《退魔傳》第二輯 5月23日見街

文嘉宏《退魔傳》,出過實體書,無記錯的話我肯肯定有課金捧場,但年代實在太久遠了,故事講乜已經唔記得。Anyway,新一輯《退魔傳》鐵定5月23日重啟,喺文嘉宏面書裡面連載,大家記得多多支持,畀個Like呀。

Read more ›
網圖分享:港漫人贈畫 鼓勵雷特氏症小朋友

網圖分享:港漫人贈畫 鼓勵雷特氏症小朋友

好人好事好善心,要讚,要表揚,一班港漫人為鼓勵患雷特氏症嘅小朋友,紛紛贈畫打氣。雷特氏症係神經系統疾病,患者會發育倒退,慢慢喪失活動同埋說話能力,好慘好慘。睇完畫,記得Like埋「愛不罕見-Love is all around」面書專頁,願小朋友們早日康復。

Read more ›
一虎x白狼x小羽x遨雪x悟空x八戒x唐三藏x沙悟淨 文嘉宏送心意卡

一虎x白狼x小羽x遨雪x悟空x八戒x唐三藏x沙悟淨 文嘉宏送心意卡

幾欣賞文嘉宏,每期《西遊》都出到一頁完短篇故事〈向西奔走〉,老實講雖然唔係期期都笑得出,但絕對睇得出心機所在,而畫功亦有番咁上下。新春,佢都搞番個「西遊──向西奔走新春大抽獎」,送出八張「西遊還經小隊至尊無敵手繪心意卡」,張張獨一無二,尺寸10cm乘13cm,想攞唔該留意佢面書,截止日期2月16日。記住,係抽獎,唔係先留言先得,依家參加都嚟得切。

Read more ›

撐港漫 撐《有限人生無限愛》漫畫精品紀念Boxset

利申,呢套《有限人生無限愛》我都無睇,無計,唔講大話,齋睇戲名都覺得Old school,好難激得起入場意欲。但但但但但,真心畀足五個但,As一個港漫忠實讀者,呢套《有限人生無限愛》漫畫精品紀念Boxset,我覺得有必要撐,每套盛惠$688。係,六舊幾水感覺係有啲貴,不過Boxset內容著實豐富,淨係文嘉宏張漫畫版海報、廖光祖+梁偉家+司徒劍僑+戴慶賢繪製嘅演員肖像漫畫卡同邱福龍+鄭健和繪製嘅圖案卡,已經值回票價,我話嘅!

Read more ›

做善事搵偶像簽名 撐《有限人生無限愛》港漫特別場

先介紹慈善舞台劇《有限人生無限愛》,聽劇名都估到屬洗滌心靈一類嘅劇目,主旨係「傷健一家親」,希望喚醒香港人對殘疾人士多啲關懷、多啲愛心、多啲互助,令社會多啲正能量。舞台劇分三場,第二場屬「港漫特別場」,屆時邱福龍、馮志明、鄭健和、何志文、司徒劍僑、曹志豪、葉偉青、文嘉宏、梁偉家、廖光祖、戴慶賢同余均偉等港漫人會出席,斷估合照留念簽名無詐型。為此邱福龍、鄭健和同文嘉宏仲等登創作咗廣告海報宣傳,據聞現場仲會有精品發售,既可以一睹偶像風采,又可以積福做善事,不妨考慮捧吓場喎。

Read more ›

網圖分享:港漫人同大家拜年

  今日大年初三,不宜拜年,唔出街就留番喺屋企上網喇。每逢大時大節,港漫人都習慣過過手癮出賀圖,今年都唔例外,個人認為文嘉宏嗰幅賀圖最靚,唔知大家又點睇?唔阻大家喇,睇畫喇……

Read more ›

文嘉宏《武俠Online》 面書免費刊登

放心!呢次上網睇漫畫係唔會畀人鬧係賊嘅,事關文嘉宏最新作品《武俠Online》決定喺面書免費刊登,雖然暫時只得第一話,但估計應該比舊作《退魔傳》更好睇,唔信自己上網Look Look。

Read more ›